معاشی مشکلات دے باوجود ترکیہ، شامی ٻھیݨ ٻھراواں دی امداد جاری رکھسوں، وزیر اعظم شہبازشریف
ِ
معاشی مشکلات دے باوجود ترکیہ، شامی ٻھیݨ ٻھراواں دی امداد جاری رکھسوں، وزیر اعظم شہبازشریف
اسلام آباد (اے پی پی) وزیر اعظم شہباز شریف آکھیے جو پورا پاکستان اپݨے ترک اتے شامی ٻھراوان دے نال اے، معاشی مشکلات دے باوجود ترکیہ، شامی ٻھیݨ ٻھراواں دا مدد جاری رکھسوں۔ اے ڳالھ انہاں ترکیہ اتے شام دے زلزلہ متاثرہ علاقیاں اچ سرچ اینڈ ریسکیو کارروائیاں اچ حصہ ڳھنݨ آلے کارکناں دے اعزاز اچ تقریب نال خطاب کریندے آکھی۔ انہاں امدادی سرگرمیاں اچ جذبہ اتے مہارت ݙکھاوݨ تے ریسکیو اہلکاراں دی تعریف کیتی اتے آکھیا جو ریسکیو ٹیماں ترکیہ اچ بغیر ویلھا ونڄائے تیکھا کم کیتے، ترکیہ دے لوک پاکستان دو ݙیہدے پن، پاکستانی ریسکیو ٹیم ترک لوکاں دے دل اچ ڄاہ ٻݨائی اے، ریسکیو ٹیماں دے کارکنان پوری قوم دے ہیرو ہی، اوکھے معاشی حالات دے باوجود تک اتے شامی ٻھراواں کیتے ہر ممکن مدد کریسوں، ٻیا وی امدادی سامان ٻھیڄیا ویسی، این ڈی ایم اے، پاکستان ایئرفورس، نیول چیف دا وی شکریہ ادا کرینداں۔
انہاں آکھیا جو کابینہ ہک مہینے دی تنخواہ زلزلہ متاثرین کوں ݙیوݨ دا اعلان کیتے، وزیر خزانہ وی جیبو ݙو کروڑ عطیہ ݙتے اتے ٻعے لوک وی حصہ پیندے پن۔ انہاں آکھیا جو کل شامی ہک بحری جہاز امدادی سامان دا ترکیہ اتے شام ٻھیڄے جیندے اچ ترکیہ اتے شام کیتے ٹھݙ توں بچݨ کیتے خیمے شامل ہین۔
