اسلام آباد ۔ قومی سلامتی کمیٹی نے ملک ءچ کورونا وائرس دے خطرے دے پیش نظر ایران تے افغانستان دے نال لگݨ والے بارڈر بند کرݨ تے ٢٣ مارچ کوں یوم پاکستان دی تقریبات منسوخ کرݨ دا فیصلہ کیتا ھِ وزیر اعظم دی زیر صدارت قومی سلامتی کمیٹی دا اجلاس تھئیا جیندے ءچ چاراں صوبیاں دے وزرائے اعلی تے عسکری قیادت نے وی شرکت کیتی ۔ اجلاس دے بعد وزارت داخلہ توں جاری نوٹی فکیشن ءچ آکھا گئیا کہ قومی سلامتی کمیٹی دے اجلاس دے فیصلے دی روشنی ءچ افغان تے ایران دے نال نال پاکستان دا مغربی بارڈر ١٤ روز کیتے بند کیتا ویندا پیا ھِ نوٹی فکیشن ءچ آکھا گئیا کہ اے فیصلہ تریھاں ملکاں دے بہترین مفاد ءچ کیتا گئیا ھِ جیندا اطلاق ١٦ مارچ توں تھیسی۔

 این ایف سی ایوارڈتے عملدرآمد بارے جولائی توں دسمبر 2018ءاتے جنوری توں جون 2019ءدی ششماہی رپورٹس دا جائزہ اتے نیشنل کونسل بنڑاونڑ بارے غور کیتا گیا

اسلام آباد ۔  وزیراعظم دے مشیر برائے خزانہ ڈاکٹر عبدالحفیظ شیخ دی صدارت اچ این ایف سی مانیٹرنگ کمیٹی دا اجلاس خمیس کوں تھیا ۔اجلاس اچ خیبرپختونخوا اتے بلوچستان دے وزرائے خزانہ وی موجود ہن جڈانجو سندھ اتے پنجاب دی نمائندگی خزانہ دے سیکرٹریز کیتی۔ فنانس ڈویژن توں جاری بیان دے مطابق اجلاس اچ این ایف سی ایوارڈتے عملدرآمد بارے جولائی توں دسمبر 2018ءاتے جنوری توں جون 2019ءدی ششماہی رپورٹس دا جائزہ اتے نیشنل کونسل بنڑاونڑ بارے غور کیتا گیا ۔ این ایف سی مانیٹرنگ کمیٹی ولوں منظور کیتی رپورٹنگ آئین دے آرٹیکل 160 (3B) دے تحت قومی اتے صوبائی اسمبلیاںاچ پیش کیتی ویسن۔ ۔ اے پی پی

اسلام آباد ۔ وزیر اعظم عمران خان دی طرفوں جنوبی پنجاب صوبے دے سیکرٹریٹ بہاول پور بنڑاوݨ دے اجلاس ءچ موجود چند اراکین اسمبلی نے مخالفت کر ݙیتی ، وزیر اعظم نے مخالفت دے باوجود سیکرٹریٹ بہاول پور ءچ بنڑاوݨ دا فیصلہ کر گھیدا۔

نجی ٹی وی چینل نے دعوی کیتا ھِ کہ اجلاس ءچ شریک وزیر خارجہ شاہ محمود قریشی ، جہانگیر ترین ، اسحاق خاکوانی تے بہاول پور دے رکن اسمبلی بنݨ والے سمیع الحسن گیلانی بہاول پور ءچ سیکرٹریٹ بنڑاوݨ دی مخالفت کیتی ۔ سمیع اللہ چودھری ، طارق بشیر چیمہ تے خسروبختیار نے بہاول پور ءچ ھی صوبے دا سیکرٹریٹ بنڑݨ دی حمایت کیتی ھِ ، سما نیوز نے اے وی وضاحت کیتی ھِ کہ ایڈیشنل آئی جی تے چیف سیکرٹری دے عارضی طور تے دفاتر ملتان دے بہاول پورءچ الگ الگ بنڑاؤے ویندے پئے ھن جیویں بہاول پور ءچ سیکرٹریٹ دی تعمیر تے دیگر مراحل مکل تھئی ویسن ݙونہیں افسران بہاول پور ھی باھسن۔

اسلام آباد ۔  ایسوسی ایٹڈ پریس آف پاکستان کارپوریشن آرڈیننس 2002ءاچ مزید ترمیم کرنڑ دا بل 2020ءقومی اسمبلی اچ پیش کرڈتا گے ۔ بدھ کوں قومی اسمبلی اچ وزیر مملکت پارلیمانی امور علی محمد خان ایسوسی ایٹڈ پریس آف پاکستان کارپوریشن آرڈیننس 2002ءاچ ترمیم کرنڑ دا بل پیش کیتے ۔ ایسوسی ایٹڈ پریس آف پاکستان دے آرڈیننس اچ مزید ترمیم دے بل دا مقصد ایسوسی ایٹڈ پریس آف پاکستان آرڈیننس 2002ءاچ تبدیلیاں گھن آونڑ اے۔ عدالت عظمیٰ ولوں دیوانی اپیلاں نمبر 1428 توں 1436 ‘ 2016ءاچ ایندے 18 اگست 2016ءدے فیصلے اچ لفظ وفاقی حکومت دی تشریح کرنڑ دی وجہ توں روزانہ دے معاملات تے مینجنگ ڈائریکٹر اتے بورڈ دیاں تقرریاں وفاقی کابینہ کوں بھیجیاں ویندیاں پن ۔ وفاقی کابینہ دی ہدایت دی تعمیل کریندے ہوئیں ایں وزارت قوانین یا آرڈیننس اچ ضروری ترمیم کرنڑ دی کارروائی دا آغاز کیتے تے لفظ وفاقی حکومت کوں موزوں اتھارٹیز اچ تبدیل کیتے۔ مذکورہ بالا اغراض دی مطابقت اچ اے بل اے پی پی سی ایس دی کارگزاری کوں سہل بنڑاونڑ تے اینکوں ودھ بااختیار بنڑاونڑ کیتے متعارف کروایا ویندا پئے ۔ آرڈیننس نمبر 80 مجریہ 2002ءدی دفعہ ست اچ ترمیم کریندے ہوئیں الفاظ وفاقی حکومت کوں الفاظ وزیراعظم یا ایں ضمن اچ ایں ولوں مجاز کیتا گے شخص نال بدال ڈتا ویسی ۔ آرڈیننس 2002ءنمبر 80 مجریہ 2002ءاچ دفعہ ڈو اچ شق (ہ ) حذف کرڈتی ویسی ۔ اے پی پی

