ٹیل تک پانڑیں پھجاوݨ حکومت دی ذمہ داری ھِ ، ممتاز علی چانگ

صادق آباد (سرائیکی نیوز ۔ سید وسیم جیلانی) نہری پانڑی کساناں کیتے زندگی موت دا مسئلہ ھِ ٹیل تک پانڑیں دی فراہمی حکومت دی ذمہ داری ھِ پہلے عباسیہ لنک کینال توں غیر قانونی پانڑیں چوری تھیندا رہئے ھن لیاقت پور دے ارکان اسمبلی ١٨ ھزار ایکڑ رقبہ کیتے ایں نہر توں پانڑیں گھن تے ٹیل دے کاشتکاراں تے شب و خان مارݨ چاھندے ھن جیندی کہیں صورت اجازت نا ݙیتی ویسی انہاں خیالات دا اظہار پیپلز پارٹی دے ایم پی اے ممتاز علی چانگ نے صدر انجم آڑھتیاں غلہ منڈی چوھدری خلیل احمد ، صدر آٹو یونین محمود احمد چوھدری تے دیگر نال اہم ملاقات دے دوران کیتا ایم پی اے ممتاز شانگ نے ڈسایا کہ تحریک انصاف دے لیاقت پور نال تعلق رکھن والے اراکین اسمبلی نے ضلع رحیم یار خان کوں سیراب کرݨ والی عباسیہ لنک کینال توں ١٨ ھزار ایکڑ اراضی کوں سیراب کرݨ کیتے وزیر اعلی کوں درخواست ݙیتی ھِ جئیں تے ملاقاتاں وی تھئی چکیاں ھن انہاں ملاقاتاں ءچ رحیم یار خان دے کہیں وی ایمپی اے نے ایں ایندی مخالفت نی کیتی جبکہ ایں توں پانڑیں گھنݨ دے عمل نال صادق آباد تے رحیم یار خان براہ راست متاثر تھیسن ، صادق آباد دے ایم پی ایز کوں ایں گٹھ ءچ مدعو نی کیتا گئیا جیویں ھی معاملہ میڈے علم ءچ آیا ھِ میں ایں تے اسمبلی تے ایریگیشن ڈیپارٹمنٹ نال رابطے کیتے ھن

Similar Posts

Leave a Reply

Your email address will not be published. Required fields are marked *