پاکستان ٢٠ کروڑ دی مارکیٹ ھِ جو کاروبار تے سرمایہ کاری واسطے  کھلی ھِ، وزیر اعظم خاقان عباسی

ڈیووس(سرائیکی نیوز ڈیسک)  وزیر اعظم شاہد خاقان عباسی نے آکھیا ھِ کہ پاکستان ٢٠ کروڑ لوگاں دی ھک وڈی مارکیٹ ھِ جو کاروبار تے سرمایہ کاری کیتے کھلی ھِ اساڈی سالانہ اقتصادی نمو دی شرح تقریبا ٦ فیصد ھِ پاکستان اچ جمہوریت مضبوچ تھیندی پئی ھِ اساں سی پیک دے ذریعے خطے دے ممالک دے درمیان رابطیاں کوں فروغ ڈیندے پئے ھیں تے مشرق تے مغرب سمیت دنیا دے تمام ممالک دے نال چنگے تعلقات چاھندے ھیں۔ انہاں خیالات دا اظہار انہاں ڈیووس اچ پریس کانفرنس توں خطاب کریندے ہووے کیتا۔

وزہر اعظم خاقان عباسی نے آکھیا کہ چین دے ون بیلٹ ون روڈ پروگرام دے تحت ملک اچ چین پاکستان اقتصادی راھداری دے جاری منصوبے توں وسیع اقتصادی سرگرمیاں شروع تھئیاں ھن انہاں آکھیا کہ پاکستان اچ جمہوریت مضبوط تھیندی پئی ھِ جمہوری عمل دی ھک دھائی دی تکمیل دی صورت اچ تاریخ بندی پیئ ھِ چین تے امریکا دے نال پاکستان دے تعلقات دے حوالے نال ھک سوال دے جواب اچ وزیر اعظم نے آکھیا کہ پاکستان ڈونہاں ممالک دے نال دیرینہ تعلات ھن جنہاں کوں پاکستان اہمیت ڈیندا ھِ

عالمی اتصادی فورم دے چیئرمین کلاز شواب نال ملاقات دے دوران وزیر اعظم نی آکھیا کہ رواں سال پاکستان دی شرح نمو ٦ فیصد تک پھج ویسی۔ کلاز شواب نے آکھیا کہ معیشت اچ بہتری تے نوجواناں کیتے روزگار دی فراہمی دے حکومتی اقدامات قابل ستائش ھن وزیر اعظم نے ڈیووس اچ شمسی توانائی دی پیداواری کمینی ٹرائنا سولر دے چیئرمین جیفن گاو نال ملاقات کیتی تے انہاں کوں پاکستان اچ سولر پینل دا پیداواری پلانٹ لاون دی پیش کش کیتی۔

ڈیووس اچ پریس کانفرنس دے دوران وزیر اعظم شاہد خاقان عباسی نے آکھیا کہ اساں قوم دے روشن مستبل کیتے کم کریندے پئے ھیں عالمی اقتصادی فورم ترقی تے خوشحالی کیتے اہم ذریعہ ھِ ہر فورم تے چینی صدر دے سی پیک وزن کوں اجاگر کیتا ، اساں سی پیک دے ذریعے چین دے نال تعلقات مضبوت کیتے ، سی پیک صرف پاکستان تے چین نی پورے خطے واسطے ھِ امریکہ نال وی چنگے تعلقات چاھندے ھیں۔