اسلام آباد ۔  سپیکر قومی اسمبلی اسد قیصر آکھیے جو قومی اسمبلی اچ زرعی معیشت تے 9 گھنٹے بحث ہر صورت تھیسی ‘ اے بہوںحساس اتے اہم معاملہ اے ‘ آئندہ سرکاری شعبے دے ترقیاتی پروگرام اچ کاشتکاراں کوں ودھ توں ودھ ریلیف ملنڑاں چاہیدے ۔ بدھ کوں قومی اسمبلی اچ زرعی معیشت تے بحث دا آغاز تھیا تاں مرتضیٰ جاوید عباسی آکھیا جو ایوان اچ نہ تاں متعلقہ وزیر ہن تے نہ ہی وزارت متعلق عملہ موجود اے ایں کیتے بحث کوں وزیر دے آونڑ تئیں موخر کیتا ونجے جیں تے وزیر مملکت علی محمد خان وی ایندے تے اتفاق کیتا تے آکھیا جو متعلقہ وزیر اتے سٹاف کی موجودگی اچ اے بحث سودمند تھی سگدی اے ۔ سپیکر قومی اسمبلی آکھیا جو متعلقہ سیکرٹری وی موجود کائنی۔ متعلقہ وزیر اطلاع ڈتی اے جو او وزارت دے کہیں کم اچ مصروف ہن ایں کیتے اینکوں موخر کریندوں ۔ سپیکر آکھیا جو اے بحث ہر صورت تھیسی اساڈا انحصار معیشت تے ہے ایں معاملے تے سیر حاصل بحث تھیسی ۔ اے پی پی

قومی اسمبلی دا اجلاس جمعے دی سویل ساڈھے ڈاہ وجے تئیں ملتوی

قومی اسمبلی دا اجلاس جمعے دی سویل ساڈھے ڈاہ وجے تئیں ملتوی کرڈتا گے ۔ بدھ کوں قومی اسمبلی دے اجلاس اچ وقفہ سوالات اتے ایجنڈے اچ شامل بئے امور نبیڑ ڈتے گن ۔ بعد اچ سپیکر اسد قیصر قومی اسمبلی دا اجلاس جمعے دی سویل ڈاہ وجے تئیں ملتوی کرڈتے ۔

اسلام آباد ۔  وفاقی وزیر دفاعی پیداوار زبیدہ جلال چیف آف نیول اسٹاف ایڈمرل ظفر محمود عباسی نال نیول ہیڈ کوارٹرز اسلام آباد اچ ملاقات کیتی جیں اچ پیشہ وارانہ امور بالخصوص دفاعی پیداوار دے موضوع تے گال مہاڑ کیتی گی ۔ ترجمان پاک بحریہ دے مطابق نیول چیف وفاقی وزیر کوں پاک بحریہ دے جاری اتے مستقبل دے دفاعی منصوبیں تے پیشرفت دا ڈسائے ۔ وفاقی وزیر حکومت ولوں ملکی دفاع کوں مزید مضبوط بنڑاونڑ دے عزم دا اعادہ کیتا تے پاک بحریہ دیاں کاوشاں دی تعریف کیتی۔ اے پی پی

وفاقی وزیر بحری امور علی زیدی نال ڈائریکٹر جنرل پاکستان میری ٹائم سکیورٹی ایجنسی ریئر ایڈمرل محمد شعیب دی ملاقات

  وفاقی وزیر بحری امور علی زیدی نال نویں تعینات ڈائریکٹر جنرل پاکستان میری ٹائم سکیورٹی ایجنسی ریئر ایڈمرل محمد شعیب ملاقات کیتی اے جیں اچ سانجھے دلچسپی دے امور تے گال مہاڑ کیتی گی ۔وزارت بحری امور دے بیان دے مطابق ملاقات اچ جھکے پانڑیں اچ ماہی گیری کرنڑ آلے مچھیریں کوں نیویگیشن اتے انہاں دی نگرانی اچ سہولت کیتے پی ایم ایس اے دے کردار تے گال مہاڑ کیتی گی ۔ اے پی پی

جنوبی پنجاب سیکرٹریٹ دے قیام دا فیصلہ کر گھدا گے ، آندے بجٹ اچ جنوبی پنجاب کیتے 35 فیصد بجٹ رکھیا ویسی ،جنوبی پنجاب صوبے دے فیصلے نال وفاق مضبوط تھیسی

وزیر خارجہ شاہ محمود قریشی دی زیر اعظم دی معاون خصوصی اطلاعات و نشریات ڈاکٹر فردوس عاشق دے رلے پارلیمنٹ ہاﺅس دے باہروں میڈیا نال گال مہاڑ

اسلام آباد ۔  وزیر خارجہ شاہ محمود قریشی آکھیے جو صوبہ جنوبی پنجاب کیتے اسمبلی اچ بل پیش کیتا ویسی ، جنوبی پنجاب سیکرٹریٹ دے قیام دا فیصلہ کر گھدا گے ، آندے بجٹ اچ جنوبی پنجاب کیتے35 فیصد بجٹ رکھیا ویسی ۔اے گال انہاں وزیر اعظم دی معاون خصوصی اطلاعات و نشریات ڈاکٹر فردوس عاشق دے رلے بدھ کوں پارلیمنٹ ہاﺅس دے باہروں میڈیا نال گال مہاڑ کریندے ہوئیں آکھی اے ۔ وزیر خارجہ آکھیے جو وزیراعظم دی زیر صدارت جنوبی پنجاب دے حوالے نال اجلاس اچ وزیراعلیٰ پنجاب سمیت منتخب ارکان موجود ہن ۔ جنوبی پنجاب دے عوام نال جیرھا وعدہ کیتا ہئی ایندی تکمیل کیتے موثر قدم چاتے ۔انہاں آکھیے جو جنوبی پنجاب صوبے دے قیام کیتے اسمبلی اچ بل پیش کیتا ویسی ۔اج جنوبی پنجاب دے عوام کیتے خوشی دا ڈینھ اے ، مبارخ ڈینداں ۔ انہاں آکھیے جو آندے بجٹ اچ جنوبی پنجاب کیتے 35فیصد بجٹ رکھیا ویسی۔ جنوبی پنجاب دے فنڈز کہیں بئے پاسے منتقل نہ کیتے ونج سگسن ۔صوبے دے قیام کیتے پارلیمنٹ اچ ڈو تہائی اکثریت چاہیدی اے ۔ جنوبی پنجاب صوبے دے سیکرٹریٹ دے قیام دا فیصلہ تھی گے ۔ وزیر خارجہ آکھیے جو ایڈیشنل چیف سیکرٹری جنوبی پنجاب اتے ایڈیشنل آئی جی جنوبی پنجاب تعینات تھیسن۔ ایڈیشنل چیف سیکرٹری جنوبی پنجاب دا دفتر بہاولپور اچ ہوسی ۔ ایڈیشنل آئی جی جنوبی پنجاب دا دفتر ملتان اچ ہوسی ۔ جنوبی پنجاب سیکرٹریٹ دے قیام کیتے ساڈھے 3 ارب روپے درکار ہوسن۔ انہاں آکھیے جو جنوبی پنجاب سیکرٹریٹ کیتے ساڈھے 13سو اضافی آسامیاں درکار ہوسن ۔ جنوبی پنجاب صوبے دے فیصلے نال وفاق مضبوط تھیسی ۔ مسلم لیگ (ن) ڈو تہائی اکثریت دے باوجود جنوبی پنجاب صوبہ نہ بنڑا سگی ۔ انہاں آکھیے جو قومی اسمبلی اچ بل پیش کرنڑ دا مقصد نویں صوبے تے اتفاق رائے قائم کرنڑ اے ۔ایں موقع تے وزیر اعظم دی معاون خصوصی اطلاعات و نشریات ڈاکٹر فردوس عاشق اعوان آکھیا جو وزیراعظم عمران خان نال جنوبی پنجاب دی اہم قیادت تفصیلی نشست کیتی اے ، جنوبی پنجاب صوبے دے قیام متعلق امور تے تفصیلی گال مہاڑ تھئی اے ۔ انہاں آکھیے جو ملاقات اچ جنوبی پنجاب صوبے دے مجوزہ سیکرٹریٹ دے قیام دا وی جائزہ گھدا گے ۔ وزیراعظم جنوبی پنجاب دے عوام دیاں محرومیاں مکاونڑ چاہندن ۔انہاں آکھیے جو اسلام آباد طیارہ حادثے اچ شہید پائلٹ دے اچے درجے کیتے دعا کریندوں ۔ حادثے اچ شہید پائلٹ دے لواحقین نال دلی ہمدردی دا اظہار کریندوں ۔ اے پی پی 

