آصف زرڊاری ڊا مسلم لیگ کوں کھلا چیلنج
آصف زرڊاری ڊا مسلم لیگ کوں کھلا چیلنج
لاہور(سرائیکی نیوز) آصف زرداری نے شریفاں کوں چیلنج ڈے ڈیتا، آکھیندے ھن کہ میں جئیں ویلے چاہواں حکومت ڈھا سکداں، اے اساں کوں مجبور کریندے پئے ھن کہ جمہوریت دا سلسلہ پورا نا تھیووے، سانحہ ماڈل ٹاون تے قصور تے متاظرین کوں انصاف ڈویسوں۔
پیپلز پارٹی دے شریک چیئرمین آصف زرداری نے حکومت کوں چیلنج ڈیتا ھِ ، آکھیندے ھن کہ میں جئیں ویلے چاہواں شریفاں کوں کڈھ سکداں، نواز شریف گریٹر پنجاب بنڑاون دی سازش کریندا پئے او مجیب الرحمن بنڑن چاھندے، اساں پاکستان اچ جیون مرݨ چاھندوں۔
سابق صدر دا آکھن ھا کہ اج وی صدارتی حلف دا پابند ھاں ، نواز شریف ڈسوے کہ او ایں حلف تے قائم ھن یا کینی، بے نظیر نے بیرون ملک لیکچرز اچ وی پاکستان دے خلاف کوئی گالھ نی کیتی۔
انہاں نے آکھیا کہ ڈکٹیٹر دا ہمیشہ مقابلہ کیتا اج وی کریندے ھیں تے آئندہ وی کریندے رھاسوں، ڈکٹیٹرز نے ملک کوں ہمیشہ نقصان پہجائے شریفاں توں سانحہ ماڈل ٹاون تے سانحقہ قصور دا حساب ضرور گھینسوں، اے اساں کوں مجبور کریندے پئے ھن کہ جمہوریت دا سلسلہ پورا نا کرن۔
