جنرل قمر جاوید باجوہ نے حکومت کوں ھن تک سبھ توں وڈی یقین دھانی کرا ڈیتی
جنرل قمر جاوید باجوہ نے حکومت کوں ھن تک سبھ توں وڈی یقین دھانی کرا ڈیتی
اسلام آباد (سرائیکی نیوز۔فیصل شہزاد چغتائی) وزیر اعظم شاہد خاقان عباسی نے آکھا ھِ کہ جنرل قمر جاوید باجوہ نے جمہوری عمل جاری رھاون دی یقین دہانی کرا ڈیتی ھِ دھرنیاں دے باوجود حکومت اپنڑی آئینی مدد پوری کریسی۔
سرائیکی نیوز دے مطابق وزیر اعظم شاہد خاقان عباسی نے اسلام آباد اچ اخبار نویساں نال گالھ مہاڑ کریندے ہووے حکومت ڈھاوݨ دیاں خبراں کوں مسترد کر ڈیتا تے آکھیا کہ آرمی چیف جنرل قمر جاوید باجوہ نے انہاں کوں یقین دھانی کرائی ھِ کہ جمہوری عمل جاری رھاسی تے حکومت اپنڑی آئینی مدت پوری کریسی ایں واسطے اپوزیشن جماعتاں اچ محاذ آرائی دے دھرنیاں دے باوجود حکومت نا ویسی تے انتخابات اپنڑیں وقت تے ھی تھیسن۔
شاہد خاقان عباسی دا آکھن ھا کہ مسلم لیگ ن دے اندر کوئی گروپ بندی کینی صرف نکتی نظر دا اختلاف ھِ میں ضمانت ڈیندا کہ پنجاب اسمبلی کو تحلیل نا کیتا ویسی۔ پاکستان انٹرنیشنل ایئر لائن دی نجکاری دے حوالے نال وزیر اعظم دا آکھن ھا کہ پی آئی اے دے ذمے450 ارب روپے دے سرکاری واجبات ھن ، پی آئی اے دی نجکاری کہیں مخصوص گروپ کوں نا تھیسی ایں والے نال دنیا بھر اچ اوپن ٹینڈر جاری کیتا ویسی ، پی آئی اے یونین چاھوٖوے تاں اساں ایندے ہتھ ھی پی آئی اے فروخت کرن کوں تیار ھیں۔