معیشت اچ تبدیلیاں دے باوجود منصوبہ بندی دا کردار گھٹ کائنی تھیا ، وفاقی وزیر منصوبہ بندی،ترقی ،اصلاحات وخصوصی اقدامات اسد عمر

اسلام آباد ۔ وفاقی وزیر منصوبہ بندی،ترقی ،اصلاحات وخصوصی اقدامات اسد عمرآکھیے جو معیشت اچ تبدیلیاں دے باوجود منصوبہ بندی دا کردار گھٹ کائنی تھیا ،وزارت منصوبہ بندی دی استعداد کار ودھاونڑ نال ہی مرکزی کردار ادا کیتا ونج سگدے ،نجی شعبے کوں سازگار ماحول ڈیونڑ ریاستی ذمے واری اے ۔اے گال انہاں بدھ کوں پاکستانی معیشت اچ منصوبہ بندی اتے ترقی دے کردار تے موضوع مباحثہ نال خطاب کریندے ہوئیں آکھی اے ۔انہاں آکھیے 2008ءدے معاشی بحران دے بعد منصوبہ بندی دی اہمیت اچ ودھارا تھئے ،ملکی ترقی اچ منصوبہ بندی دا اہم کردار اے،ماضی اچ منصوبہ بندی پاکستان دی ترقی اچ اہم کردار ادا کیتے ۔ اسد عمر آکھیے جو وزیر اعظم وزارت منصوبہ بندی کوں لیڈ گھننڑ دا آکھیے ، گزریل 50سال اچ معیشت دا بنیادی ڈھانچہ تبدیل تھئے ،معیشت اچ تبدیلیاں دے باوجود منصوبہ بندی دا کردار گھٹ کائنی تھیا ۔انہاں آکھیے جو وزارت منصوبہ بندی دی استعداد کار ودھاونڑ نال ہی مرکزی کردار ادا کیتا ونج سگدے ۔ اے پی پی

نینگر افسر وزارت خارجہ تے ملک و قوم دا مستقبل ہن ، وزیر خارجہ شاہ محمود قریشی دی وزارت خارجہ دے افسراں نال گال مہاڑ

اسلام آباد ۔  وزیر خارجہ شاہ محمود قریشی آکھیے جو نینگر افسر وزارتِ خارجہ اتے ملک و قوم دا مستقبل ہن، اساکوں سفارت کاری دے جدید تقاضیں دے مطابق اپنڑے آپ کوں ڈھالنڑ دی ضرورت اے ۔او بدھ کوں وزارت خارجہ دے گریڈ 17 توں 19 تئیں دے افسراں نال تفصیلی نشست دے دوران گال مہاڑ کریندے پئے ۔ ملاقات دا مقصد وزارتِ خارجہ دے مختلف امور تے گال مہاڑ تے انہاں افسراں دا مطمح نظر جانڑنڑ ہئی ۔ وزیر خارجہ افسراں کوں سفارت کاری دے اصولاں تے مختلف پہلواں تے رہنمائی وی ڈتی ۔ ملاقات دے دوران دنیادے مختلف حصیں اچ سیاسی، معاشی اتے سماجیبنیاداں تے بہتر سفارت کاری دے موقع وی زیر بحث آئے ، فارن سروس اپنڑی کارگردگی دی بنیاد تے ملک دی موثر ترین سروس دے طور تے ابھر تے سامنڑے آندی پئی اے ۔ اے پی پی 

ملک کوں آبادی اچ ودھارے تے صحت ڊء مسلئے دے چیلنجز ہن ، صدر مملکت ڈاکٹر عارف علوی دا آبادی دے حوالے نال پارلیمانی فورم دی تقریب توں خطاب

اسلام آباد ۔  صدر مملکت ڈاکٹر عارف علوی آکھیے جو ملک کوں آبادی اچ ودھارے تے صحت دے مسلیں دے چیلنجز درپیش ہن ،کہیں وی شعبے اچ اگوں ودھنڑ کیتے اپنڑی ترجیحات تے اہداف واضح کرنڑیں ہوندن ،اساکوں اپنڑے معاشرتی تے شہری فرائض دا پتہ ہوونڑاں چاہیدے ۔اے گال انہاں بدھ کوں آبادی دے حوالے نال پارلیمانی فورم دے آغاز دی تقریب نال خطاب کریندے ہوئیں کیتی اے ۔ صدر مملکت آکھیے جو ملک کوں آباد اچ ودھارے تے صحت دے مسئلے درپیش ہن ۔انہاں آکھیے جو اساں ڈوجھے ملکاں دیاں کامیابیاں تے ناکامیاں توں سکھنڑ چاہندون ۔کہیں وی مسئلے دے حل کیتے پہلے مسئلے دی نوعیت سمجھنڑ ضروری ہوندے ۔انہاں آکھیے جو اساکوں اپنڑے شہری فرائض دا وی پتہ ہووے ۔بدقسمتی نال پاکستان اچ چھاتی تے کینسر دی شرح 5فیصد اچ ۔دنیا اچ چھاتی دے کینسر دی شرح 3فیصد اے ۔ اے پی پی 

