میڈیکل اسٹوراں تے زائد المعیاد تے ممنوعہ ادویات نی ہونڑیاں چاھیدیاں، اسسٹنٹ کمشنر

رحیم یار خاں(سرائیکی نیوز۔وسیم شاہ جیلانی) اسٹنٹ کمشنر (ایچ آر ) ریاست علی دا آکھن ھِ کہ کہیں میڈیکل اسٹور تے زائد المعیاد تے ممنوعہ ادویات نی ہونڑیاں چاھیدیاں، عطائی ڈاکٹراں تے حکمت خانیاں دی چیکنگ کوں وی ڈرگ انسپکٹراں اپنڑیں معمولات دا حصہ بنڑاون، میڈیکل اسٹور لائسنس دے ناں تے کہیں کوں وی غیر قانونی پریکٹس کرݨ دی ہرگز اجازت نا ڈیتی ویسی ۔ انہاں خیالات دا اظہار انہاں ڈسٹرکٹ کوالٹی کنٹرول بورڈ دے اجلاس دی صارت کریندے ہووے کیتا۔ اجلاس اچ سیکریٹری ڈرگ کنٹرول اتھارٹی اسد اللہ ، پروفیسر ڈاکٹر غلام فرید ، چاراں تحصیلاں دے ڈرگ انسپکٹراں سمیت دیگر ممبران موجود ھن۔ اسٹنٹ کمشنر نے آکھیا ھِ کہ کوالیفائیڈ بندے دے بغیر کوئی میڈیکل اسٹور یا کلینک کم نی کر سکدا ایں موقع تے ١٤ کیسا دی سماعت واسطے پیش کیتے گئے جیندے اچوں ١١ کیس ڈرگ کورٹ اچ بھجݨ، ٢ دی دوبارہ چیکنگ تے ریکارڈ فراہم کرݨ تے ھک بندے دے خلاف مقدمہ درج کرݨ دے احکامات جاری یتے گئے ۔

میڈیکل تعلیم کا معیار صرف پیسہ

تحریر : شجاع اختر اعوان

چیف جسٹس آف پاکستان جسٹس میاں ثاقب نثار نے پورے پاکستان کے میڈیکل کالجز فیسوں کے کیس سپریم کورٹ ٹرانسفر کرنے کا حکم دیتے ہوئے آبزرویشن دی ہے کہ آج کے بعد میڈیکل کالجز کی فیس وصولی کا طریقہ کار سپریم کورٹ طے کرے گی ۔ تمام میڈیکل کالجز سے سات روز میں کالجز کے سٹرکچر ، لیب ، بینک اکائونٹس اور دیگر سہولیات سے متعلق تحریری رپورٹ جمع کروانے کی ہدایت کرتے ہوئے کہاگیا ہے کہ مقررہ مدت میں تفصیلات فراہم نہ کرنے والے کالجز پر ایک لاکھ روپے جرمانہ عائد کیا جائے گا۔ سپریم کورٹ نے انتظامیہ کو مزید نئے میڈیکل کالجز کی منظوری دینے سے بھی روک دیا۔ چیف جسٹس نے مزید ریمارکس دیتے ہوئے کہا کہ تعلیم سے پیسوں سے مشرو ط کرنے کی اجازت نہیں دیں گے۔ جو کالجز معیار پر پورا نہیں اتریں گے انہیں بند کرا دوں گا۔ غیر معیاری کالجز کو ایسے جرمانے کروں گا کہ ان کے مالکان کو گھر بیچنے پڑ جائیں گے چیف جسٹس سپریم کورٹ نے اس مسئلہ پر نوٹس لے کر پاکستان عوام کے دل جیتے لیئے ہیں وطن عزیز میں پرائیویٹ میڈیکل کالجز کی پیسے کمانے کی ہوس اور خلاف ضابطہ اقدامات کی وجہ سے میڈیکل تعلیم کا آغاز اتنا گر چکا ہے کہ اب دیگر ممالک میں پاکستان ڈاکٹرز کو اپنے ملکوں میں نوکریاں دینے پر پابندیاں عائد کرنی شروع کر دی ہیں جبکہ امریکن ہیلتھ آرگنائزیشن نے پاکستانی میڈیکل کالجز کی تعلیم کو انتہائی غیر معیاری قرار دیا ہے۔قیام پاکستان سے لے کر 2008ملک بھر میں صرف 26میڈیکل کالجز تھے اور اس وقت تک میڈیکل کا معیار تعلیم بھی قدر بہتر تھا داخلے میرٹ پر ہوتے تھے ۔ ذہین اور قابل طالبعلوں کو آگے آنے کاموقع ملتا مگر 2009 سے ایسا دور شروع ہوا جس میں پاکستان میڈیکل اینڈ ڈینٹل کونسل کے بڑوں نے حکومتی ملی بھگت سے 97 مزید پرائیویٹ میڈیکل کالجز کی منظوری دے دی ان کالجز کی منظوری کے عوض کروڑوں روپے رشوت دی گئی اس موقع پر قواعدوضوابط کو مکمل پس پشت ڈال دیا گیا بغیر کوالیفائیڈ اساتذہ ، لیبارٹریز ، عمارتوں اور ٹیچنگ ہسپتالوں کے کالجز قائم کر دیئے گئے جس کے بعد ملک بھر میں میڈیکل کالجز کی تعداد 26 سے 123 تک جا پہنچی ملک میںمیڈیکل کی تعلیم ایک کاروبار بن گئی ۔ رشوت اور سفارش کے بل بوتے پر گھروں ، بنگلوں بقول چیف جسٹس آف پاکستان گیراجوں میں بھی میڈیکل کالجز قائم کیئے گئے میڈیکل نظام تعلیم تباہ کر کے رکھ دیا گیا۔ کالج مالکان نے میڈیکل تعلیم کا معیار صرف پیسے کو بنا دیا ۔ دولت مند گھرانوں کے نالائق طالب علموں کو داخلے دے کر اس مقدس شعبے کا بیڑہ غرق کرنے کی کوئی کسر نہ چھوڑی گئی۔ پرائیویٹ کالجز مافیا نے ایک طرف قواعدوضوابط کی دھجیاں بکھیر دیں تو دوسری طرف ان کالجز کو مانیٹر کرنے والے ادارے پاکستان میڈیکل اینڈ ڈینٹل کونسل پر حکومتی اثرو رسوخ کم کر کے اپنے ممبران کی تعداد بڑھا کر عملا قبضہ حاصل کر لیا گیا اور پی ایم ڈی سی اس مافیا کی لونڈی بن کر رہ گئی۔ ان عناصر نے اپنے مفادات کے لیے نت نئے قوانین منظور کرائے کالجز میں تارکین وطن کی نشستیں پیدا کی گئیں اور انہیں کمائی کا ذریعہ بنایا گیا ۔ کالجز کے مالکان پرنسپل اور بور ڈ آف گورنر کو خصوصی سیٹس الاٹ کی گئیں ڈونیشن کے نام داخلہ سیٹس 20سے 50لاکھ میں فروخت ہونے لگیں ۔ 2008 سے پہلے میڈیکل کالجز کے سالانہ رزلٹ 90فیصد سے اوپر نہیں تھے جبکہ پرائیویٹ کالجز نے پیسے لو رزلٹ دو کی پالیسی پر 100فیصد رزلٹ دینے شروع کر دیئے۔ ان کالجز کی بھاری فیسوں کی وجہ سے غریب اور مڈل کلاس گھرانوں سے تعلق رکھنے والے قابل ذہین طالبعلموں کے لیے میڈیکل تعلیم کا حصول ایک خواب بن کر رہ گیا ۔ کیونکہ ان کے غریب والدین سالانہ لاکھوں روپے فیسیں ادا کرنے کے قابل نہیں اور اپنے بچوں کی میڈیکل تعلیم کے خواب کو عملی جامہ پہنانے کے لیے 40 سے 50 لاکھ روپے کی بھاری رقم ان پرائیویٹ میڈیکل کالجز کو ادا کرنے سے قاصر ہیں۔ چیف جسٹس آف پاکستان نے ان میڈیکل کالجز پر ہاتھ ڈال کر پوری قوم کی دعائیں لی ہیں ۔ میری چیف جسٹس آف پاکستان سے درخواست ہے کہ ان کالجز کا قبلہ درست کرنے کے لیے سخت قواعدوضوابط لاگو کیئے جائیں پی ایم ڈی سی میں سرکاری نمائندگی 70فیصد اور پرائیویٹ کالجز کی 30فیصد کی جائے ان کالجز کی لیبارٹریز ، عمارتوں ، تدریسی سٹاف، ٹیچنگ ہسپتالوں کوبین الاقوامی معیار پر جانچا جائے اور معیار پر نہ اترنے والے کالجز کی رجسٹریشن منسوخ کی جائے ۔ میرٹ پر آنے والے اور بہترین پوزیشن حاصل کرنے والے طلباء و طالبات کے لیے فری نشستوں کا کوٹہ مختص کیا جائے ۔ تاکہ اس ملک میں میڈیکل تعلیم غریب اور قابل بچوں کی دسترس میں ہو۔ جو آگے بڑھ کر ملک و قوم کی خدمت کر سکیں۔

