دھرنا شہباز حکومت دے تابوت اچ آخری کیل ہونڑاں چاھیدا ھِ ، آصف زرداری

لاھور(سرائیکی نیوز ) سابق صدر تے پاکستانی پیپلز پارٹی دے شریک چیئرمین آصف علی زرداری نے پارٹی کارکناں کوں ہدایت کیتی ھِ کہ او وڈی تعداد اچ اپوزیشن جماعتاں دی طرفوں پنجاب حکومت دے خلاف ڈیتے ونجن والے دھرنے دی جاء تے پھج تے ایں گالھ کوں یقین بنڑاون کہ دھرنا شہباز شریف دی حکومت دے تابوت اچ آخری کیل ثابت تھیووے۔پیپلز پارٹی دے شریک چیئرمین نے لاہور پھج تے اپوزیشن جماعتاں دی طرفوں اج (١٧ جنوری) کوں تھیون والے دھرنے دے انتظامات دا جائزہ گھیدا۔

پیپلزپارٹی وسطہ پنجاب دے صدر قمر زمان کائرہ نے پاکستان عوامی تحریک پی اے ٹی دے سربراہ ڈاکٹر طاہر القادری دی ہدایت تے قام کیتی ونجن والی عمل درآمد کمیٹی دی حکتم عملی دے بارے آگاہ کیتا۔

کمیٹی دی طرفوں اج مال روڈ دے سامنڑیں دھرنے دا آغاز کرن دا اعلان کیتا ھِ جو شہر دا انتہائی اہم مقام ھِ جیتھاں اہم سرکاری دفاتر موجود ھن۔ اپوزیشن ماعتاں دی طرفوں ایں اعلان دے باوجود صوبائی حکومت دا آکھن ھِ کہ لاہور ہائی کورٹ دی طرفوں دھرنیاں تے پابندی عائد ھِ لہذا صوبائی دارالحکومت اچ دھرنے دی اجازت نی ڈیتی ونج سکدی تاہم حکومت دا آکھن ھِ کہ مال توں نزدیک ناصر باغ کوں دھرنے دے واسطے استعمال کیتا ونجن سکدا ھِ

پیپلز پارٹی دے شریک چیئرمین نے پارٹی کارکناں کوں ہدایت کیتی ھِ کہ او وڈی تعداد اچ دھرنے دی جاء تے پھجن تاکہ اے دھرنا شہباز شریف دی حکومت دے تابوت اچ آخری کیل ثابت تھیووے۔

انہاں نے اشارہ ڈیندے ہووے آکھیا کہ ایں دھرنے دے بعد شہباز شریف دی حکومت ختم تھئی ویسی ، جبکہ پارٹی کارکنان کوں ہدایت جاری کیتی کہ او مقصد دے حصول تک پجھن توں نا ھٹن۔

خیال رھاوے کہ پیپلز پارٹی دے شریک چیئرمین دے نال نال پاکستان تحریک انصاف دے سربراہ عمران خان وی اج ایں دھرنے اچ شامل تھیسن۔گزشتہ روز پیپلز پارٹی دے رہنما تے سینیٹ اپوزیشن لیڈر اعتزاز احسن پریس کانفرنس دے دوران آکھیا کہ موجودہ چیف جسٹس میاں ثاقب نثار ھک شائستہ مزاج تے مہربان شخص ھن ایں واسطے او نواز شریف دے خلاف عدلیہ کوں تنقید دا نشانہ بنڑن دے باوجود کارروائی نی کریندے پئے۔ انہاں مزید آکھیا کہ اج کل عدالتاں نے نواز شریف دے نال نرم گوشہ اختیار کیتا ہوویا ھِ سابق وزیراعظم بلا خوف مسلسل پاک فوج تے عدلیہ کوں تنقید دا نشانہ بنڑیندے پئے ھن۔