راو انوار، نقیب کوں دہشت گرد قرار ڈیون تے بضد، مزید انکشافات
راو انوار، نقیب کوں دہشت گرد قرار ڈیون تے بضد، مزید انکشافات
کراچی : ایس ایس پی ملیر راؤ انوار دا آکھن ھِ کہ نقیب اللہ دی ہلاکت تے بے بنیاد پراپیگنڈا کیتا ویندا پئے ، ملزم دہشت گردی دی متعدد کارروائیاں اچ مطلوب ھِ ایف سی صوبیدار دے قتل اچ وی ملوث ھِ
ایس ایس پی ملیر راؤ انوار نے مقابلے اچ ہلاک تھیون والے نقیب اللہ کوں دہشت گرد قرار ڈے ڈیتا آکھیندے ھن کہ ہلاکت بے بنیاد پراپیگنڈا کیتا ویندا پئیا ھِ ملزم دا تعلق کالعدم تحریک طالبان نال ھِ او دہشت گردی دی کارروائیاں اچ ملوث ھا، راو انوار نے مزید آکھیا کہ نقیب اللہ محسود ایف سی صوبیدار تے ایندے رشتہ دار دے قتل اچ ملوث ھا ، مارے گئے ملزم نے ایف سی کیمپ تے وی حملہ کیتا ھا، واضح رھاوے کہ کراچی دے علاقے شاہ لطیف ٹاون اچ مبینہ پولیس مقابلےا چ نقیب اللہ ہلاک تھئی گئیا ھا ، مقتول دا تعلق وزیرستان نال ھا جو 2007 اچ کراچی آیا ھا ، نقیب اللہ دے کزن دا آکھن ھا کہ او جئیں چوکی تے فیکٹری اچ مزدوری کریندا ھا ڈو ماہ پہلے سہراب گوٹھ مارکیٹ اچ دکان کرائے تے گھیدی ھائی تے اوتھاں کپڑے دا کاروبار کرن چاھندا ھا۔ ڈوجہے پاسے وزیر سندھ سیل انور سیال نے واقعے دا نوٹس گھیندے ہووے تحقیقات دا حکم ڈے ڈیتا جئیں تے آئی جی پولیس سندھ اے ڈی خواجہ نے سینئر افسران تے مشتمل تحقیقات کمیٹی تشکیل ڈے ڈیتی جو تریھ ڈنہیں اچ اپنڑی رپورٹ پیش کریسی۔ تحقیقات دی روشنی اچ راو انوار دے مستقبل دا فیصلہ کیتا ویسی۔