ڈاکٹر شجاع اختر اعوان
0312-2878330

پیپلزپارٹی کوں سیاسی دھچکا، جام سعید دا ساتھیاں دے نال چانگ گروپ اچ شمولیت دا اعلان

ممتاز خان چانگ دی قیادت تے مکمل اعتماد دا اثہار، آئندہ انتخابات اچ ممتاز خان چانگ جئیں پارٹی اچ شمولیت کریسن اوں پارٹی کوں کامیاب کرویسوں،جام سعید احمد و دیگر برادریاں دے معززین

صادق آباد(سرائیکی نیوز۔اسد علی لاڑ)صادق آباد کھمبڑا ، ملک ، بھٹی تے رئیس برادری دی سرکردہ شخیات نے پیپلز پارٹی کوں خیر آباد آکھ تے چانگ گروپ اچ شمولیت دا اعلان کر ڈیتا، تفصیل دے مطابق پیپلز پارٹی دے سابق امیروار برائے کونسلر و تحصیل رہنما جام سعید احمد کھمبڑا نے پیپلز پارٹی توں مایوس تھئے تے چانگ گروپ اچ باضابطہ چور تے شمولیت دا اعلان کر ڈیتا۔ ایں موقع تے ھک تقریب دا انعقاد کیتا گئیا جیندے اچ اظہار خیال کریندے ہووے جام سعید احمد کھمبڑا نے آکھیا کہ حلقہ پی پی ٢٩٧ دے امیدوار ممبر صوبائی اسمبلی ممتاز علی خان چانگ دی قیادت اچ متحد ھیسے اج توں اساڈا جیوݨ مرݨ ممتاز خان چانگ گروپ دے نال ھِ انشاء اللہ آئندہ جنرل انتخابات اچ ممتاز خان چانگ جئیں پارٹی اچ شمولیت دا اعلان کریسن انہاں کوں کامیاب کرویسوں، ایں موقع تے حلقہ پی پی ٢٢٩٧ دے امیدوار برائے ممبر ژوبائی اسمبلی ممتاز علی خان چانگ نے آکھیا کہ جام سعید احم دکھمبڑا سمیت شملیت کرن والے دیگر برادریاں دے معززین کوں خوش آمدید آکھیندے ھیں انہاں دے حقوق دا تحفظ اساڈی اولین ترجیح ہوسی، ـعلاقے دے عوام دی خدمت کرن میڈا مشن ھِ میڈے مد مقابل جتنے وی امیدوار ہوسن انہاں دا حلقے دے عوام دی طاقت دے نال ڈٹ کے مقابلہ کریسوں تے انشااللہ کامیاب تھئی تے حلقہ ٢٩٧ اچ ترقیاتی کماں دے جال وچھا ڈیسوں ، ایں موقع تے وائس چیئرمین یو سی نواز آباد نور احمد کوش ، جام منظور احمد کھمبڑا ، جام خیر محمد کھمبڑا ، جام غلام حسین کھمبڑا ، جام بشیر احمد کھمبڑا ، چارقق حسین بھٹی ، رئیس خالق داد ، جام عبدالغفور کھمبڑا ، رانا شاہد ، جام ایاز احمد ، ڈاکٹر محمد سلیم ، ڈاکٹر محمد شاہ رخ ، جام فرزند احمد ، جام نوید احمد کھمبڑا ، جام فیاض احمد کھمبڑا ، جام اصغر علی کھمبڑا ، حاجی جمعہ بھٹی ، جام نیاز احمد کھمبڑا ، جام رشید احمد کھمبڑا ، جام محمد نواز عرف بلو، جام فرحان علی کھمبڑا ، غلام مصطفی کھمبڑا ، جام حبیب اللہ ، جام ظفر کھمبڑا سمیت دیگر وی موجود ھن۔

