|

امریکی ڈرون حملہ ملک دی سالمیت تے حملہ ھِ، فیصل چغتائی

مزید ڈرون حملیاں دے ویلکم دی بجائے تحفظ دی ضرورت ھِ، فیصل شہزاد چغتائی

پاکستان حدود اچ امریکی ڈرون حملے کرݨ پاکستان دی سالمیت تے خطرہ ھِ اساں کوں ڈرون میزائلاں کوں ویلکم دی بجائے منہ توڑ جواب ڈیون دی لوڑ ھِ پریس کانفرنس

کراچی(سرائیکی نیوز۔ اسٹاف رپورٹر) مزید ڈرون حملیاں دے ویلکم توں بہتر ملک دی سالمیت کوں بچاوݨ ھِ ، انہاں  خیالات دا اظہار فیصل شہزاد چغتائی چیف ایڈیٹر سرائیکی نیوز، چیئرمین اَسَاں سرائیکی ویلفیئر آرگنائزیشن نے پریس کانفرنس نال خیال کریندے ہووئے مطالبہ کیتا کہ حکومت وقت فی الفور جواب ڈیووے تے ووٹ گھن تے کامیاب تھیون والے اپنڑیں منہ تے زیپ لا تے نا بھاون انہاں کوں الاون دی لوڑ ھِ پاکستان دی حدود اچ ڈرون حملہ در حقیقت پاکستان دی سالمیت تے حملہ ہے۔ گزشتہ امریکا دی طرفوں پاکستانی حدود اچ ڈرون حملہ کرن افسوس ناک ھِ انہاں نے مطالبہ کیتا کہ سرحداں دے نال نال امریکا دے ہتھکنڈیاں تے نظر رکھن دے لوڑ ھِ ایں ویلے پاکستان کوں کہیں تے اعتماد کرن دی لوڑ نی اپنڑیں ملک دی سالمیت واسطے کہیں قسم دا کمپرومائز کرن دی بجائے ایہو جئے ڈرون کوں سٹھ ڈیونڑاں چاھیدا ھِ   پاکستان اچ سیاست داناں دی کچھڑی تے کرسیاں دی جنگ دے نال نال کریٹ کماوݨ دی جنگ شروع ھِ جو کہ افسوس ناک ھِ سبھ اپنڑیں اپنڑیں شناخت بچاون سانگے جدوجہد تے زور ڈیتی پئن لیکن علاقائی سطح تے تے ملک دے وڈے شہاراں اچ غربت دی ودھدے گراف تے کہیں دی نظر کینی ۔ انہاں نے اعلی احکام توں مطالبہ کیتا کہ ملک دے خلاف اٹھن والی ہر میلی آکھ کوں ھن کڈھ ڈیون دا وقت آ گئے قوم دے نوجوان پاک افواج دے نال ہم قدم ھن تے انہاں دی ہر آواز تے لبیک آکھیسن۔ مزید انہاں نے آکھیا کہ کشمیر اچ بھارت دی ودھدی جارحیت افسوس ناک ھِ انسانیت دا ایں طریقے نال قتل کرن صرف تے صرف امریکا تے اسرائیل دی خوشنودی واسطے بھارت اے ہتھکنڈے کرینداں پئے پاکستان اچ وسدے مسلماناں کوں وی ھن ظلم دے خلاف آواز بلند کرن دی ضرورت ھِ پاکستان امن دا گہوارہ ھِ ایں زمین تے دہشت گردی دی کوئی گنجائش کینی اساں کوں فخر ھِ اساڈے اداریاں تے۔ تقریب دی اخیر اچ سرائیکی یوتھ دی آواز کون دباون دی کوشش کرون والے شیطاناں کوں باز رھاون دی تاکید کیتی کہ حق دی آواز کوں دباون واسطے ظلم دی انتہا توں پرھیز کیتا ونجے پاکستان اچ رھاون والا ھیکو جئی حیثیت رکھیندے تے زبان تے قوم واسطے کم کرن ہر فرد دا حق ھِ کوئی ایندے خلاف نی کر سکدا۔

Similar Posts

Leave a Reply

Your email address will not be published. Required fields are marked *