ڈیرہ غازیخان کمشنر نے ضلع دی سبھیے کالونیاں دا ریکارڈ منگو گھیدا

ڈیرہ غازی خان ۔ ڈیرہ ءچ غیر قانونی گھراں دی سکیماں ءچ پلاٹاں دی خرید و فروخت تے پابندی عائد کریندے ہووئے ریونیو عملے کوں ھدایت جاری کر ݙیتی گئی ، کمشنر نسیم صادق نو ضلع ءچ موجود تمام کالونیاں دا ریکارڈ وی منگوا گھیدا ، ڈیرہ غازیخان ءچ ٹاہلی والا قبرستان دے نیڑے غیر قانونی گجر کالونی دے پلاٹاں دی خریداری تے وی پابندی لا ݙیتی ، کمشنر نسیم صادق نے ھاوسنگ کالونیاں توں متعلق اجلاس طلب کر گھیدا ، جیندے ءچ ڈپٹی کمشنر طاہر فاروق تے دیگر موجود ھن اجلاس دی صدارت کریندے ہووے کمشنر نسیم صادق نے آکھیا کہ رھائشی کالونیاں دے ناں تے دھوکہ تے جعلسازی تھیندی پئی ھِ سادہ لوح عوام کوں لُٹا ویندا پیا ھِ متعلقے محکمہ ریونیو ریکارڈ قبضہ ءچ گھن گھنے تے ہر قسم دی خرید و فرخت بند کرے۔

ریونیو عملہ کہ ھدایت جاری کریندے ہووے گجر کالونی دے کھاتہ نمبر ٤٨ ءچ کالونی کیتے ٥٩ کنال ٦ مرلہ ظاہر کیتا گئیا ھِ کمشنر نے آکھیا کہ کالونی تے گھر دا نقشہ فیس جمع کرواوݨ والے کیس ٢٨ گھنٹے دے اندر منظر کرݨ دے احکامات جاری کر ݙیتے گئن انہاں آکھیا کہ ہر کالونی ءچ سڑکاں ، مسیت تے پارک دا رقبہ فروخت نی کیتا ونج سکدا جیندے کیتے ٣٠ فیصد رقبہ پہلے توں رکھا ویندے ، مالکان سڑکاں ، مسیت پارک دا رقبہ فروخت نی کر سکدے ۔ کمشنر نے عوام کوں وی آکھیا کہ او پلاٹ گھیندے ویلے تسلی کر گھنن کہ کالونی منظور شدہ ھِ یا کینا۔