اسلام آباد ۔ قومی اسمبلی کوں ڈسایا گئے جو ملک دے سارے ہوائی اڈیاں تے کرونا وائرس دے خدشات پاروں احتیاطی طورتے ہر مسافر دا درجہ حرارت چیک کیتا ویندے اتے سارے ہوائی اڈیاں تے ضروری آلات موجودہین،ایندی نگرانی وزارت صحت آپ کریندی پئی اے۔قومی اسمبلی اچ وقفہ سوالاں ویلھے ہک سوال دے ولدے اچ پارلیمانی سیکرٹری ڈاکٹر نوشین حامد آکھیے جو پورے جگ اچ کرونا کیتے ہکا سکریننگ کیتی ویندی اے جیڑھے ساڈے سارے ہوائی اڈیاں تے وی موجود اے،کرونا وائرس توں متاثرہ ملکاں توں آونڑ آلے مریضاں دی مکمل نگرانی کیتی ویندی پئی اے،ساڈیاں ٹیماں وی گھراں اچ ونج تے چیکنگ کریندن،علامات ظاہر تھیونڑ تے مریض دا خاص خیال رکھیا ویندے،ایں سانگے ٹریول ایڈوائزری تے وی عمل کیتا وینداپئے۔ اے پی پی

اسلام آباد ۔   وزیر اعظم عمران خان دی زیر صدارت جنوبی پنجاب بارے ہک اعلیٰ سطح دا اجلاس تھئے۔وزیر اعظم میڈیا آفس موجب مطابق اجلاس اچ وزیر خارجہ شاہ محمود قریشی، پاکستان تحریک انصاف دے سینئر رہنما جہانگیر خان ترین، وفاقی وزیر برائے نیشنل فوڈ سکیورٹی مخدوم خسرو بختیار، وزیر اعلی پنجاب سردار عثمان بزدار، وزیر مملکت شبیر علی قریشی، کشمیر کمیٹی دے چیئرمین سید فخر امام، وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان، صوبائی وزرا، جنوبی پنجاب دے ممبران قومی و صوبائی اسمبلی، چیف سیکرٹری پنجاب، آئی جی پنجاب اتے بئے سینئر افسران شریک تھین۔ اے پی پی

قومی اسمبلی اجلاس دی کارروائی کجھ دیر معطل رہی

اسلام آباد  قومی اسمبلی دے اجلاس دی کارروائی بدھ کوں کجھ دیر کیتے معطل رہی۔اجلاس اچ وقفہ سوالات ویلھے سپیکر اسد قیصرایوان کوں آکھیے جو او پنج منٹ کیتے ایوان دی کارروائی معطل کرنر چاہندن جیندے بعد کجھی دیر کیتے قومی اسمبلی دے  اجلاس دی کارروائی معطل رہی۔ اے پی پی

فائیو جی ٹیکنالوجی نال جگ اچ معلومات داچھل چڑھ سگدے،کورونا وائرس روکݨ کیتے حکومت چنگے اقدامات کیتن،صدر مملکت ڈاکٹر عارف علوی دا ورچوئل یونیورسٹی دے کانووکیشن نال خطاب

اسلام آباد  ۔  صدر مملکت ڈاکٹر عارف علوی آکھیے جو علم دے اثرات افراد اتے معاشرے تے دولت توں کہیں ودھ تھیندن،ورچوئل یونیورسٹی جھیں ادارے علم دے ودھارے کیتے چنگا کم کریندے پین،فائیو جی ٹیکنالوجی نال جگ اچ معلومات داچھل چڑھ سگدے،کورونا وائرس روکݨ کیتے حکومت چنگے اقدامات کیتن۔اے گالھ انہاں ورچوئل یونیورسٹی دے کانووکیشن نال خطاب کریندے آکھی جو نوجوان نسل کوں اپنڑے والدین دا احسان مندتھیونڑاچاہیدے ،انٹرنیٹ آوݨ نال معلومات تئیں رسائی سوکھی تھی گئی اے،فاصلاتی تعلیم نال علم اتے معلومات دی دورپریں دے علاقیاں تئین پج ممکن تھئی اے۔ انہاں آکھیے جو کورونا وائرس روکنڑ کیتے حکومت بہترین اقدامات کیتن وائرس توں بچاو کیتے احتیاطی تدابیراپنا تے بچیا ونج سگدے،طلبا کوں تعلیم دور جدید دی لوڑھ دے مطابق ڈیونڑی چاہیدی ھ ِ ۔ اے پی پی

اسلام آباد۔   وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو قائد حزب اختلاف کوں وطن ولا گھن آونڑ دا مطالبہ اج آپ مسلم لیگ (ن)کریندی پئی اے۔ہک ٹویٹ اچ انہاں آکھیے جو وزیراعظم عمران خان دا بیانیہ (ن) لیگ وی اپنا گھدے،ایندے تے قوم کوں مبارک ہووے، (ن) لیگ اچ وی تبدیلی آندی پئی اے جیڑھی وزیراعظم عمران خان دی سیاسی محنت دی جیت اے۔ اے پی پی

اسلام آباد ۔  وزارت صحت دے ترجمان آکھیے جو کورونا وائرس توں بچنڑ کیتے چنگے اقدامات تھیندے پین،قومی ادارہ صحت دے گانڈھے نال گلگت بلتستان اچ کورونا وائرس دی تشخیص دی سہولت مل گئی اے،ماہر ین دی ٹیم سکردواچ محکمہ صحت دے عملے کوں (اج)خمیس توں تربیت ڈیسی۔ہک بیان اچ ترجمان آکھیے جو وزیر اعظم دے معاون خصوصی برائے قومی صحت ڈاکٹر ظفر مرزادےا ٓکھیے تے قومی ادارہ صحت دے ماہر ین دی ٹیم سکردولگی گئی اے جتھاں او (اج) خمیس توں باقاعدہ محکمہ صحت دے عملے دی تربیت شروع کریسی،اے ٹیم پورا ہفتہ سکردوراہسی۔ گلگت بلتستان اچ کورونا وائرس دی تشخیص دی سہولت قومی ادارہ صحت دے تعاون نال دتی ویندی پئی اے،لیبارٹری عملے دی تربیت دا کم مکمل تھی چکیے اتے ضروری لیبارٹری آلات وی ڈے ڈتن، کورونا وائرس دے ٹیسٹ کیتے کٹس وی پج گین۔ (اے پی پی)

