شریف خاندان اپنڑیں ملازماں دے ذریعے منی لانڈرنگ کیتی، عمران خان

شریف خاندان اپنڑیں ملازماں دے ذریعے منی لانڈرنگ کیتی، عمران خان

اسلام آباد(سرائیکی نیوز) پاکستان تحریک انصاف دے سربراہ عمران خان دا کہنا ہے کہ نواز شریف ہل میٹل دے ذریعے اپنی رقم اپنے ملازمین تے پنجاب پولیس دے اہلکاروں کوں بھیجیندے ھن تے اے   رقم پاکستان توں دبئی تے  ول  اگوں ویندی ھائی۔

بنی گالہ اچ اپنی رہائش گاہ تے پریس کانفرنس کریندے ہووے چیئرمین تحریک انصاف دا آکھن ھا کہ  سابق وزیراعظم نواز شریف نے حکومت تے قوم کا پیسہ لوٹ تے منی لانڈرنگ کیتی ۔ انہاں دا آکھن ھا کہ پیسہ نواز شریف دے کول ہوندا تاں پاکستان توں دبئی تے  ول  اگی تے ویندا۔

انہاں آکھیا کہ  ’ہل میٹل توں  متعلق  اساڈی  ٹیم نے نویں انکشافات کیتے ھن  جبکہ حدیبیہ پیپر ملز وی منی لانڈرنگ دے واسطے بنڑائی گئی ھائی

عمران خان نےآکھیا  کہ 1999 اچ نواز شریف دی دولت اچ تیزی نال اضافہ تھیا تے   پاناما دے بعد انکشاف تھیا شریف خاندان دیاں 16 کمپنیاں ھن  تے شریف خاندان دیاں انہاں  کمپنیاں اچ 300 ارب روپےھن ۔انہوں آکھیا کہ پاکستان توں چوری دا بلیک پیسہ باہر ونج تے  وائٹ تھئی تے واپس آ ویندے۔

عمران خان نے وزیر خارجہ خواجہ آصف کوں تنقید دا نشانہ بناتے ہوئے آکھیا کہ او خود پارلیمنٹ تے ھک دھبہ ھ، تے امریکا اچ  ونج تے  ڈونلڈ ٹرمپ دی زبان بولیندا رھیے ۔چیئرمین پی ٹی آئی دا آکھن ھا  کہ خواجہ آصف تے نواز شریف جئے لوگاں نے پارلیمینٹ دی  بے حرمتی کیتی ھِ انہاں آکھیا کہ اساڈا وزیر خارجہ دبئی اچ نوکری کریندا پئے تے انہاں دے بینک اکاونٹ توں پیسا امریکا ویندا پئے کیا وزیر اعظم شاہد خاقان عباسی کوں معلوم کینی کہ خواجہ آصف بیرون ملک نوکری وی کریندے ھن۔

گزشتہ ڈنہوار پارلیمنٹ دے حوالے نال اپنڑیں ریمارکس تے گالھ کریندے ہووے عمران خان دا آکھن ھا کہ پارلیمنٹ ھک بلڈنگ دا ناں ھِ جیندے اچ موجود پارلیمنٹرینز اپنڑیں کردار تے اتے یا تلے گھن ویندے ھن۔

عمران خان نے آکھیا کہ پارلیمنٹ کوں پارلیمنٹریز نے تباہ کیتے اے لوگ فراڈ کرن والیاں دے واسطے اسمبلی توں قانون پاس کرویندے پئے ھن۔ انہاں جنگ تے جیو میڈیا گروپ توں مطالبہ کیتا کہ او اپنڑیں پبلک اکاونٹس کوں منظر عام تے گھن آون تاکہ انہاں دے اے خدشات وی دور تھئی ونجن کہ ایں گروپ کہیں بئے دی طرفوں رقوم موصول تاں نی تھیندیاں پیاں کیونکہ ادارہ تاں پہلے ھی نقصان اچ یندا پئے۔

خیال رھاوے کہ گزشتہ روز پاکستان عوامی تحریک پی اے ٹی دے زیر انتظام ھک جلسے توں خطاب کریندے ہووے چیئرمین تحریک انصاف نے قومی اسمبلی دی رکنیت توں استعفے دا عندیہ ڈیتا ھا جبکہ پارلیمنٹ کوں وی تنقید دا نشانہ بنڑایا ھا۔

Similar Posts

Leave a Reply

Your email address will not be published. Required fields are marked *