امریکا پاکستان دے نال تعلقات کوں افغان تناظر اچ ڈیکھدا رھیا ھِ، شاہد خاقان عباسی
امریکا پاکستان دے نال تعلقات کوں افغان تناظر اچ ڈیکھدا رھیا ھِ، شاہد خاقان عباسی
ڈیووس(سرائیکی نیوز) وزیر اعظم شاہد خاقان عباسی نے آکھیا ھِ کہ اساں سی پیک دے ذریعے چین نال تعلقات کوں مضبوچ بنڑایا ، پاکستان امریکا دے نال وی چنگے تعلقات دا خواہاں ھِ لیکن واشنگٹن اسلام آباد دے نال تعلقات کوں افغان تناظر اچ ڈیکھدا پئے۔ ڈیووس اچ پریس کانفرنس نال خطاب کریندے ہووے وزیر اعظم شاہد خاقان عباسی دا آکھن ھا کہ عالمی اقتصادی فورم ترقی تے خوشحالی کیتے اہم ذریعے ھِ اساں قوم دے روشن مستقبل دے واسطے کم کریندے پئے ھیں سی پیک صرف پاکستان تے چین واسطے نی پورے خطے واسطے ھِ اساں سی پیک دے ذریعے ممالک دے درمیان رابطیاں کوں بہتر بنڑیندے پئے ھیں خطے دے دیگر ممالک اچ وی سی پیک منصوبے نال فائدہ پھجسی۔
وزیر اعظم دا مزید آکھن ھا کہ عالمی اقتصادی فورم دے اجلاس دے موقع تے مختلف ممالک دے سربراہان تے سرمایہ کاراں نال ملاقات تئھی ، اپنی ملاقاتاں اچ سرمایہ کاراں کوں یقین ڈیوایا کہ پاکستان سرمایہ کاری واسطے ھک بہترین ملک ھِ تے ایں ویلے ایتھاں بہوں زیادہ مواقعے موجود ھن۔ پاکستان اچ امن لوٹ آئے تے ایتھاں جمہوریت مضبوط تھیندی پئی ھِ