خانپور، مدینہ ٹاون مسجد بسرا سیوریج لائن بند، پانڑیں گھراں اچ وڑ گئیا

خان پور (سرائیکی نیوز) مدینہ ٹاون مسجد بسرا دے نال سیوریج لائن بند، پانڑیں لوگاں دے گھراں اچ داخل، انتظامیہ خاموش تماشائی ، تفصیل دے مطابق خانپور دے شہار اچ واقعے مدینہ مسجد بسرا دے نال گٹر لائن دا پانڑیں بھریج گئیا، جئیں وجہہ توں لوگاں دے گھراں اچ گندے پانڑیں داخل تھیون شروع کر ڈیتا، جئیں وجہہ توں مسجد دے نمازی تے اہل محلہ تکلیف دا شکار ھن تے مطالبہ کیتے کہ متعلقہ محکمہ فی الفور اپنڑی ذمہ داری دا احساس کرے اہل محلہ نے مطالبہ کیتا کہ اساں ووٹاں نال منتخب تھیون والے ایم این اے تے ایم پی اے کوں ایں معاملے تے سنجیدگی نال نوٹس گھنݨ دی لوڑ ھِ انہاں چیئرمین میونسپل کمیٹی توں ایں صورتحال توں نمٹن دی درخواست کیتی انہاں نے آکھیا کہ ادارے میونسپل کمیٹی دے اہلکار مسلسل انہاں معاملات توں نظر پھیر ویندن انہاں کوں پابند کرن دی  لوڑ ھِ کہ او اعلاقے دے بنیادی مسائل کوں فی الفور حل کرن۔ یاد رھاوے کہ گزشتہ ھک ہفتے توں ودھ سیوریج دا پانڑیں گلیاں اچ بھریج گئے ھن نوبت اے آ گئی ھِ کہ پانڑیں گھراں اچ آون شروع تھئی گئے

محکمہ تعلیم نوکریاں برائے فروخت ڊی ٻولی لگݨ شروع

صادق آباد(سرائیکی نیوز۔محمد رمضان)چوک سویترا ، پکی ملازمت گھن گھینو، نوکری گھن گھینو، رحیم آباد ھائی سکول اچ ملازمتاں دی ٻولی لگݨ شروع تھئی گئی، محکمی ایجوکیشن اچ درڄہ چہارم دی تھیون والی ٻھرتیاں کوں سکول ٹیچر ذوالفقار علی نے کمائی ڊا ذریعہ بنڑایا گورنمنٹ ہائی سکول رحیم آباد اچ ٹیچر موصوف نے رشوت دا بازار گرم کر رکھا ھِ تے فارم تصدیق کرݨ، فائل جمع کرواوں تے نوکری پکی کرݨ ڊا ریٹ مقرر کر رکھا ھِ گورنمنٹ ہائی سکول رحٰم آباد اچ تھیون والی بڊعنوانی دی کیتھیں مثال نی ملڊی، ٹیطر ذوالفقار علی دیدہ ڊلیری نال فارم تصڊیق کرواوݨ تے فائیلاں جمع کرواوݨ والے امیڊواراں کوں لٹینڊا رھئے مذکورہ سکول اچ میرٹ دے تقڊس ڊی پامالی نال مستحق امیڊواراں کوں حق تلفی تھینڊی پئی ھِپورے ضلع اچ ایہو جئے کرپٹ لوگاں دی وڄہہ نال تعلیم دا گندا حال ھِ تے چھتری ضلعیاں اچ رحیم یار خان ڊا نمبر سٻھ توں چھیکڑ اچ ھِ ایں ظلم تے عوامی و سماڄی حلقیاں اچ وزیر تعلیم پنجاب ، ݙپٹی کمشنر سقراط امان رانا ، ڈسٹرکٹ ایجوکیشن آفیسر رحیم یار خان تے ݙپٹی ایڄوکیشن آفیسر صاڊق آباد توں مطالٻہ کیتا ھِ کہ رحیم آٻاڊ ہائی سکول اچ تھیون والی بڊعنوانی دا فوری نوٹس گھیدا ویسی۔

سلنݙر پھٹݨ نال ١٢ سال ڊا بال سڑ گئیا

صادق آباد(سرائیکی نیوز۔محمد رمضان) البرکت مارکیٹ چوک ایف ایف سی کم  کرینڊے ہووے گیس ڊا سلنݙر پھٹݨ ڊے نال ١٢ سال ڊا ٻال سڑ گئیا، ریسکیو ١١٢٢ جائے وقوع تے وقت تے پھج گئی تے ٻال کون طٻی امڊاد ڈیوݨ واسطے اسپتال منتقل کر ݙیتا گئیا۔

٦ گڈیاں تے پروٹوکول گھن والا خود کوں مظلوم آکھیندے، آصف علی زرداری

تونسہ شریف (سرائیکی نیوز۔ نعیم اختر تونسوی) تونسہ شریف اچ سابق صدر آصف علی زرداری دی آمد ، میڈیا تے علاقہ معززین نال گالھ مہاڑ کریندے ہووے آکھیا کہ نواز شریف دے نال ٦ گڈیاں پروٹوکول دیاں چلدیاں ھن ، ول وی نواز شریف خود کو مظلوم آکھیدا پھیردے۔ پاکستان اچ واحد جماعت پیپلز پارٹی ھِ جو لٹی ہوٹی دولت باہر ملکاں توں پاکستان واپس گھن آ سکدی ھِ ، 2018 الیکشن او پنجاب اچ پیپلز پارٹی دی حکومت ہوسی۔ سابق صدر آصف علی زرداری ، مخدوم یوسف رضا گیلانی تے پیر خواجہ عطاء اللہ تونوسی دے نال تونسہ شریف اچ ملاقات کیتی۔

حلقہ 297 پی پی دی عوام دے حقوق دا ہر سطح تے تحفظ کریسوں، ممتاز خان چانگ

مخالفین دی خبراں اچ کوئی صداقت کینی ست چیئرمین اساڈے نال ھن، مخالفین اساڈی اکثریت توں بوکھلاہٹ دا شکار تھئی گئے ھن

حلقہ پی پی دی عوام دا بھر پور تعاون تے محبتاں نال ھن جو کہ اساڈی مقبولیت دا منہ بولیندا ثبوت ھن، ترہیلی برادری دی طرفوں ڈیتے گئے ظہرانے اچ معززین علاقے نال گالھ مہاڑ

صادق آباد (سرائیکی نیوز۔ اسد علی لاڑ )علاقے دی تعمیر و ترقی کیتے ہمہ وقت کوشاں ھیسے ، مخالفین اساڈی اکثریت کوں ڈیکھ تے بوکھلاہٹ دا شکار تھئی گئے ھن ٢٩٧  حلقہ دے لوگاں دا بھر پور تعاون تے محبتاں اساڈے نال ھن جو کہ اساڈی مقبولیت داا ثبوت ھِ انہاں خیالات دا اظہار ممتاز سیاسی و سماجی شخصیت امیدوار حلقہ  297 ممتاز علی خان چانگ نے گزشتہ روز یونین کونسل کوٹ سبزل گوٹھ عالو اچ رئیس غلام مرتضی ترہیلی دی طرفوں ڈیتے گئے ظہرانے اچ معززین علاقے دے نال گالھ مہاڑ کریندے ہووے کیتا انہاں نے آکھیا کہ رئیس غلام مرتضی ترہیلی کوں اپنڑی برادری سمیت حمایت کرن تے انہاں دے مشکور ھیں