کورونا وائرس: پی آئی اے دا قطر دے بعد اٹلی کیتے وی فلائٹ آپریشن معطل

پاکستان انٹرنیشنل ایئرلائن (پی آئی اے) قومی ایئر لائن (پی آئی اے)کورونا وائرس پاروں قطر دے بعد اٹلی کیتے وی اپنڑیاں پروازاں عارضی طورتے معطل کرنڑ دا فیصلہ کیتے۔پی آئی اے دے ترجمان عبداللہ حفیظ ہک بیان اچ آکھیے جو قومی ایئرلائن 31 مارچ تئیں میلان آونڑ اتے ونجنڑ کیتے فلائٹ آپریشن عارضی طورتے معطل کر ڈتے،صرف یورپی ملکاں دے شہری پی آئی اے دی پروازاں تے پیرس تئیں ونج سگدن جتھو انہاں کوں اگو آپ ونجنڑا ہوسی،ایویں ہی میلان توں پاکستان آونڑ کیتے ٹکٹ بک کراونڑ آلے مسافراں کوں پی آئی اے دی پروازکیتے آپ پیرس آونڑا ہوسی،ایندے نال نال پیرس ونجنڑ آونڑ آلے مسافر اں کوں بیان حلفی ڈیونڑاں ہوسی جو او پی آئی اے کوں کہیں سہولت دا نہ آکھسن جڈاں جو سیاحتی ویزے یا رہائشی پرمٹ اتے بئی کوئی سفری دستاویزاے او میلان نہ ونج سگسن

اسلام آباد ۔ 11 مارچ (اے پی پی) باسمتی چاول دی برآمدات اچ دسمبر 2019ءدے مقابلہ اچ جنوری اچ 27.22 فیصد ودھارا تھئے۔پاکستان بیورو برائے شماریات دے مطابق جنوری اچ 6 کروڑ 27 لکھ ڈالر مالیت دا باسمتی چاول برآمدکیتا گئے جڈاں جو دسمبر 2019ءاچ چاول دی برآمدات دا حجم 4 کروڑ 93 لکھ ڈالر ریہے۔

مشینری دی درآمدات اچ جنوری اچ 13.35 فیصد کمی تھئی اے، شماریات بیورو

 ٹیکسٹائل مشینری دی درآمدات اچ دسمبر 2019ءدے مقابلہ اچ جنوری اچ13.35 فیصد دی کمی تھئی اے۔ پاکستان بیورو برائے شماریات موجب دسمبر 2019ءاچ 6 کروڑ 59لکھ ڈالر دی ٹیکسٹائل مشینری درآمد کیتی گئی ہئی جڈاں جو جنوری 2020ءاچ ٹیکسٹائل مشینری دا حجم 4 کروڑ 85 لکھ ڈالر ریہے۔

نیپرا فیول ایڈجسٹمنٹ دی مد اچ بجلی دی قیمت بدلنڑ بارے درخواستاں دی سماعت 25 مارچ کوں کریسی

نیشنل الیکٹرک پاور ریگولیٹری اتھارٹی (نیپرا) ڈسٹری بیوشن کمپنیاں ولوں فیول ایڈجسٹمنٹ دی مد اچ بجلی دی قیمت اچ رد وبدل بارے درخواستاں دی سماعت 25 مارچ کوں کریسی۔ڈسٹری بیوشن کمپنیاں سنٹرل پارو پرچیزنگ ایجنسی (سی پی پی اے) دے ذریعے فیول ایڈجسٹمنٹ دی مد اچ درخواستاں جمع کرائن اتے ایں سانگے بجلی دی قیمت اچ 2 روپے فی یونٹ فیول ایڈجسٹمنٹ دی مداچ ودھارے دی درخواست کیتی اے۔

سینیٹ دی قائمہ کمیٹی برائے پٹرولیم دا اجلاس سنوار کوں تھیسی

سینیٹ دی قائمہ کمیٹی برائے پٹرولیم دا اجلاس سنوار کوں پارلیمنٹ ہاﺅس اچ تھیسی۔اجلاس دی صدارت چیئرمین سینیٹر محسن عزیزکریسن۔اجلاس اچ ریکو ڈک دے معدنی ذخائر اتے معاہدے بارے امور داجائزہ گھدا ویسی۔ وزارت پٹرولیم اتے بئے متعلقہ اداریاں دے افسران کمیٹی کوں بریفنگ ڈیسن۔

اسلام آباد  (اے پی پی) وزارت خارجہ دے ترجمان آکھیے جووزیراعظم عمران خان دی اقتصادی پالیسیاں تے اعتماد اتے اقتصادی سرگرمیاں اچ ودھارے پاروں ایں سال دے پہلے ست مہینے اچ ترسیلات زر 5.4 فیصدودھین۔ایں سال جولائی 2019ءتوں فروری 2020ءتئیں ترسیلات زر دا حجم 15 ارب 10 کروڑ ڈالر ریکارڈ کیتا گئے جڈاں جو فروری 2020ءاچ ترسیلات زر فروری 2019ءدے مقابلہ اچ15 فیصد ودھ ریہن اتے فروری 2020ءاچ ہک ارب 80 کروڑ ڈالر ریہے۔

اسلام آباد ۔ پاک فضائیہ اسلام آباد اچ شکر پڑیاں دے نیڑے پاک فضائیہ دے ایف 16جہاز دے ڈھانڑ دی تصدیق کیتی اے۔ترجمان پاک فضائیہ ڈسائے جو پاک فضائیہ دا لڑاکاایف 16جہازاسلام آباد اچ شکر پڑیاں دے نیڑے جنگل اچ ڈھے تے تباہ تھی گئے ۔ ایں حادثے اچ جہاز دا پائلٹ نعمان اکرام شہید تھئے۔ترجمان موجب سیکیورٹی ٹیماں علاقے کوں گھیرے اچ گھن گھدے جڈاں جو حادثے دی تحقیقات کیتے ایئر ہیڈ کوارٹراسلام آباد اچ انکوائری کمیٹی تشکیل ڈے ڈتی اے۔اے طیارہ تریوی مارچ دی پریڈ سانگے معمول دی تربیتی اتے ریہرسل پروازتے ہئی۔

اسلام آباد ۔  وزیر مملکت برائے پارلیمانی امور علی محمد خان آکھیا جو وزیراعظم عمران خان بلوچستان‘ جنوبی پنجاب تے فاٹا سمیت ملک دء  پسماندہ علاقیاں تے طبقے کوں انہاں دے حقوق ڈیوݨ چاہندن،بلوچستان دء وسائل نال بلوچستان ڊی عوام کوں حق ملسی۔وزیراعظم ہدایت کیتی اے جو کہیں وی ایجھے پی ایس ڈی پی کوں پذیرائی نہ ݙیتی ونجے جئیں اچ بلوچستان،فاٹا تے بے پسماندہ علاقے شامل ہوون۔

منگل کوں قومی اسمبلی ءچ سردار اختر مینگل دی طرفوں چاتے گئے نکات تے ولدے ءچ انہاں آکھیا جو وزیراعظم عمران خان بلوچستان‘ جنوبی پنجاب تے فاٹا سمیت ملک دے پر پسماندہ علاقیاں اتے طبقے کوں انہاں دے حقوق ڈیوݨ چاہندن،بلوچستان دے وسائل نال بلوچستان دی عوام کوں حق ملسی۔

