پاکستان اچ رجسٹرڈ افغان مہاجرین دی رضا کارانہ وطن واپسی 2 مارچ توں ولا شروع تھیسی
اسلام آباد (اے پی پی)پاکستان اچ رہنڑ آلے رجسٹرد افغان مہاجرین دی رضا کارانہ وطن واپسی 2 مارچ توں ولا شروع تھی ویسی۔ اقوام متحدہ دے ہائی کمشنر برائے مہاجرین دے مطابق پی اوآر کارڈ نہ رکھنڑ آلے رجسٹرد افغان مہاجرین کیتے رضاکارانہ طورتے 2 مارچ توں وطن واپسی شروع تھیندی پئی اے،افغانستان اچ نقدی دی وصولی دے مراکزوی اپنڑاکم اوں ہی ڈینھ شروع کر ڈیسن۔یو این ایچ سی آر وطن واپسی دی سہولت خیبر پختونخوا اچ اضاخیل، نوشہرہ اتے بلوچستان اچ بلیلی دے مراکز توں ڈیسی،پی او آر کارڈنہ رکھنڑ آلے افغان مہاجرین نقدی نہ گھن سگسن اتے انہاں کوں افغانستان اچ ائم وصولی دے مراکزاچ وی رسائی کائنا ہوسی۔
