کروناوائرس پاروں سارے ہوائی اڈیاں تے مسافراں دا درجہ حرارت چیک کیتا ویندے،سارے ضروریا لات وی موجود ہین،پارلیمانی سیکرٹری ڈاکٹر نوشین حامد
اسلام آباد ۔ قومی اسمبلی کوں ڈسایا گئے جو ملک دے سارے ہوائی اڈیاں تے کرونا وائرس دے خدشات پاروں احتیاطی طورتے ہر مسافر دا درجہ حرارت چیک کیتا ویندے اتے سارے ہوائی اڈیاں تے ضروری آلات موجودہین،ایندی نگرانی وزارت صحت آپ کریندی پئی اے۔قومی اسمبلی اچ وقفہ سوالاں ویلھے ہک سوال دے ولدے اچ پارلیمانی سیکرٹری ڈاکٹر نوشین حامد آکھیے جو پورے جگ اچ کرونا کیتے ہکا سکریننگ کیتی ویندی اے جیڑھے ساڈے سارے ہوائی اڈیاں تے وی موجود اے،کرونا وائرس توں متاثرہ ملکاں توں آونڑ آلے مریضاں دی مکمل نگرانی کیتی ویندی پئی اے،ساڈیاں ٹیماں وی گھراں اچ ونج تے چیکنگ کریندن،علامات ظاہر تھیونڑ تے مریض دا خاص خیال رکھیا ویندے،ایں سانگے ٹریول ایڈوائزری تے وی عمل کیتا وینداپئے۔ اے پی پی