 انہاں دے حقوق دا ہر سطح تے تحفظ کریسوں، ایں  تے رئیس غلام مرتضی ترہیلی نے آکھیا کہ ممتاز علی خان چانگ دی عوامی خدمات کوں سرھیندے ہیں  آئندہ الیکشناں اچ اپنڑی برادری سمیت انہاں دی بھر پور سپورٹ کریسوں، دریں اثناء امیدوار صوبائی حلقہ  297 ممتاز علی خان چانگ نے یونین کونسل بندروعباسیاں اچ یو سی چیئرمین ریئس خلیل الرحمن ترہیلی نال ملاقات کیتی تے انہاں نے وی ممتاز خان چانگ دی آئندہ جنرل انتخابات اچ بھر پور سپورٹدی یقین دھانہی کروائی ۔ ایں موقع تے یو سی چیئرمین نواز آباد عبدالستار خان چانگ ، جام نادر حسین انڈھڑ ، رئیس نور الہی ترہیلی سمیت دیگر معززین علاقہ وی موجود ھن۔

دیرہ اسماعیل خان دا ٹائی ٹینک ۔ ایس ایس جھلیم مرحوم

ڈیرہ اسماعیل خان دا ٹائی ٹینک (ایس ایس جھیلم مرحوم) ایس ایس جھیلم جہاز جیکوں دیرے دا ٹائی ٹینک وی آکھا ویندا ہئی، 1735ء اچ تیار کیتا گیا ہئی۔ ایکوں اسکاٹ لینڈ دی مشہور برطانوی شپنگ یارڈ کمپنی بارکلے کرل نے تیار کیتا ہئی۔451 ٹن وزنی اے جہاز کوئی 150فٹ لمبا تے 33فٹ چوڑا ہئی تے ایندے وچ 960 ہارس پاور دا طاقتور انجن وی نصب کیتا گیا ہئی۔ایں جہاز دے عرشے کوں ملا کے کوئی پنج سو بنداں دے باون دی جھا ہئی۔ پہلی وڈی عالمی جنگ اچ حکومت برطانیہ نے ایکوں جنگ اچ زخمی تھیون آلے برطانوی فوجیاں دے علاج معالجے دے واسطے بطور موبائیل ڈسپنسری استعمال کیتا، جنگ دے بعد برطانوی حکومت نے ایکوں ہندوستانی حکومت کوں ڈے دتا تے ہندوستانی حکومت نے اے جہاز صوبہ پنجاب کوں بطور تحفہ ڈے دِتا۔ 1935ء اچ سرحد دی صوبائی حکومت نے ایکوں مُل خرید کرکے ڈیرہ انتظامیہ دے حوالے کر ڈتا تے اے تاریخی جہاز ڈیرے کول کچے دے درمیان دیاں سواریاں ڈھوون لگ گیا۔ونڈ کول پہلے دیرہ میونسپل کمیٹی دے وڈکے دیوان جگن ناتھ تے نارائن داس ہین جیہڑے ایں جہاز دی بروقت مرمت تے سالانہ دیکھ بھال کرویندے راندھے ہین، لیکن بدقسمتی نال ہک غیر فطری ونڈ دے بعد دیرہ دے سر دے سائیں جبری ہجرت کر کے آپڑا شاہر ہمیش کیتے چھوڑ گے، وت نہ دیرے دا کوئی ولی وارث باقی بچا تے نہ ہی ایں جہاز دی خبر گیری کرن آلا کوئی جگن ناتھ جیندا ریا۔تقسیم دے بعد کوئی تری سالاں تک ایکوں اساں جے کلمہ گو مسلمان بغیر مناسب دیکھ بھال دے صرف اللہ نبی دا ناں چا کے تے ایتہ الکرسی پھوک پھوک کے چھکی رے گے نتیجتاً 1982ء اچ جہاز دے انجن کو ں اغیبوں بھا لگ گئی جیکوں دیرے دی بے حس، نالائق تے لاپرواہ انتظامیہ نے مسماون دی کوئی کوشش نہ کیتی۔ نتیجتاً اے جہاز سڑ کے سواہ تھی گیا تے ایندے بہوں سارے پرزے کولہ تھی کے تباہ تھی گے۔1985ء اچ ا یندے تے نواں پینٹ چڑھا کے دلی شاہر نمونہ، اندروں مٹی باروں چونا۔۔ لوڑں پانڑیں لا کے ولا کول ایں بی بختے جہاز کوں چالو کر دِتا گیا۔ کیں طریقے نال ہولے ہولے مریندا کٹیندا، کھنگدا رکدا اے جہاز آپڑا دھرنگا گھیلی ریا، ایں دوران دیرہ دریا خان پل بڑ گئی تاں ایکوں ریٹائرڈ کرکے دریا کنارے کھڑا کر دتا گیا۔اے شودا دریا دے بیٹ نال گلے لگ کے آپڑی قسمت تے ہنجو وہیندا رِیا۔ دیرہ انتظامیہ نے ایں تاریخی جہاز نال بالکل ایویں سلوک کیتا جیوں متریرں ماں تے پتندر پیو کیں اللہ راسی بال نال کریندے ہوسن۔ 1999ء دے ہاڑ ساون اچ جتھاں ہک پاسوں گھپ اندھاری، طوفان، تیز ہوائیاں، تے واچھڑ نے اودھم مچایا اتھئیں سندھو وی غضبناک تھی گیا۔ کالیاں اندھاریاں، طوفاناں تے شوکدے سندھو دے سامنے ا کلے کھڑے ایں بے وس، یتیم تے بے آسر ا جہاز نے اخیر ہاری منی تے دیرہ ا نتظامیہ نے آپڑے سِر دے اتے گھوں دا بھرا ہویا چھبا چاتا۔ دیرے د اتاریخی جہاز ایس ایس جھیلم المعروف دیرے دا ٹائی ٹینک اساڈی اکھیاں دے اگوں ریت دے قبرستان اچ لے گیا تے ظالم سندھو نے ایکوں ہمیش کیتے آپڑے اندر لکا گدا ۔ عباس سیال

بہاول پور کیتے وکلاء کوں ہر سوموار کوں گڈی ڈیسوں، سیکریٹری آر ٹی اے

ڈسٹرکٹ بار اچ وکلاے کیتے پرمٹ دے اجراء دا سیل قائم کیتا ویسی، فاروق ورند، مبشر نذیر

