چولستان اچ تاریخی قلعے زمین بوس تھئی تے صفحہ ہستی توں مٹ گئے

قلعہ ڈراور، اسلام گڑھ ، خیر گڑھ ، ماچھیکا، موج گڑھ ، پھلڑا، جام گڑھ تے دیگر تے توجہ ڈیتی ونجے تاں سیاح ایں پاسے گھومن آ سکدن، اہل علاقہ

خان پور(سرائیکی نیوز) چولستان اچ درجناں تاریخی قلعے زمین بوس تھئی تے صفحہ ہستی توں مٹن لگ گئن پنجھ ھزار سال پہلے جئیں ویلے سکندر اعظم دنیا فتح کرن نکلا ھا تاں پاکستان دے علاقے چولستان دے قرب اوچ قلعہ فتح کیتا تے کئی ڈنہوار قیام وی کیتا دنیا دے کہیں وی ملک اچ زیادہ قلعے پاکستان دے قیام توں قبل خود مختیار ریاست بہاول پور دی سر زمین چولستان اچ ھن، چولستان اچ قلعیاں دی تعداد ٢٩ ھِ تے ایندے علاوے محلاں تے پرانڑیاں عمارتاں دی تعداد ایں توں وی زیادہ ھِ تے مساجد ، خانقاھواں ، صحابہ کرام ، مزارات وی موجود ھن چولستان اچ واقعے قلعیاں اچ ایں وقت جنہاں دے آثار واضح ھن انہاں تے اگر توجہ ڈیتی ونجے تاں او قلعے اپنڑاں وینجی ہوئی سنجھان ول حاسل کر سکدن انہاں ا چسرفہرست قلعہ ڈیراور ھِ جبہ باقی قلعیاں اچ قلعہ اسلام گڑھ ، قلعہ خیر گڑھ ، قلعہ ماچھیکا، قلعہ موج گڑھ، قلعہ پھلڑا، جام گڑھ ، صاحب گڑھ ، خانگڑہ وغیرہ ھن ایندے علاوہ وی بہوں تاریخی عمارتاں محلات مقامات وی ھن تے بہوں ساریاں دا وجود ہی ایں دنیا توں ختم تھئی گئے چولستانیاں دا آکھن ھِ کہ چولستان اچ موجود مختلف عمارتاں، قدرتی ماحول تے کلر ، تاریخی قلعیاں ، پرانڑیں عمارتاں تے محل ھن انہاں کوں تھوڑی توجہ مل ونجے تاں دنیا دے سیاحت دی دلچسپی رکھن والے افراد پاکستان چولستان دا رخ کر سکدن تے تاریخی ورثے کوں بچایا ونج سکدے۔