اسلام آباد   (اے پی پی)پاکستان اچ رہنڑ آلے رجسٹرد افغان مہاجرین دی رضا کارانہ وطن واپسی 2 مارچ توں ولا شروع تھی ویسی۔ اقوام متحدہ دے ہائی کمشنر برائے مہاجرین دے مطابق پی اوآر کارڈ نہ رکھنڑ آلے رجسٹرد افغان مہاجرین کیتے رضاکارانہ طورتے 2 مارچ توں وطن واپسی شروع تھیندی پئی اے،افغانستان اچ نقدی دی وصولی دے مراکزوی اپنڑاکم اوں ہی ڈینھ شروع کر ڈیسن۔یو این ایچ سی آر وطن واپسی دی سہولت خیبر پختونخوا اچ اضاخیل، نوشہرہ اتے بلوچستان اچ بلیلی دے مراکز توں ڈیسی،پی او آر کارڈنہ رکھنڑ آلے افغان مہاجرین نقدی نہ گھن سگسن اتے انہاں کوں افغانستان اچ ائم وصولی دے مراکزاچ وی رسائی کائنا ہوسی۔

اسلام آباد  (اے پی پی) وفاقی وزیر ریلوے شیخ رشید احمدآکھیے جو پاکستان ریلوے کوئٹہ تافتان ٹرین سروس بند کرڈتی اے اتے کوئٹہ توں تافتان چلنڑ آلیاں چار ٹریناں روک ڈتیاں گین ،ایں سانگے تافتان کوئٹہ بارڈر ٹریفک کیتے اگلے حکم تئیں بند رہسی،متعلقہ مسافراپنڑا سامان اتے شئیں ولا گھن گھنین۔

اسلام آباد  (اے پی پی)الیکشن کمیشن 2023ءتئیں فیڈرل الیکشن اکیڈمی سودھے اپنڑے 25 دفاتربنڑیسی جیندی اسیسمنٹس دا کم ایں سال جون تئیں مکمل کر گھدا ویسی اتے الیکشن کمیشن دا انفراسٹرکچر دا ڈویلپمنٹ پلان دسمبر تئیں منظورکرتے نافذ کرڈتا ویسی۔ الیکشن کمیشن دے 50 فیصد دفاترسانگے زمین دسمبر 2023ءتئیں گھن گھدی ویسی اتے ایں سال دسمبرتئیں فیڈرل الیکشن اکیڈمی دی تعمیر وی مکمل تھی ویسی۔

اسلام آباد   (اے پی پی) ملک اچ بجلی دے شعبے کوں چنگاں کرنڑ اتے نیٹ میٹرنگ دے منصوبے تے پیشرفت تے جائزہ کیتے ہک اجلاس تھئے جیندی صدارت متبادل توانائی دی ترقی دے بورڈدے چیف ایگزیکٹو آفیسر ڈاکٹر رانا عبدالجبارکیتی اے۔اجلاس اچ نیپرا، ڈسٹری بیوشن کمپنیاں، جرمن ادارہ برائے ترقی، یو ایس ایڈ اتے اے ای ڈی بی نال تصدیق شدہ کمپنیاں دے نمائندیاں شرکت کیتی اتے نیٹ میٹرنگ بارے تجویزاں ڈتن۔

اسلام آباد (اے پی پی) وزیر خارجہ مخدوم شاہ محمود قریشی آکھیے جو بھارتی میڈیا صدر ٹرمپ دی پریس کانفرنس اپنڑے مقاصد کیتے استعمال کرنڑدی کوشش کیتی اے،ٹرمپ ولا مسلہ کشمیر تے ثالثی دی پیشکش کر تے بھارتی بیانیے دی نفی کر ڈتی اے۔وزیر خارجہ مخدوم شاہ محمود قریشی آکھیے جو صدر ٹرمپ دہشت گردی دے خلاف پاکستان دے کردار دی تعریف کیتی اے،پاکستان دا ہمیشہ توں موقف اے جو بھارت اچ مسلمان عدم تحفظ دا شکارہین،ڈو ڈینھ اچ دہلی اچ ویھ اموات تھی چکین،عمراتاں،پٹرول پمپ،دکاناںسڑایاں وینداں پین، جگ کوں ایندا نوٹس گھنڑا چاہیدے۔انہاںا ٓکھیے جو ٹرمپ کھلے الفاظ اچ اے واضح کیتے جو عمران خان میڈے چنگے سگتی ہین،پاکستان بہترین حکمت عملی نال دہشت گردی کوں ہرائے،اتے ٹرمپ وعدے دے مطابق بھارت اچ کشمیر بارے بھارتی وزیر اعظم نال الوائے جیڑھی ہک وڈی پیش رفت اے۔

اسلام آباد  (اے پی پی)ایں مالی سال پاکستان دے تجارتی خسارہ اچ 27.93 فیصد کمی تھئی اے ۔ادارہ برائے شماریات پاکستان (پی بی ایس) موجب جاری مالی سال دے پہلے 7مہینے اچ جولائی تا جنوری 2019-20ءاچ تجارتی خسارہ 13 ہزار 841 ملین ڈالرتئیں گھٹیے جڈاں جو پچھلے سال جولائی تا جنوری 2018-19ءکیتے تجارتی خسارے دا حجم 19ہزار 204 ملین ڈالرریہا ہا۔جیندے بعد پچھلے مالی سال دے مقابلے ایں مالی سال ملکی تجارتی خسارہ اچ 5 ہزار 363 ملین ڈالر یعنی 27.93 فیصدکمی تھئی اے۔جاری مالی سال برآمدات اچ2.20 فیصداتے درآمدات دے حجم اچ 15.64 فیصدکمی تھئی اے۔ایں دوران برآمدات دا حجم 13 ہزار 507 ملین ڈالرتئیں ودھ گئے جڈاں جو پچھلے مالی سال ایں دوران برآمدات دا حجم 13 ہزر 216 ملین ڈالرہا۔ایویں ایں مالی سال جولائی تا جنوری کوں مجموعی ملکی درآمدات اچ 15.64 فیصد فیصد دی کمی نال درآمدات دا حجم 27ہزار 348 ملین ڈالرتئیں گھٹیے اتے درآمدات اچ 5ہزار 72 ملین ڈالردی کمی ریکارڈ کیتی گئی۔

اسلام آباد ۔ 26 فروری(اے پی پی) ملک اچ پچھلے 14 مہینے اچ کل 9 ہزار 508 دیہات کوں بجلی ڈتی گئی اے،ایں سال بئے 10 ہزار 43 نویں دیہات کوں بجلی ڈتی ویسی۔ وزارت پاور ڈویژن دے ذرائع موجب حکومت عوام کوں بجلی دی سہولت ڈیونڑ کیتے کئی منصوبیاں تے کم کریندی پئی اے۔پچھلے 14مہینے اچ لاہور الیکٹرک سپلائی کمپنی (لیسکو)اچ 63، اسلام آباد الیکٹرک سپلائی کمپنی (آئیسکو) اچ 445، فیسکواچ 424، میپکواچ 2605، حیسکو اچ 384، سیپکو اچ 381، پیسکواچ 4176 اتے کیسکواچ 953 دیہات کوں بجلی ڈتی گئی اے۔ایں مالی سال بئے 10 ہزار 43 نویں دیہات کوں بجلی ڈتی ویسی۔