رحیم یار خان (سرائیکی نیوز۔ اسد علی لاڑ)سیکریٹری آر ٹی اے ریاست علی نے ڈسٹرکٹ بار ایسوسی ایشن دے نو منتخب صدر محدم فاروق ورند ایڈووکٹ تے جنرل سیکریٹری مبشر نذیر لاڑ ایڈووکیٹ کوں ڈپٹی کمشنر سقراط امان رانا دی طرفوں گلدستہ تے مٹھائی پیش کیتی انہاں نے ڈپٹی کمشنر سقراط امان رانا دا پیغام ڈیندے ہووے آکھیا کہ ضلعی گورنمنٹ بار ایسو سی ایشن کوں ہر ممکن تعاون دا یقین ڈیوندی ھِ نو منتخب صدر محمد فاروق ورند تے جنرل سیکریٹری مبشر نذیر لاڑ نے آکھیا کہ وکلاء کوں بہاول پور ہائی کورٹ گھن تے ونجن واستے سوموار سویرے ہائی کورٹ ٹائم دے مطابق وکلاء کیتے گڈی دا انتظام کیتا ویسی۔ انہاں نے آکیا کہ سول محافظ خانہ دا انچارج کینی، جئیں توں نقول گھن اچ دشواری دا سامنڑاں ھِ اساڈا مطالبہ ھِ کی ڈی سی ای نقول برانچ اچ ذمہ دار انچار تعینات کیتا ونجے نقول برانچ اچ چیک اینڈ بیلس برقرار رکھا ونجے انہاں نے آبادی دی حدود اچ گڈیاں تے وجن والے پریشر ھارن کوں وی ختم کراون دا مطالبہ کیتا انہاں آکھیا کہ ایندے کیتے ڈسٹرکٹ بار اچ ھک سیل قائم کیتا ویسی جیندے اچ وکلا کوں پرمٹ جاری کیتے ویسن، رانا ریاست علی نے مطالبات دے حل دی یقین دھانی کرائی انہاں آکھیا کہ وکلاء کوں بہاول پور گھن ونجن واسطے آئندہ سوموار توں گڈی حوالے کر ڈیتی ویسی۔

شہباز شریف دی درخواست تے پیر حمید الدین سیالوی نے احتجاجی تحریک ختم کر ڈیتی

سرگودھا (سرائیکی نیوز۔نعیم تونسوی) وزیراعلیٰ پنجاب شہباز شریف دی درخواست تے پیر خواجہ حمید الدین سیالوی نے احتجاجی تحریک ختم کرڈیتی ۔وزیراعلیٰ پنجاب شہبازشریف نے پیر خواجہ حمید الدین سیالوی نال ملاقات کیتی راولپنڈی توں پیر ریاض الدین تے تونسہ شریف توں پیر مدثر تونسوی سمیت داتا دربار لاہور دے خطیب رمضان سیالوی وی ملاقات اچ موجود ھن۔

شہباز شریف نے پیر خواجہ حمید الدین سیالوی نال ملاقات اچ انہاں توں احتجاج دی اپیل واپس گھین دی درخواست کیتی جیندے تے انہاں نے احتجاجی تحریک ختم کر ڈیتی ملاقات دے بعد میڈیا نال گالھ مہاڑ کریندے ہووے شہباز شریف نے آکھیا کہ رانا ثناء اللہ دے استعفے دے مسئلے تے کمیٹی بنڑاں ڈیتی ھِ جیندے اراکین اسمبلی نے استعفی ڈیتے انہاں دا فیصلہ وی کمیٹی اچ تھیسی جبکہ کمیٹی دا پہلا اجلاس اگلے ہفتے لاہور اچ تھیسی۔

وزیر اعلی پنجاب دا آکھن ھا کہ حمید الدین سیالوی دی مسلم لیگ کیتے قربانیاں لا زوال ھن سیاسی مخالفین نے دوریاں پیدا کرن دی کوشش کیتی ھِ

کریم دی سرگودھا اچ وی ٹیکسی سروس شروع

سرگودھا(سرائیکی نیوز) کریم ٹیکسی کمپنی نے سرگودھا اچ وی اپنڑی سروس دا آغاز کر ڈیتا ھِ ایں حوالے نال کمپنی دے ترجمان نے اپنڑیں جاری کردی ھک بیان اچ آکھیا ھِ کہ اساں سرگودھا اچ ٹیکسی سروس دے آغاز دا فیصلہ عوامی سہولیات کوں مد نظر رکھیندے ہووے کیتے تے ایندے نال نال اساڈے کاروبار اچ وی ایں سروس دے آغاز نال اضافہ تھیسی ایں واسطے اساں اپنڑی ٹیکسی سروس دا دائرہ کار سرگودھا تک ودھا ڈیتا ھِ

کمپنی دے منیجنگ ڈائریکٹر جنید اقبال نے میڈیا نال گالھ مہاڑ کریندے ہووے ڈسایا کہ کمپنی عوام کوں انہاں دے گھر دی دہلیز تے سستی تے معیار سفری سہولیات دی فراہمی چاھندی ھِ تے ایں مقصد کیتے اساں ایں سروس دا آغاز کیتا ھِ ابتدائی طور تے اے سروس ملک دے گیارہ وڈے شہاراں اچ جاری ھِ جئیں توں ھزار لوگ مستفید تھیندے پئے ھن ایندے علاوہ مسافراں کوں گھر دی دہلیز تے سفر دی معیار، محفوظ تے سستی ترین سہولت دی فراہمی اساڈا عزم ھِ تے اپنڑیں مقصد اچ اساں ضرور کامیاب تھیسوں۔

وستی گھالی ، تونسہ شریف اچ ٦ سالہ بال نال ذیادتی

تونسہ شریف(سرائیکی نیوز۔ نعیم تونسوی) برات، نامی بال کوں گھر دے نال جانی نامی دکاندار نے بلیو فلم ڈکھا تے زیادتی دا نشانہ بنڑاں ڈیتا، بال نال بدفعلی تے دے دوران اوندی حالت غیر تھئی گئی ، قریبی لوگاں نے فوری طور تے ریسکو ١١٢٢ کوں اطلاع کیتی۔ اہلکاراں نے بال کوں فوری طور تے تحصیل ہسپتال ٹرما سینٹر تونسہ پھجا ڈیتا، ملزم موقع تے فرار تھیون اچ کامیاب، تونسہ سٹی ایس ایچ او واقعے دی تفتیش واسطے ٹراما سنٹر پھج گئے۔

خواجہ سراواں دی آواز چاون والا، اجتماعی زیادتی دا شکار بݨ گئیا

پولیس نے ٣ ملزمان کوں حراست گھن گھیدا تے خواجہ سراہ تے راضی نامے دے زور دیاں کوششاں کریندے پئن

