افغان صدر طالبان قیدیاں دی رہائی دے فرمان تے دستخط کرڈتن
اسلام آباد۔ افغانستان دے صدر اشرف غنی طالبان قیدیاں دی رہائی دے صدارتی فرمان تے دستخط کر ڈتن۔غیر ملکی خبر رساں ایجنسی ‘رائٹرز’ موجب افغان صدارتی آفس دے بیان دے مطابق طالبان دے قیدیاں دی رہائی دی تفصیلات تیکھے سامنڑے گھن آیاں ویسن۔افغان صدر دے ترجمان صدیق صدیقی ٹویٹ اچ آکھیے جو ‘افغان حکومت فریم ورک طے کرگھدے جیندے تحت کشیدگی مکاونڑ کیتے قیدیاں دا تبادلہ تھیسی۔ڈوجھے پاسو طالبان افغان حکومت ولوں قیدیاں دی رہائی سانگے اپنڑیاں گاڈیاں بھیج ڈتن اتے آکھیے جو او وی معاہدے دے تحت ہک ہزار سرکاری قیدیاں کوں حوالے کریسن۔ اے پی پی