اسلام آباد  (اے پی پی)سینیٹ دی قائمہ کمیٹی برائے ہاوسنگ اینڈ ورکس دا اجلاس چار مارچ کوں تھیسی جیندے اچ کمیٹی کوں جی 14/1دے متاثرین کوں کیتاں گیاں ادائیگیاں اتے پلاٹاں دے قبضہ تے بریفنگ ڈتی ویسی۔اجلاس دی اگوانڑی چیئرمین کمیٹی سینیٹرمیرکبیر احمد محمد شاہی کریسن جیڑھا اولڈ پیپس ہال پارلیمنٹ لاجز اسلام آباداچ تھیسی۔اجلاس اچ فیڈرل گورنمنٹ ایمپلائز ہاوسنگ اتھارٹی دے جاری اتے اعلان کیتے گئے منصصوبیاں تے وی بریف کیتا ویسی۔

اسلام آباد ۔ (اے پی پی)مہاندرے دانشور اتے سینئر صحافی مظہر عارف آکھیے جو جگ اچ قوماں دی سنجانڑ اتے پرکھ ایندی زبان اتے ثقافتی اقدار نال تھیندی اے،کیوں جو ایندے نال اساں اپنڑا جیونڑ سدھارنڑ کیتے اپنڑے خیالات اتے احساسات بئے تئیں پچا سگدے ہیں۔اے گال انہاں پاکستان نیشنل کونسل آف دی آرٹس اسلام آباداچ “مادری زباناں دے عالمی ڈینھ“ سانگے سرائیکی ادبی اکیڈمی دے آدر نال سرائیکی وسیب توںا ٓئے سرائیکی اہل قلم ،ادیباں دانشوراں دے اعزازاچ “سرائیکی بیٹھک”اچ الویندے ہوئے آکھی۔انہاںا ٓکھیے جو ماءبولی دا میلہ کراونڑاجوکے دور اچ مختلف زباناں،علاقیاں اتے ثقافتاں دا میل کراونڑ دے برابر اے جیندے تے منتظمین کوں مبارک ڈیناں۔ انہاںا ٓکھیا جو مادری زباناں دا مسئلہ یں معاشرے دا حصہ رہے،جگ اچ غالب گروہاں زباناں کون ودھنڑ نئیں ڈتا اتے دبا تے رکھیے،برصغیر اچ تاں دربار دی زبان بئی رہی اے اتے لوکان دی زبان بئی رہی اے،جڈاں جو پاکستان بنڑن توں بعد نوآبادیاتی ذہنیت حالی تئیں بر سراقتدار اے،اتھاں لوکاں دی سنجانڑ کھسنڑ کیتے ما بولی کوں منڑ توں ہٹک ڈتا گئے تہوں ملک اچ لسانی تحریکاں شروع تھین اتے جڈاں مختلف زبان شاعراں، ادیباں لکھنڑ شروع کیتے تاں ہک مزاحمت دامنڈھ بدھیے ،مختلف مزاحمتی ،تخلیقی ادب نال جیڑھیاں تحریکاں چلین او جمہوری تھینداں گین اتے اج ماءبولی دی اہمیت مناونڑ اچ شاعراں،ادیباں اتے زبان دا ناںد ا وڈاکردار اے بھل ساکوں ما بولی دے ودھارے کیتے رل مل تے کم کرنڑا ہوسی۔

اسلام آباد (اے پی پی) وزیرمملکت برائے ہاوسنگ اینڈ ورکس محمد شبیر علی قریشی آکھیے جو وزیراعظم عمران خان دی اگونڑی اچ حکومت عوام دی فلاح کیتے انقلابی کم کریندی پئی اے۔اے گالھ انہاں ”اے پی پی “نال الویندے آکھی جو زیراعظم عمران خان کوں حکومت اوکھے حالات اچ ملی ہئی بھل انہاں دیاں قائدانہ صلاحیتاں پاروں ملک اوکھ توں نکل تے خوشحالی دے رستے ٹر پئے۔ انہاں آکھیے جو بھارت دی غیر انسانی پالیسیاں پاروں مقبوضہ کشمیر جیل بنڑ چکیے،عالمی برادری کشمیر دی آزادی کیتے کردارادا کرے،او ویلھا آگئے جڈاں کشمیر بھارت دے قبضہ توں آزاد تھی ویسی۔

اسلام آباد  (اے پی پی) امیرالبحر ایڈمرل ظفر محمود عباسی کریکس جھیں اوکھے علاقے دی سکیورٹی بارے اقدامات دی تعریف کریندے آکھیے جو پاک بحریہ کہیں وی قسم دی جارحیت دا ولدا ڈیونڑ کیتے ہر ویلھے تیاراہے۔او سی سپارک 2020اچ مشق دے کمانڈ سینٹر دا دورہ کرنڑ ویلھے الویندے پئے ہن۔کمانڈر کراچی وائس ایڈمرل زاہد الیاس کمانڈ سینٹر آونڑ تے نیول چیف دا استقبال کیتے اتے بریفنگ ڈتی۔نیول چیف کریکس ایریا اتے اگلے مورچیاں دا وی دورہ کیتے اتے مشق سی سپارک سانگے آپریشنل تیاریاں اتے کوسٹل کمانڈ دے آپریشنل پلانز دا جائزہ گھدے۔ شاہ بندر آونڑ تے کمانڈر کوسٹ وائس ایڈمرل فیصل رسول لودھی نیول چیف دا استقبال کیتے اتے انہاں کوں مشق سی اسپارک اچ آپریشنل سرگرمیاں اتے اثاثیاں تے بریفنگ ڈتی۔دورے اچ نیول چیف کریکس ایریا اچ تعینات افسران اتے جواناں نال ملین اتے انہاں دے حوصلے دی داد ڈتی۔