پشاور(سرائیکی نیوز) خواجہ سرا اجتماعی زیادتی دا شکار تھیندے پئے ھن پولیس نے جرم تے پردہ پاون تے سارا الزام خواجہ سرا تے لا ڈیتا۔ پشاور دا ١٨ سالہ خواجہ سراء سمع اجتماعی زیادتی دا نشانہ بنڑایا گئے ایندا جرم اے ھا کہ ایں نے اپنڑیں ہم جنس دے حقوق واسطے آواز چاتی ھائی۔ ایں معاملے تے پولیس نے رپورٹ تاں درج کر گھیدی لیکن رپورٹ اچ زیادتی دی دفعات نا لاون دا ذمہ خواجہ سراواں تے لا ڈیتا گئیا ھِ ذرائع دے مطابق پولیس نے تریھ ملزمان کوں گرفتار تاں کر گھیدے لیکن خواجہ سراء تے راضی نامے واسطے زور لائیندے پئے ھن۔

وزیر اعظم ورلڈ اکنامکس فورم اچ شرکت واسطے سوئٹزرلینڈ پھج گئیا

زیورخ(سرائیکی نیوز)وزیر اعظم شاہد خاقان عباسی سوئٹزرلینڈ پھج گئے جیتھاں او ورلڈ اکنامکس فورم اجلاس اچ شرکت کریسن۔

وزیر اعظم ورلڈ اکنامک فورم دے ڈو روزہ اجلاس اچ شرکت کیتے سوئٹزر لینڈ پھج گئے ڈبلیو ای ایف دا اجلاس ڈیووس اچ ٢٤ تے ٢٥ جنوری کوں تھیسی ، وزیر اعظم بانی تے ایگزیکٹو چیئرمین ورلڈ اکنامک  فورم دی دعوت تے سوئٹزر لینڈ پھجے ھن۔

وزیر اعظم دورہ سوئٹزر لینڈ دے دوران کہیں اھم ایونٹس اچ شرکت، عالمی لیڈرز تے بین الاقوامی کمپینیاں دے سربراہواں نال ملاقات کریسن۔ جبکہ بیلٹ اینڈ روڈ امپیک دے عنوان توں ورلڈ اکنامک فورم دے سیشن اچ وی شرکت کریسن۔ وزیر اعظم شاہد خاقان عباسی سوئٹزرلینڈ اچ بین الاقوامی میڈیا بشمول سی این این ، وائٹرز ، واشنگٹن پوسٹ ، وال اسٹریٹ جرنیل دے نمائندگیاں کوں انٹرویو وی ڈیسن۔

بھارت تے پاکستان دے درمیان ان بݨ دے نال ریاست دے لوگ متاثر تھیندن، محبوبہ مفتی

سری نگر (سرائیکی نیوز) مقبوضہ کشمیر دی کٹھ پتلی وزیر اعلی محبوبہ مفتی نے آکھیا ھِ کہ بھارت تے پاکستان دے درمیان ان بݨ توں ریاست دے لوگ متاثر تھیندن، ڈونہاں ممالک توں اپیل ھِ کہ کشمیر کوں جنگ دا آکھاڑا نی دوستی دا پل بنڑایا ونجے، تفصیل دے مطابق اپنڑیں ھک بیان اچ محبوبہ مفتی دا آکھن ھا کہ ریاستی سرحداں تے خون دی ھولی کھیڈی ویندی پئی ھِ سرحدی آبادی کوں انتہائی تکلیف دہ صورتحال دا سامنڑاں ھِ جموں و کشمیر بھارت تے پاکستان دے درمیان تنازعی دا باعث بن گئی ھِ انہاں نے آکھیا کہ اساڈی ریاست اچ سرحداں دے نزدیک رہائش پذیر لوگ بنکراں دی تعمیر دا مطالبہ کررہے ھیں  او اپنڑیں گھر چھوڑ تے بھج گئے ھیں تے اساڈے سکول بند پئے ھن جموں و کشمیر بھارت تے پاکستان دے درمیان تنازعہ دا باعث بن گئے ھن۔

ایران کوں جوہری طاقت نا بنڑݨ ڈیسوں، امریکی نائٻ صدر

مقبوضہ بیت المقدس(سرائیکی نیوز) امریکی نائب صدر مائیک ینس دا آکھن ھِ کہ میڈا اسرائیل تے مشرق وسطی نال وعدہ کیتا کہ امریکا ایران کوں کہیں وی جوہری طاقت ناں بنڑن ڈیسی۔

اسرائیلی پارلیمنٹ نال خطاب کریندے ہووے مائیک ینس دا آکھن ھا کہ 2015 اچ اسرائیل دی بھر پور مخالفت دے باوجود سابق امریکی صدر براک اوباما دے ایران دے نال جوہری معاہدہ کیتا لیکن موجود صدر ڈونلڈ ٹرمپ دے آغاز توں ایں معاہدے کوں تنقید دا نشانہ بنڑائے۔

مائیک ینس دا آکھنا ھا کہ ڈونلڈ ٹرمپ نے ایران کوں خبردار کیتا ھِ او نا صرف مسلسل ایں معاہدے دی خلاف ورزی کریندا رھئے ، بلکہ دنیا بھر اچ اسرائیل دے دشمناں سمیت دیگر دہشت گرد تنظیماں دی معاونت وی کریندا پئے انہاں نے آکھیا کہ ایران دے نال جوہری معاہدہ تباہ کن اقدام ھِ لہذا امریکا ایں معاہدے کوں مزید جاری نا رکھیسی جبکہ اے میڈا اسرائیکل تے مشرق وسطی نال وعدہ ھِ کہ ایران کوں وی کڈھیں جوہری طاقت نا بنڑن ڈیتا ویسی ۔ نائب امریکی صدر دا آکھن ھا کہ ٹرمپا ے گالھ واضح کر چکے ھن کہ ایران دے نال جوہری معاہدے دا معاملہ حل نا تھیا تے امریکا فوری طور تے ایں معاہدے توں دست بردار تھئی ویسی

خیال رھاوے کہ ٹرمپ نے حال اچ ھی ایران دے نال 2015 دے جوہری معاھدے اچ آخری واری ٣ ماہ دی توسیع کریندے ہووے آکھیا ھا کہ انہاں نے اے قدم آخری واری چاتے تاکہ یورپ تے امریکا ایں معاھدے اچ موجود نقائص دور کر سکے۔

ڈیرہ غازیخان اچ ٢ دہشت گرد ہلاک، آئی ایس پی آر

اسلام آباد(سرائیکی نیوز)پاک دھرتی کوں امن دشمناں توں پاک کرن دا مشن جاری ھِ پنجاب رینجرز نے ڈیرہ غازیخان اچ آپریشن کر تے ڈو دہشت گرداں کوں ٹھکانڑیں لا ڈیتا

