خطے دے ٻئے ملکاں دے مقابلے اچ پاکستان کرونا نال مقابلہ کرݨ کیتے غیر معمولی کارکردگی ݙکھائی اے، برآمدات، ٹیکس ریونیو اتے ترسیلات ز ر ودھین، وزیراعظم عمران خان
اسلام آباد۔ (اے پی پی)وزیراعظم عمران خان آکھیے جو خطے دے ٻعے ملکاں دے مقابلے اچ پاکستان کرونا نال مقابلہ کرݨ کیتے غیر معمولی کارکردگی ݙکھائی اے، برآمدات، ٹیکس ریونیو اتے ترسیلات زر ودھین۔ اے ڳآلھ انہاں اپݨی اڳواݨی اچ تھیوݨ آلے میکرو اکنامک ایڈوائزری گروپ دے اجلاس نال خظاب اچ آکھی۔ اجلاس اچ وفاقی وزراء شوکت فیاض ترین، حماد اظہر، فواد چوہدری، اسد عمر، مخدوم خسرو بختیار، سید فخر امام، وزیرِ مملکت فرخ حبیب، وزیراعظم دے مشیر عبدالرزاق داؤد، معاونینِ خصوصی ڈاکٹر ثانیہ نشتر، ڈاکٹر شہباز گل، گورنر سٹیٹ بنک رضا باقر اتے ٻئے متعلقہ سینئر حکام شرکت کیتی۔ اجلاس اچ ملک دی مجموعی معاشی صورتحال، عام لوکاں تے اشیائے ضروریہ دیاں قیمتاں ودھݨ دے اثرات ڳھٹاوݨ کیتے حکومتی اقدامات اتے حکومت دی ترائے سالاں اچ معاشی کامیابیاں دا جائزہ ڳھدا ڳیا۔ وزیراعظم آکھیا جو کرونا دے باوجود حکومت دے 3 سال معاشی کامیابی دی کہانی ہین جیندا عالمی مبصرین وی اعتراف کیتے، شرح نمو ہݨ وی 4 فیصد توںو دھ رہݨ دی امید اے ڄیڑھی ہک وݙی کامیابی اے، برآمدات اچ 25 فیصد، ٹیکس ریونیو 38 فیصد اتے ترسیلات زر 27 فیصد ودھارا ݙتے، زرعی شعبے اچ ریکارڈ آمدنی تھئی ڄݙاں جو صنعتی شعبے دا 950 ارب روپے دا ریکارڈ منافع تھئے۔ انہاں آکھیا جو احساس پروگرام، ادارہ جاتی اصلاحات اتے ایف اے ٹی ایف شرائط دی تکمیل وݙیاں کامیابیاں ہین، ادارے ملک دی میکرو اکنامک حالت تکڑی کرݨ اتے لوکاں کوں مالی طور تے اڳو کرݨ کیتے کثیر الجہتی منصوبیاں تے عمل کرن۔
