صادق پبلک سکول ءچ سالانہ کھیڈ دی تقریب
بہاول پور (سرائیکی نیوز ۔ ملک مصطفی چنڑ) صادق پبلک سکول بہاول پور ءچ سالانہ سپورٹس ٢٠٢٠ ء دی تقریب منعقد تھئی ، جیندے ءچ مہمان خصوصی کمشنر بہاول پور ڈویژن آصف اقبال چوھدری ھن ایں موقع تے طلباء دے مابین بھجݨ دا مقابلہ تھئے ۔ سابق طلبہ دے مابین ١٠٠ میٹر دی دوڑ لوائی گئی ایندے علاوہ والدین تے استاداں دے درمیان رسہ چھیکݨ دا مقابلہ تھیا جو استاداں نے جیت گھیدا ایں طرح مہمان خواتین دے مابین گھڑے توڑݨ دا مقابلہ تھیا ایں موقع تے طلباء و طالبات نے کراٹے ، ڈمبل پی ٹی ، ماس پی ٹی ، جمناسٹک ، گھڑ سواری تے نیزہ بازی دے مظاہرے وے کیتی آخیر ءچ مہمان خصوصی کمشنر بہاول پور آصف اقبال چوہدری نے مختلف کھیڈاں دے مقابلہ جات ءچ نمایاں پوزیشن گھنݨ والے طلباء ءچ انعامات تقسیم کیتے تقریب ءچ ملک بھر توں آوݨ والے طلباء و طالبات ، والدین تے عمائدین شہر نے شرکت کیتی تے تقریب کوں گہری دلچسپی نال ݙیکھدے ہووے طلبہ دی کارکردگی کوں سراھا