اسلام آباد(اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو صدر ٹرمپ دابیان پاکستان کوں دہشت گردی نال جوڑن دی مذموم بھارتی کوشش تے وار اے،مودی داانتہا پسند متعصبانہ نظریہ عمران خان دی امن دی سوچ دے ہتھو ہر چکیے،مودی اسلحے اتے باروددے اڑودھ لا تے وی عمران خان دی کامیاب سفارتکاری دے اگو بے وس ڈسدے۔اپنڑے ٹویٹ اچ معاون خصوصی ڈاکٹر فردوس عاشق اعوان آکھیے جو کشمیریاں تے ظلم عالمی ضمیر جھنجھوڑڈتے،ٹرمپ دا اے بیان ثبوت اے جو کشمیر ہک مسلمہ عالمی تنازعہ اے، خون ناحق تے پورا جگ دا الاونڑ تبدیلی اے،ساڈا مطالبہ اے جو عالمی برادری سلامتی کونسل دی قرارداداں اتے کشمیری عوام دی مرضی موجب انہاں دا جمہوری و قانونی حق ڈیواوے، ہندوستان “ہندتوستان”اچ بدل چکیے۔انہاںا ٓکھیے جو صدر ٹرمپ دے ہوندے مسلماناں تے بدترین تشدد اتے قتل عام بھارتی قیادت دی فسطائی و مجرمانہ سوچ پورے جگ تے کھول ڈتی اے جڈاں جو وزیراعظم عمران خان دی اگوانڑی اچ پاکستان دا جگ اچ پرامن اتے رواداری آلے معاشرے دا تاثر ابھردا پئے۔

اسلام آباد ، لاہور ۔ پاکستان تحریک انصاف دے چیئرمین وزیر اعظم عمران خان نے اپنڑیں خطاب یا تقریر ءچ شوکت خانم دا ذکر ضرور کریندے ھن ھݨ سینئر صحافی تے معروف شاعر منصور آفاق نے انکشاف کیتا ھِ کہ وزیر اعظم بنی گالہ دے جئیں گھر ءچ رھاندے ھن او اپنڑیں بالاں کوں ݙیوݨ دی بجائے شوکت خانم ہسپتال کوں ݙے ݙیتا۔ روزنامہ جنگ ءچ منصور آفاق نے لکھا کہ ہمیشہ دل نال آکھیا عمران خان زندہ آباد کہ او دیانتدار آدمی ھن ، ہوس نال توں وی نی لنگھدی ، جئیں ویلے جمائمہ خان تے عمران خان دے درمیان علیحدگی تھئی تاں برطانوی قانون دے مطابق عمران خان جمائمہ خان دی جائیداد ءچ نصف دے مالک ھن لیکن غیر مند کپتان نے بلینز دی جائیداد پیراں دی ٹھوکر نال ٹھکرا ݙیتی حتی کہ اولاد دی محبت ءچ اپنڑیں محبوب وطن تے قربان کر ݙیتی

بنی گالا والا گھر جیندے ءچ خود رھاندے ھن او بالاں کوں ݙیوݨ دی بجائے شوکت خانم کینسر ہسپتال کوں ݙے ݙیتا ایہو جئی کوئی مثال ایں توں پہل پاکستان ءچ کیتھیں نی ملدی ، جیتھاں تک شہرت دا تعلق ھِ تاں او کئی دھائیاں توں ایشیاء دی سبھ توں معروف شخصیت ھن ، قدرت نے پاکستان کوں ایہو جئے لیڈر نال نوازا ھِ جیکوں کڈھیں کئیں شے دی کمی کینی رھی جیندا مسئلہ صرف غریب عوام ھن ، جنہاں دی زندگی دا مطمح نظر صرف ترقی یافتہ پاکستان ھِ لیکن ایں ویلے اے سلگدا ھوا سوال ھِ جئیں نے ہر زبان تے چھالے پا ݙیتے ھن کہ ڈیڈھ سال تھئی گئن لیکن کامیابی دور دور تک ݙیکھائی نی ویندی پئی ایویں کیو تھیندا پئے ۔

رستیاں دی دیور کون بنڑا ھویا ھِ ، وڈا غور کیتا ، بہوں تحقیق کیتی ، وزیر اعظم دے نیڑے گمدے کرداراں دے ماضی ءچ ڈیٹھا انہاں دے وزراء نال لمبی گالیاں کیتیاں تے ایں نتےجے تے پھجا کہ وزیر اعظم کوں اپنڑیں دفتر دی ٹاپ نوکری شاہی تبدیل کرنی چاھیدی

اسلام آباد (سرائیکی نیوز) کرونا وائرس دے خدشے دی پیش نظر پاکستانی زائرین دے ایران ونجݨ تے پابندی عائد کر ݙیتی گئی ، پابندی بلوچستان حکومت نے وائرس دی پاکستان منتقلی دے خطرے دے پیش نظر لائی ، ڈسایا گئیا ھِ کہ تفتان ءچ موجود ١٠٠ دے نیڑے زائرین کوں واپس کوئٹہ سڈھوا گھیدا ھِ ، لک تے ونجݨ والے زائرین کوں روکݨ کیتے خصوصی چیک پوسٹاں قائم کرم دی ھدایت وی جاری کر ݙیتی گئی ھِ ۔ ݙوجہے پاسے محکمہ صحت نے وزیر اعلی بلوچستان جام کمال خان دی ھدای تے ایران نال منسلک سرحدی علاقیاں ءچ طبی ایمرجنسی نافذ کر ݙیتی ھِ واضح رھاوے کہ ایران ءچ کرونا وائرس ہوون نال ھلاکتاں دے بعد چند ݙینھ پہل وزیر اعظم تے وزیر اعلی بلوچ دے مابین ٹیلی فونک رابطہ تھیا جیندے ءچ وائرس دا پھلاوا روکݨ توں متعلق اقدامات تے تبادلہ خیال کیتا ھِ ۔ وزیر اعلی بلوچستان نے وزیر اعظم عمران خان کوں ݙسایا ھا کہ صوبے ءچ کرونا وائرس نال بچاو کیتے خصوصی ٹیماں تفتان تے دیگر حساس علاقیاں ءچ تعینات کر ݙیتی گئی ھِ

اسلام آباد دی ضلعی انتظامیہ لال مسیت دے سابق خطیب مولانا عبدالعزیز دے نال جاری مسائل کوں حل نہ کیتا کہ آبپارہ دی سمیت شہدا ءچ امام تقرری دے سلسلے ءچ نواں تنازع کھرا تھعی گئیا ھِ جیتھاں ٢ سال پہل ریٹائر تھیوم والے مولانا غلام رسول قبضہ چھوڑن کوں تیار ھی کینی ۔ رپورٹ دے مطابق محکمہ اوقاف نے گزرن ٥ مہینے توں مسیت شہداء دے امام دے نال شروع تھیوݨ والے تنازع دی طرف توجہ نہ ݙیتی ھائی جیئں وجہہ توں اے معاملہ سنگین تھیندا ویندے، جیتھاں مسید دے سرکاری امام ݙو سال پہل اپنڑی مدت پوری کرم والے امام دے حامیاں دے درمیان وقفے وقفے نال جھیڑے وی تھیندے رھیے ھن ، حکومت دی طرفوں لال مسیت دے سابق نائب خطیب مولانا عامر صدیق کوں مسیت شہدا دا نواں امام مقرر کیتا گئیاھا سابق امام مولانا غلام رسول دی عمر ٦٠ سال حد عبور کر چکی ھِ لیکن حکومتی احکامات کوں نظر انداز کریندے پئے ھن