اوور لوڈ ٹریکٹر ٹرالیاں دی بھرمار، اہلکار مبینہ بھتہ گھن تے چپ
خیرپور سادات(سرائیکی نیوز) خیرپور سادات تا علی پور روڈ تے اوور لوڈ ٹریکٹر ٹرالیاں دی بھرمار ھِ جو کہ حادثات دا سبب بنڑدی ویندی ھِ بھوشہ لوڈ کرن والی ٹرالیاں تے پلے لا تے ایں قدر اوور لوڈ کر ڈیتا ویندے کہ پوری روڈ بند تھؤی دیندی ھِ میرانی پتن توں آون والی ٹرالیاں توں پیٹرولنگ پوسٹ کھنڈر میرانی فی ٹرالی ڈو ھزار بھتہ وصول کریندی ھِ ایں طرح گبر آرائیں توں آون والی ٹرالیاں توں پیٹرولنگ پولیس چوکی گبر آرائیں ڈو ھزار بھتہ وصول کریندی پئی ھِ ٹریکٹر ٹرالی مالکان نے ڈسایا کہ پیٹرولنگ پولیس دا بھتہ پورا کرن واسطے اضافی لوڈ کرنا ہوندے علاقے ازیں خیرپورسادات تا علی پور روڈ تے درجناں بھٹے بن چکے ھن جنہاں دی وجہہ توں مٹی دی اوور لوڈ ٹریکٹر ٹرالیاں دا وی بے انتہا رش رھاندے حادثات معمول بن چکے ھن شہریاں دا ساہ گھن محال تھئی چکے ذرائع دے مطابق مٹی دا ٹریکٹر ٹرلایاں توں اسٹنٹ کمشنر علی پور دا عملی بھتہ وصول کریندا پئے عوامی و سماجی حلقیاں دلشان احمد ، حامد خان ، طاہر علی ، محمد عدنان گلزار احمد ، ندیم احمد عفان خان محمد کیف آفتاب احمد شاکر علی تے ڈوجہیاں دا شدید احتجاج کمشنر ڈیرہ غازی خان ، آر پی او ڈی سی مظفرگڑھ توں فوری نوٹس گھن تے اصلاح احوال دا مطالبہ۔
