عرب ملکاں اچ ونجݨ والے پاکستانیاں واسطے ٻری خبر

ریاض(سرائیکی نیوز)پاکستانی مزدوراں واسطے بیرون ملک توں بری خبر آ گئی سعودی عرب تے اومان دے کئی شعبیاں اچ پاکستانیاں کوں نوکریاں ڈیون تے پابندی عائد کر ڈیتی گئی۔

غیر ملکی خبر ایجنسی دے مطابق سعودی عرب نے ١٢ شعبیاں اچ پاکستان سمیت تمام ممالک دے شہریاں تے نوکریاں ڈیون تے پابندی عائد کر ڈیتی ھِ جیندا اطلاق آنندہ ہجری سال توں تھیسی ۔ عرب میڈیا دے مطابق وزیر لیبر اینڈ سوشل ڈیولیپمنٹ علی ال غفیس دی طرفوں جاری کردی اعلامیہ دے مطابق فیصلے دا مقصد مقامی بندیاں کوں نوکریاں دے زیادہ توں زیادہ مواقع فراھم کرݨ ھِ

رپورٹ دے مطابق پاکستان سمیت تمام غیر ملکیاں کوں گھڑیاں دی دکاناں ، آپٹیکل اسٹورز ، طبی آلات دے اسٹورز تے دیگر الیکٹریکل دکاناں ، گڈیاں دے سپیرپارٹس دے اسٹورز، تعمیراتی سمان دیاں دکاناں، کارپیٹ دیاں دکاناں ، آٹو موبائل ، موبائل دکاناں ، گھریلو فرنیچر دے شورومز ، آفس میٹریل ریڈی میڈ گارمنٹس دکاناں بالاں تے مرداں دے کپڑیاں دے سپلائرز ، گھریلو سامان دیاں دکاناں تے بیکریاں اچ نوکریاں فراہم کرن تے پابندی ہوسی۔

وزارت دے ترجمان خالد عباالخیل دا آکھن ھِ کہ فیصلے دا دیگر ممالک دے نال کیتے گئے ایم او یوز تے نا ہوسی ، دکاناں تے پابندی دے فیصلے تے عملدرآمد دے منصوبے دے مطابق جاری رھاسی، جبکی خواتین دے سامان توں متعلق دکاناں تے غیر ملکیاں کوں رکھن تے پابندی دا اطلاق گزشتہ سال اکتوبر توں تھئی چکا ھِ

ڈوجہے پاسے اومان نے وی غیر ملکیاں کوں مختلف سیکٹرز اچ نوکری ڈیوݨ کیتے ویزے جارے کرن تے چھ ماہ دی پابندی لا ݙیتی ھِ جیندے اچ انفارمیشن ٹیکنالوجی ، انجینئرنگ ، ایوی ایشن ، مارکیٹنگ ، ہیومن ریسورسز ، انشورنس ، میڈیا تے ٹیکنیکل فیلڈز شامل ھن، فیصلے دا اطلاق فوری طور تے کر ڈیتا ویسی۔