زینب کیس، مبینہ ملزم گرفتار، زیادتی و قتل دا اعتراف

لاہور( سرائیکی نیوز ) زینب قتل کیس اچ اہم ترین پیش رفت سی سی ٹی وی فوٹیچ اچ نظر آون والے شخص نال مشابہت رکھن والے مبینہ ملزم کوں لاہوروں گرفتار کر گھیدا ھِ تفصیل دے مطابق زینب قتل کیس اچ اہم ترین پیش رفت ، لاہور علاقہ بھٹہ چوک توں سی سی ٹی وی فوٹیج اچ نظر آون والے مبینہ ملزم کوں گرفتار کر گھیدا گئیا تے فوری قریبی تھانڑیں اچ گھن گئے جیتھاں ڈی آئی جی تے ایس ایس پے نے ابتدائی تفتیس دے دوران ملزم نے مبینہ طور تے زیادتی دا اعتراف کر گھیدا ھِ بھٹہ چوک توں گرفتار شخص دی شکل بالکل سی سی ٹی وی فوٹیج دے نال میچ تھئی ھِ ابتدائی تفتیش دے بعد ملزم کوں حساس ادارے دے حوالے کر ڈیتا گئیا ھِ

واضح رھاوے کہ قصور اچ معصوم کلی زینب کوں ٥ جنوری کوں اغواء کیتا گئیا ھا جیئں ویلے ایندے والدین عمرے واسطے گئے ہووے ھن تے او اپنڑی دھیی کوں چاچے دے گھر چھوڑ گئے ھن ننھی زینب گھر توں شام کوں قرآن دی تعلیم واسطے گئی ھائی لیکن واپس نی آئی چاچے نے پولیس والیاں کوں منت سماجت کیتی تے تھانڑیں دے چکر لائے لیکن پولیس اہلکاراں دے کن تے جوں تک نا رینگی انہاں نے کوئی کارروائی نا کیتی۔

زینب دے چاچے نے اپنڑیں مدد آپ دے تحت ملزم دی زینب کوں گھن تے ویندے ہوئے سی سی ٹی وی فوٹیچ حاصل کیتی تے ایں کوں تھانڑیں والیاں دے کول گھن تے گئیا لیکن وہ وی کوئی فائدہ نا تھئیا  تاہم پنجھ روز دے بعد زینب دی لاش گند دے ڈھیر توں ملی جیندے بعد ایں واقعے نے پورے پاکستان کوں ہلا کے رکھ ڈیتا تے ول پولیس نے پھرتیاں ڈکھاون دی کوشش کیتی جئیں ویلے شہباز شریف نے خود ایں کیس اچ تفتیس دی نگرانی کیتی لیکن ملزم گرفتار نا تھئی سکا تاہم نویں پیش رفت اچ مبینہ ملزم کوں گرفتار کر گھیدا گئیا ھِ