سپریم کورٹ دا اے ڈی خواجہ کوں آئی جی سندھ دے عہدے تے رکھن دا حکم
سپریم کورٹ دا اے ڈی خواجہ کوں آئی جی سندھ دے عہدے تے رکھن دا حکم
اسلام آباد(سرائیکی نیوز) سپریم کورٹ نے انسپکٹر جنرل آئی جی سندھ اے ڈی خواجہ کوں عہدے تے برقرار رکھن دا حکم ڈے ڈیتا چیف جسٹس میاں ثاقب نثار دی سربراہی اچ جسٹس عمر عطا بندیال تے جسٹس اعجاز الاحسن تے مشتمل سپریم کورٹ دے تریھ رکنی بینچ نے آئی جی سندھ اے ڈی خواجہ دی تقرری توں متعلق سندھ ھائی کورٹ دے فیصلے دے خلاف حکومت سندھ دی درخواعت دے سماعت کیتی۔ سماعت دے دوران سپریم نے آئی جی سندھ دی تقرری توں متعلق سندھ ھائی کورٹ دا فیصلہ برقرر رکھیندے ہووے وفاق کوں اقدامات چاون توں روک ڈیتا۔ عدالت عظمی نے قرار ڈیتا کہ آئی جی دی تبدیلی توں متعلق وفاقی و صوبائی حکومتاں دے احکامات معظل تصور ہوسن تے سندھ اچ آئی جی دی تقرری دا معاملہ عدالت دے فیصلے نال مشروط تھیسی۔ سپریم کورٹ نے مزید آکھیا ھِ کہ اے ڈی خواجہ کوں سندھ اچ تبادلے دا مکمل اختیار ہوسی۔
سماعت دے دوران وکیل سندھ حکومت نے آکھیا کہ سندھ ہائی کورٹ پولیس ایکٹ ٢٠١١ کاآئنی قرار ڈیتا ھِ عدالت عالیہ نے اے ڈی خواجہ کوں پولیس اچ تبادلیاں دا اختیار وی ڈے ڈیتا ھِ
خیال رھاوے کہ سندھ حکومت کافی عرصے توں اے ڈی خواجہ دی تبدیلے واسطے سرگرم ھائی تے انہاں کوں عہدے توں ہٹا تے عبدالمجد دستی کوں آئی جی لاون دا آکھا گئیا ھا سندھ ہائی کورٹ نے اے ڈی خواجہ کوں ھی آئی جی دی ذمہ داریاں نبھاون دا حکم ڈیتا ھا ، جیندے تے حکومت سندھ نے سندھ ہائی کورٹ دے فیصلے دے خلاف سپریم کورٹ نال رجوع کیتا ھا۔
