سعودی اعلان دء بعد عالمی منݙی ءچ تیل دیاں قیمتاں گھٹ گئیاں
واشنگٹن ۔ عالمی منڈی ءچ خام تیل دی قیمتاں مزید گھٹ گئیاں ، پچھلے چوی گھنٹیان ءچ تریھ ڈالر بیرل گھٹ تھئی گئی ھِ جیندے بعد خام تیل دی قیمت ءچ بتری ڈالر سولہ سینٹ تک آ گئی ھِ تیل دی قیمت گھٹݨ دی وݙی وجہہ سعودی عرب دی طرفوں تیل دی قیمتاں ءچ کمی دا اعلان ھِ جیندے بعد پاکستان ءچ وی تیل دی قیمتاں ءچ نمایاں کمی تھیسی۔
نجی ٹی وی دے مطابق خام تیل دی قیمتاں ءز تریھ ݙینھ ءچ وی ڈالر فی بیرل تک گھٹ گئی ھِ عالمی منڈی ءچ تیل دی قیمتاں گزرن سولہ سال دی گھٹ ترین جاء تے آ گئیان ھن۔ ݙوجہے پاسے پاکستانیاں کیتے اے خوشخبری ھِ کہ سعودی عرب نے وی تیل دی قیمت ءچ کمی دا اعلان کر ݙیتا ھِ جیندا پاکستان کوں بہوں وݙا فائدہ تھئی سکدا ھِ ، انٹرنیشنل ویب سائٹ دے مطابق سعودی عرب نے جمعے دے ݙینھ روس توں تیل دی پیداوار ءچ کمی گھن آوݨ توں متعلق مذاکرات ناکام تھئوݨ دے بعد قیمتاں ءچ کمی دا اعلان کیتا ھِ جیندے بعد دنیا بھر دی منڈیاں ءچ تیل دی قیمتاں ءچ تیزی نال ڈھاوݨ ڈیکھݨ ءچ آئی ھِ ݙونہاں ملکاں نے کرونا وائرس دی وجہہ نال تیل دی طلب ءچ کمی تھیوݨ دے مذاکرات کیتے ھن
ماہرین معاشیات دا آکھݨ ھا کہ ایں صورتحال ءچ پاکستان دی لاٹری نکل آئی ھِ تے تیل دی قیمتاں ءچ کمی نال مستقبل ءچ عوام کوں تے صنعتاں کوں مزید فائدہ ملسی۔ ماہر معاشیات محمد سیل ڈسایا کہ پاکستان بہوں زیادہ تیل درآمد کرݨ والے ملکاں ءچ شامل ھِ تے ایں صاری صورتحال نال ملک کوں بہوں فائدہ ملسی ، پاکستان ءچ ١٣ توں ١٤ ارب ڈالر دا تیل تے ایل این جی درآمد کیتا ویندا ھِ عالمی سطح تے تیل دی قیمتاں ءچ ٣٠ توں ٤٠ فیصد کمی نال ملک کوں صف تیل دی چیزاں درآدم رکݨ تے چار توں پنجھ ارب ڈالر دی بچت تھیسی
