میجر شبیر شریف شہید نشان حیدر دا 46 واں یوم شہادت

0
31

گجرات(سرائیکی نیوز) پاک فوج دے سابق سربراہ جنرل راحیل شریف دے وڈے بھیرا میجر شبیر شریف شہید نشان حیدر دا 46 واں یوم شہادت عقیدت و احترام دے نال اج منایا ویندا پئے شہید دے ایصال ثواب کیتے ملک بھر اچ مختلف مقامات تے قرآن خوانی دا اہتمام وی کیتا گئے جبکہ شہید دے بلند درجات  واسطے دعائیہ تقریبات دا اہتمام وی کیتا گئے علی الصبح پاک فوج دے چاق و چوبند دستے دی طرفوں شہید دے مزار تے فاتحہ خوانی تے پھلاں دی چادر چڑھائی گئی میجر شبیر شریف شہید 28 اپریل 1943 کوں ضلع گجرات دے علاقہ کنجاہ اچ پیدا تھئے انہاں نے لاہور دے سینٹ انتھونی اسکول تے گورنمنٹ کالج وانگوں اداریاں اچ تعلیم حاصل کیتی انہاں نے 19 اپریل 1964 اچ فوج اچ شمولیت اختیار کیتی 3 دسمبر 1971 کوں او بطور کمپنی کمانڈر فرنٹیر فورس رجمنٹ ھیڈ سلیمانکی دے محاذ تے تعینات ھن ایں دوران انہاں نے دشمن فوجیاں تے ٹیکناں کوں بھاری نقصان پھجایا تے 6 دسمبر 1971 اچ ملک تے قوم دی خاطر اپنڑی جان دا نذرانہ پیش کیتا۔ شہادت دے وقت انہاں دی عمر 28 سال ھائی انہاں دی ہمت تے بہادری دے اعتراف اچ حکومت پاکستان نے انہاں کوں سب توں وڈے ملٹری اعزاز نشان حیدر نال نوازا، میجر شبیر شریف شہید ، میجر راجہ عزیز بھٹی شہید نشان حیدر دے بھانجے ھن۔

LEAVE A REPLY

Please enter your comment!
Please enter your name here