مظفرگڑھ ، وستی کلاچی دے سکول ءچ نیکڑی بالڑیاں کولوں مشقت
مظفرگڑھ ، وستی کلاچی دے سکول ءچ نیکڑی بالڑیاں کولوں مشقت، تفصیل دے مطابق مظفر گڑھ دی وستی کلاچی دے گرلز سکول کلاچی دی ھیڈ مسٹریس ماہ جبیں دی زیر نگرانی چلݨ والے سکول ءچ سکول تعلیم حاصل کرݨ والی بالڑیاں کوں مشقت تے لا ݙیتا انہاں توں سلاں ڈھوواوݨ شروع کروا ݙیتا۔ تحصیل علی پور دے نواحی علاقی خیر پور سادات واقع گورنمنٹ گرلز پرائمری سکول دے اھل محلہ کوں جئے ویلے ایں گالھ دا پتہ لگا تاں انہاں ھیڈ مسٹریس ماہ جبین دے خلاف احتجاج کیتا کے محکمہ تعلیم تے اعلی حکام توں مطالبہ کیتا کہ بالاں توں ایہو جئے مشقت آلے کم نہ کروائے ونجن انہاں کوں تعلیم ݙیتی ونجے۔ اھل محلہ سرائیکی نیوز کوں ݙسایا کہ کہی واری پہلے وی ایں بارے اعلی حکام کوں ڈسایا گئے لیکن ھݨ تک کوئی کارروائی عملی طور تے نی کیتی گئی۔