پاک فوج دے شعبہ تعلقات عامہ آئی ایس پی آر دے مطابق ڈیرہ غازی خان اچ پنجاب رینجرز دے آپریشن دے دوران ڈو دہشت گرداں کوں ہلاک کر ڈیتا گئیا۔

آئی ایس پی آر دے مطابق پنجاب رینجرز نے خفیہ معلومات دے ئی جی خان اچ آپریشن کیتا ، کارروائی دے دوران لکے ہووے کالعم تنظیم دے ڈو دہشت گرد مارے گئے ۔ ہلاک تھیون والے دہشت گرد سیکورٹی اہلکاراں دے اغواء دے قتل اچ ملوث ھن۔

ڈسٹرکٹ ہسپتال مظفرگڑھ اچ ٹی بی دے مریضان کیتے ون ونڈو کلینک دا افتتاح

مظفرگڑھ(سرائیکی نیوز۔اشرف حسین کشور)ٹی بی دے مریضان کوں ھک چھت تلے علاج دی تمام سہولیات دی فراہمی کیتے ڈسٹرکٹ ھیڈ کوارٹر ہسپتال مظفرگڑھ اچ جنوبی پنجاب دا پہلا ون ونڈو ٹی بی کلینک قائم کر ڈیتا گئیا ون ونڈو کلینک دا افتتاح گزشتہ روز ڈپٹی کمشنر سیف اانور جیہ نے کیتا۔ سرائیکی نیوز دے نمائندے نال گالھ کریندے ہووے ڈسٹرکٹ ھیڈ کوارٹر ہسپتال دے میڈیکل سپریٹنڈنٹ ڈاکٹر مہر محمد اقبال تے ایڈمن افیسر خان نے ڈسایا کہ ون ونڈو ٹی بی کلینک الچ ٹی بی دے مریضان دا ٹیکس تے چیک اپ کرن دے علاوہ ادویات فراہم کیتیاں ویسن۔ ٹی بی دے مریضان دے ٹیسٹ تے چیک اپ کرن دے علاوہ ادویات وی فرام کیتیاں ویسن۔ ٹی بی دے مریضان دے ٹیسٹ واسطے محکمہ ہیلتھ پرائمری اینڈ سیکنڈری دی طرفوں جدید ترین جینز ایکسپرٹ مشین فراہم کر ڈیتی گئی ھِ جیندے نال ٹی بی دے مریضاں دے بلغم توں مرض دی تشخیص تے نوعیت دے بارے جانکاری اچ مدد ملسی۔

امیر بادشاہ میانخیل دا سردار اکرم اللہ کنڈہ پور دی حمایت دا اعلان

ڈیرہ اسماعیل خان(سرائیکی نیوز ملک بلال آحمد سپرا )اہلیان علاقہ درابن ومعززین علاقہ اور انار گل دا بھیرا امیر بادشاہ میانخیل نے میانخیل گروپ کو چھور کر صوبائی وزیرزراعت سرداراکرام اللہ خان گنڈہ پور دی حمایت دا اعلان کرڈتا ہس تے آوانڑ آلے انتخابات 2018 اچ اپنڑے بھرپورتعاون دی وی یقین دہانی کرائی۔ ایں سلسلے اچ صوبائی وزیرزراعت سرداراکرام اللہ خان گنڈہ پور کوں معززین علاقہ تے امیر بادشاہ گروپ نے اپنڑے حلقہ اچ خوش آمدیدآکھا تے اپنڑے علاقے دے مسائل بارے وی آگاہ کیتا گئے جیندے اوتے صوبائی وزیرزراعت سرداراکرام اللہ خان گنڈہ پور نے عوام کوں آکھا ھ کہ او اپنڑے سارے وسائل لوگاں دے مسائل کوحل کرنڑ اچ لیساں تے اپناکردارادا کریساں۔اورانہاں دے حقوق انہاں دے دروازے اوتے پہنچائساں یاد رہے کہ نجیب شاہ دی مہنتاں تے کاوشوں نال اہلیان علاقہ درابن ، معززین علاقہ گروپ نے میانخیل گروپ کو خیرباد آکھا ھ سرداراکرام اللہ خان گنڈہ پور کے ہاتھوں میں ہاتھ دے کر انہاں دی حمایت تے آونڑ آلے انتخابات اچ مکمل طور تے انہاں دا ساتھ ڈیونڑ دا اعلان کرڈتا

پاکستان دا افغان پناہ گزیناں دے قیام اچ مزید توسیع نا کرن دا فیصلہ

پشاور (مانیٹرنگ ڈیسک) پاک امریکا تعلقات اچ تعطل دے بعد ھک واری ول پاکستان اچ مقیم ١٤ لکھ افغان مہاجرین تے توجہ مرکوز تھئی گئی کیونکہ وفاقی حکومت نے انہاں دی واپسی کیتے ھک ھنگامی پلان بنڑاون دا فیصلہ کر گھیدا ھِ

ایں حوالے توں ریاستی تے سرحدی علاقیاں (سیفرون) دی وزارت دے ھک سینیئر اہلکار نے ڈسایا کہ حکومت ملک اچ مقیم پناہ گزیناں دے قیام اچ مزید توسیع نا ڈیسی۔ انہاں نے آکھیا کہ ٣١ جنوری دے بعد انہاں دے قیام دی مدت اچ توسیع نا کیتی ویسی تے پناہ گزیناں کوں اپنڑیں ملک واپس ونجڑاں ہوسی۔خیال رھاوے کہ پناہ گزیناں دی قانونہ طور تے قیام دی مدت گزشتہ سال ٣١ دسمبر 2017 کوں ختم تھئی گئی ھائی جیندے بعد وفاقی کابینہ نے انہاں دے ملک اچ قیام کوں صرف ھک ماہ دے واسطے ودھا ڈیتا گئیا ھا۔ ابتدائی پلان دے مطابق سیفرون دی وزارت نے رجسٹرڈ پناہ گزیناں دے قیام اچ ھک سال دی توسیع دا مشورہ ڈیتا ھا تاہم ذرائع دا آکھن ھا کہ قومی سلامتی کمیٹی نٖ فیصلہ کیتا ھا کہ افغان پناہ گزیناں کوں ھک سال دی توسیع نا ڈیتی ویسی۔ ایں حوالے نال پناہ گزیناں دے چیف کمشنر سلیم خان دا آکھن ھا کہ متعلقہ حکام وفاقی کابینہ کوں معاملہ ویچن توں پہلے انہاں دی واپسی دا پلان تیار کریسوں۔انہاں نے آکھیا کہ ہولڈرز دے درمیان مشاورت دے بعد پناہ گزیناں دی وطن واپسی دے منصوبے تے عمل درآمد تھئی گئیا ۔ حکام دی طرفوں ھک اندازے دے مطابق 25 لکھ توں زائد افغان شہری اسادے مک اچ رہائش پزیر ھن جیندے اچ رجسٹرڈ پناہ گزیناں دی تعداد 14 لکھ ھِ

