ترقیاتی کماں ءچ خامیاں کوں دور کیتا ونجے ، نسیم صادق
ڈیرہ غازیخان (سرائیکی نیوز ۔ منور حسین کنگرانی)کمشنر ڈیرہ غازیخان ڈویژن نسیم صادق دا آکھݨ ھا کہ ترقیاتی منصوبیاں ءچ معیار اولین ترجیح ہوونڑی چاھیدی ھِ ، پنجھ دی بجائے ھک کم کرو تاہم معیار تے سمجھوتہ نی کیتا ونج سکدا ،انہاں اے گالھ لوکل گورنمنٹ دے منصوبیاں دی بریفنگ دے دوران آکھیں ، ایکسئیں لوکل گورنمنٹ کضیل احمد نے ترقیاتی منصوبیاں دے بارے بریفنگ ݙیتی ۔ کمشنر دا آکھݨ ھا او ہر منصوبے دا تفصیلی جائزیہ گھنسن خامیاں کوں اوں ویلے ہی دور کیتا ویسی انہاں آکھیا کہ مفاد عامہ دے منصوبیاں ءچ عوام دا سرمایہ ضائ نہ تھیوݨ ݙیوں ، ترقیاتی منصوبیاں دی جلد تکمیل تے کڑی مانیٹرنگ متعلقہ محکمے دی ذمہ داری ھِ دفتر ءچ بیھ تے اندازہ نی تھیندا لہذا فیلڈ ءچ نکل تے منصوبیاں دی مانیٹرنگ کیتی ونجے۔
