جھوٹیاں خبراں دے سنگین نتائج نکل سکدے ھن، بلاول زرداری

ڈیووس(سرائیکی نیوز) پیپلز پارٹی دے چیئرمین بلاول بھٹو زرداری نے آکھیا ھِ کہ غلط معلومات تے جھوٹیاں خبراں جنگی محاذ دا ہتھیار ھن انہاں دے خطرناک نتائج پیدا تھئی سکدن۔

سوئٹزرلینڈ اچ جاری عالمی اقتصاری فورم دے اجلاس دے دوران جھوٹی خبراں تے حقیقی سیاست دے عنوان نال تھیون والے سیشن اچ اظہار خیال کریندے ہووے بلاول بھٹو زرداری دا آکھن ھا کہ جھوٹی خبراں نے امریکی صدارتی انتخابات دے دوران نمایاں مقام حاصل کیتا ۔ چیئرمین پیپلز پارٹی دا آکھن ھا کہ جھوٹیاں خبراں زمانہ قدم توں ٹردیاں آندیاں پئیاں ھن لیکن لوگاں کوں چاھیدے کہ او تعلیم حاصل کرکے خود کوں صحیح معلومات توں باخبر رکھن انہاں نے مزید آکھیا کہ سیاست داناں میڈایا کوں بدنام کرن کیتے مختلف الفاظ استعمال کریندے ھن لیکن معتبر خبراں غیر روایتی قابل اعتماد ذرائع توں وی حاصل کیتیاں ونج سکدیاں ھن انہاں دا آکھن ھا کہ جھوٹیاں خبراں دے خطرناک نتائڄ برآمد تھئی سکدن۔