امریکا کوں کرم ایجنسی تے وزیرستان اچ کارروائی دی اجازت کینی، پاکستان

0
28

امریکا کوں کرم ایجنسی تے وزیرستان اچ کارروائی دی اجازت کینی، پاکستان

اسلام آباد(سرائیکی نیوز) ترجمان دفتر خارجہ ڈاکٹر محمد فیصل دا آکھن ھِ کہ امریکی افواج کوں وزیرستان تے کرم ایجنسی اچ کارروائی دی اجازت ڈیون دا کوئی معاہدے نی تھئیا۔ اسلام آباد اچ اپنڑیں ہفتہ وار بریفنگ ڈیندے ہووے دفتر خارجہ ڈاکٹر محمد فیصل دا آکھن ھا کہ بھارتی افواج نے گزشتہ سال ایل او سی تے ورکنگ باونڈری تے ھک ھزار نوں سو ستر واری جبکہ روان سال ھک سو پنجاھ توں زائد وار فائر بندی معاھدے دی خلاف ورزی کیتی ھِ جئیں تے بھارتی ڈپٹی کمشنر جے پی سنگھ کوں دفتر خارجہ طلب کر کے بار بار احتجاج کیتا گئیا ، بھارت مقبوضہ کشمیر اچ وی انسانی حقوق دی خلاف ورزیاں کریندا پئے اساں عالمی برادری تے زور ڈیندے ھیں کہ او مقبوضہ کشمیر اچ انسانی حقوق دی خلاف ورزیاں بند کرواوے، ڈوجہے پاسے بھارت میزائل دے تجربات کر تے جنوبی ایشیاء اچ ہتھیاراں دی دوڑ اچ اضافے دا سبب بنڑندا پئے بین البراعظمی میزائل دا تجربہ بھارت دی جارحانہ میزائل پالیسی تے امن دے بیانات اچ تضاد دا عکاسی ھِ ترجمان دفتر خارجہ نے آکھیا کہ پاکستان کرم ایجنسی اچ امریکی ڈرون حملے دی شدید الفاظ اچ مذمت کریندا ھِ امریکی افواج کوں وزیرستان تے کرم ایجنسی اچ کارروائی دی اجازت ڈیون دا کوئی معاہدہ پاکستان تے امریکا دے درمیان نی طے پایا ، لہذا ایہو جئیاں کارروائیاں ڈونہاں ملکاں دے درمیان رابطیاں تے منفی اثرات مرتب کر سکدن، امریکا پاکستان کوں دہشت گرداں دے خلاف معلومات فراہم کرے اساں خود کارروائی کریسوں ، پاکستان اپنڑی حفاظ کیتے سلامتی دی ضروریات توں غافل  کینی ، اقوام متحدہ دی کالعدم جماعتاں تے شخصیات تے پالیسیاں دی نگرانی کرن والی ٹیم اسلام آباد اچ موجود ھِ جنہاں کوں کالعدم تنظیماں تے شخصیات تے پابندیاں تے عمل درآمد دے حوالے نال بریف کیتا گئیا ھِ امریکی نائب وزیر خارجہ دے بیان تے رد عمل دا اظہار کریندے ہووے ترجمان دفتر خارجہ دا آکھن ھا کہ پاکستان نے ہمیشہ افغان مسئلے دے سیاسی حل دی حمایت کیتی ھِ کیونکہ سولہ سال تک فوجی طاقت استمال کر تے وی افغانستان اچ امن قائم نی تھئی سکدا افغانستان اچ دیر پا امن دا قیام فرییقن دے درمیان مذاکرات دے ذریعے ھی ممکن ھِ

LEAVE A REPLY

Please enter your comment!
Please enter your name here