قومی ایئرلائن دا چین و سعودی عرب کیتے پروازاں ودھاوݨ دا فیصلہ
اسلام آباد (سرائیکی نیوز۔اے پی پی) پاکستان ایئرلائن پی آئی اے نے سعودی عرب تے چین واسطے پروازاں ودھاون دا فیصلہ کر گھیدا ، زائرین دی سہولت کیتے ایران دے شہر مشہد دے واسطے وی پروازاں جلد شروع کر ڈیتیاں ویسن۔ تفصیلات دے مطابق مالی حالات کوں بہتر بنڑاون کیتے قومی ایئر لائن نے نواں کاروباری منصوبہ بنڑایا گئیا ۔ پی آئی اے نے زیادہ منافع ڈیون والے روٹس تے پروازاں کوں ودھاون دا فیصلہ کیتا ھِ پی آئی اے انتظامیہ دے مطابق سعودی عرب تے چین واسطے پروازاں دی تعداد ودھائی ویندی پئی ھِ
جدہ کیتے پروازاں دی تعداد 28 توں ودھا تے 31 تے مدینہ کیتے ہفتے وار پروازاں دی تعداد 9 توں 10 کیتی ویندے پئی ھِ کہ بیجنگ واسطے اسلام آباد تے کراچی توں ہفتہ وار پروازاں دی تعداد ٢ توں ٤ کرن دا فیصلہ کیتا گئیا زائرین دی سہولت کیتے ایران دے شہار مشہد واسطے وی پروازاں شروع کرن دا فیصلہ کیتا ھِ