ایندے علاوے حکومت نے گزشتہ سال اگست اچ ھک طویل مہم دے آغاز دے بعد ٧ لکھ غیر رجسٹرڈ افغان باشندیاں کوں رجسٹرڈ کیتا ھا۔ وزارت سیفرون ذرائع دا آکھن ھا کہ ہنگامی پلان چاراں صوبیاں دے متعلقہ حکام تے سیاسی قیادت دی مشاورت دے بعد تیار کیتا ویسی۔

ایں والے نال وزارت دے ھک بئے اہلکار دا آکھن ھا کہ لکھاں افغان دی واپسی آسان کم کینی تے ایندے اچ کم از کم ھک سال درکار ہوسی۔ انہاں نے آکھیا کہ سہ فریقی معاہدے دے تحت حکومت پناہ گزیناں کوں زبردستی پاکستان چھوڑن تے مجبور نی کر سکدی، انہاں دا آکھن ھا کہ شماریات دا اے منصوبہ افغان شہریاں دی واپسی واسطے ھک روٹ میپ فراہم کریسی۔انہاں نے آکھیا کہ ہنگامہ پلان تریھ حصیاں تے مشتمل ہوسی، جیندے اچ فہرستاں دی تیاری ، پناہ گزیناں دی رہائشی علاقیاں دی شناخت تے انہاں کوں کیویں واپس بھیجا ویسی شامل ہوسی۔ خیال رھاوے کہ افغان شہریاں دے برے وقت دا آغاز ایں ویلے شروع تھیا ھا جئیں ویلے سال نو تے امریکی صدر ڈونلڈ ٹرمپ دی طرفوں پاکستان کوں تنقید دا نشانہ بنڑایا گئیا۔ جیندے بعد وفاقی کابینہ دے یکطفہ فیصلے توں افغان شہری تے اقوام متحدہ دے ہائی کمشنر برائے پناہ گزیناں نے وی پریشانی دا اظہار کیتا جبکہ پشاور اچ پناہ گزیناں نے عمائدین نے وی ایں فیصلے تے ناراضگی دا اظہار کیتا تے ھک شوری بنڑاون دا اعلان کیتا ھِ کہ مہم دے ذریعے حکومت تے دباو پاتے کہ او ایں فیصلے تے نظرثانی کرے۔

رکن ملک عبدالغفار شنواری دا آکھن ھا کہ افغانستان اچ امن دی مکمل بحالی تک پناہ گزیناں دی واپسی ممکن کینی ایں والے ناض اساڈے عمائدین سینئر حکام ، سیاست داناں تے دیگر اسٹپک ہولڈرز نال ملاقات کریسن تے پناہ گزیناں دے قیام اچ توسیع تے گالھ مہاڑ کریسن۔ انہاں آکھیا کہ پاکستان کوں پناہ گزیناں دے قیام اچ ٣ توں ٥ سال تک توسیع کرنی چاھیدی ھِ کیونکہ افغانستان دے حالات ھک عام آدمی دی رہائس واسطے چنگے کینی۔

ڈوجہی جانب وفاقی کابینہ دے فیصلے تے یو این ایچ سی آر نے وی تحفظات دا آطہار کیتا ، اقوام متحدہ دی ایجنسی دے ترجمان قیصر آفریدی نے ھک پیغام اچ آھا کہ یو این ایچ سی آر کوں ایں گالھ تے تحفظات ھن کہ کیویں ١٤ لاکھ رجسٹرڈ افغان پناہ گزیناں کوں صرف ھک ماہ دی توسیع ڈیتی ونج سکدی ھِ

انہاں آکھیا کہ تریباں ١٤ لکھ افغانی مہاجرین رجسٹرڈ ھن جو اپنڑیں مستقبل توں متعلق غیر یقینی صورتحال نال ڈو چار ھن انہاں دا آکھن ھا کہ اے فیصلے ٣٠ نومبر 2017 کو تھیون والے 29 ویں سہ فریقی کمیشن دے اجلاس تے وی اثر انداز تھیسی ۔ جیندے مطابق افغان پناہ گزیناں کوں کم از کم ھک سال دی تسویع ڈیون تے زور ڈیتا گئیا ھِ

اقوام متحدہ دی ایجنسی نے آکھیا کہ اساں رضاکارانہ طور تے افغان پناہ گزیناں دی واپسی دے پروگرام دے تحت افغانستان ونجن والے ہر پناہ گزین کوں ٢٠٠ ڈالر فراہم کریندے پئے ھیں جبکہ تقریبا ٦٠ ہزار رجسٹرڈ افغان پناہ گزین ایں پروگرام دٖ تحت اپنڑیں گھراں کوں واپس ونچ چکے ھن لیکن ایں پروگرام کوں سردیاں دے باعث اکتوبر 2017 اچ معطل کر ڈیتا گئیا ھا جو مارچ اچ دوبارہ شروع تھیون دا امکان ھِ

الیکشن کمیشن نےانتخابی فہرستاں دی ڈیکھ بھال دا کم شروع کر ڈیتا

ڈیرہ اسماعیل خان ( سرائیکی نیوز . ملک بلال آحمد سپرا )الیکشن کمیشن نے ڈیرہ اسماعیل خان دے نال نال ملک بھر اچ انتخابی فہرستوں تے ڈیکھ بھال ( نظرثانی ) دا کام شروع کر ڈتا ہس ۔الیکشن کمیشن نے گھر گھر تصدیقی مہم وی شروع کرڈتی ہس
۔خیبر پختونخوا اچ دس لاکھ پندرہ ہزار تین سو ستائیس تے قبائلی علاقیاں وچ دو لاکھ اٹھاسی ہزار ناویں ووٹروں دا اندراج ہوسی ۔خیبر پختونخوا حکومت نے پہلے وی الیکشن کمیشن کوں اے مطلوبہ ڈیٹا ڈتا ہس ۔ملک بھراچ  مجموعی طور پر 73 لاکھ 60 ہزار ووٹر شامل کیتے ویسین ۔الیکشن کمیشن آئونڑ آلے انتخابات کیتے انتخابی فہرستوں کیتے نظر ثانی مہم دے باعث سیکورٹی وی ہائی الرٹ کرڈتی گئی ھ، ۔الیکشن نے ناویں حلقہ بندیوں تے کم شروع کرڈتاہس جیندے واستے پانچ کمیٹیاں بنڑایا گئی ہین
ہنڑ (حالیہ) مردم شماری دا ڈیٹا سمیت تمام ریکارڈ چاروں صوبوں دے 137 اضلاع تے حلقہ بندیاں کیتیاں گئی ہین ۔