او کتاب جیندے ءچ ١٢ سال پہل کورونا جئی بیماری دی بارے ڈسایا گئیا ھا

دسمبر ٢٠١٩ ءچ چین دے شہار ووہان توں شروع تھیوم والے کورونا وائرس توں متعلق بارہ سال پہل ریلیز تھیوݨ والی ھک فلم ءچ وی پیش گوئی کیتی گئی ھائی ھن ایہو جئی ھک بیماری دی پش گوئی کرݨ والی کتاب وی شامل آ گئی ھِ

کجھ ہفتے پہل ٢٠١١ دی تھرلر فلم کونٹیجن کوں اچانک نویں زندگی تے شہرت ملی ھائی جیندے ءچ کورونا جئٰ ھک بیماری دا ذکر کیتا گئیا ھا ، ڈائریکٹر اسٹیون سودربرگ دی ایں فلم دا آغاز ھک خاتون توں تھیندا ھِ جو ھانگ کانگ توں واپس مینیسوٹا ءچ ھک عجیب بیماری دے نال واپس آندی ھِ ، چند ݙینھ ءچ ایندی موت تھئی ویندی ھِ ایندے بعد ایندے شوہر تے دیگر ءچ وی اہو علامت ظاہر تھیندی ھِ بلکہ دنیا ءچ وبا کھینڈ ویندی ھِ

ایں فلم ءچ بدترین منظر نامے دی عکاسی کیتی گئی ھِ کہ کیں طرح افواواں تے تفتیش کھینڈدی ھِ تے معاشرتی زندگی بری طرح متاثر تھئی ویندی ھِ ، قرنطینے دے نال نال لوٹ مار تے خالی ایئرپورٹاں دے مناظر ریڑھ دی ھڈی ءچ سرد لہر دوڑا ݙیندی ھِ

ایں فلم دی کاسٹ وی زبردست ھِ جیندء ءچ میٹ ڈیمین ، کیٹ ونسلیٹ ، جوڈی لا، لورین فشنبرن، ماریون کوٹیلارڈ تے برائن کرانسٹن شامل ھن تے ٹوئٹر تے کجھ لوگاں ایں خیال کوں پوسٹ کیتا ھِ جیندء ءچ آکھا گئیا ھِ ایویں لگدا ھِ جیویں فلم ءچ کورونا وائرس دی پشگوئی کتی گئی ھائی تے ایں وجہہ نال مذکورہ فلم دی شہرت ءچ دوبارہ اضافہ وی تھئیا ھِ

فلم دے بعد ھن ١٢ سال پہل شائع تھیوݨ والی ھک کتاب وی سامنڑیں آئی ھ جیئں ءچ حیران کن طور تے پیش گوئی کیتی گئی ھائی کہ ٢٠٢٠ ءچ اچانک دنیا ءچ ھک وبا پھوٹ ویسی ۔ مذکورہ کتاب دے حوالے نال سب توں پہلے امریکی ٹی وی ریئلٹی اسٹار کم کارڈیشین نے ٹوئٹ کیتی جیندے فوری بعد این کتاب تے سوچل میڈیا تے نویں بحث چھڑ گئی تے فکٹ چیک کرݨ والی ویب سائٹاں ایں کتاب دا جائزہ گھنݨ ءچ مصروف تھئی گئیاں ۔

کم کارڈیشین نے ١٢ مارچ کوں اپنڑیں ٹویٹ ءچ کتاب دءِ صفحے دا سکرین شاٹ شیئر کریندے ہووے ڈسایا کہ مذکورہ کتاب دا اسکرین شاٹ انہاں دی بھیݨ نے ھک چیٹنگ گروپ ءچ شیئر کیتا جیتھاں انہاں نے ایں شات کوں چا تے اپنڑی ٹوئٹ دے ذریعے شیئر کر ݙیتا۔ کم کارڈیشن دی طرفں کیتی گئی ٹوئت ءچ ڈیکھا ونج سکدا ھِ کہ مذکورہ کتاب اینڈ آف دی ڈیز دے پیش گوائے والے صفحے کوں کہیں بندے نے اپنڑیں سوچل میڈیا اکاونٹ تے شیئر کیتا ھاں جیتھاں ایکوں شیئرنگ دا اسکرین شارٹ گھن تے ادکار نے شیئر کیتا۔

اسکرین شاٹ ءچ واضح طور تے پیش گوئی کوں پڑھا ونج سکدا ھِ جیندے ءچ ڈسایا گئے کہ ٢٠٢٠ ءچ نمونیا جئی ھک وبا دنیا ءچ کھینڈ ویسی جو انساناں دے پھیپھڑیاں تے ساہ دی نالیاں تے ڈھانچے کوں متاثر کریسی تے انہاں تے تقریبان کوئی وی دوائی اثر نا کریسی ۔ کتاب ءچ مزید لکھا گئیا ھا کہ مذکورہ وبا اچانک آوݨ دے بعد اچانک ھی دنیا توں چلی ویسی تے ھک دھائی بعد دوبارہ ایں طریقے نال دنیا تے حملے کریسی جیندے بعد او خود ہی ختم تھئی ویسی۔ ول واپسی نا آسی۔

کم کارڈیشین دی طرفوں ٹوئٹ کیتے ونجݨ دے بعد فیک چیک کرݨ والی ویب سائٹاں نے اپنڑی رپورٹ ءچ ڈسایا کہ عین ممکن ھِ کہ خاتون لکھاری نے اے پیش گوئی ٢٠٠٣ ءچ سامنڑیں آوݨ والے سارس کورونا وائرس کوں ݙیکھدے ہووے کیتی ہووے ۔

برطانوی اخبار ڈیلی میل دے مطابق کم کارڈیشن دی طرفوں ٹوئٹ کیتے ونجݨ دے بعد ھک بندے نے وی مذکورہ کتاب ءچ کیتی ونجݨ والی پیش گوئی سمیت ١٩٩٣ ءچ شائع تھیوݨ والی ھک پیش گوئی دا وی سکرین شاٹ سوشل میڈیا تے شیئر کیتا۔

صارف دی طرفوں شیئر کیتے گئے اسکرین شاٹ دے مطابق ١٩٨٣ ءچ ڈین کوٹز دی کتاب دی آئیز آف ڈارکنیس ءچ وی دنیا ءچ وبا پھیلݨ دی پیش گوئی کیتی گئی ھائی۔ صارف دی طرفوں شیئر کیتے ونجݨ والے اسکرین شاٹ ءچ ١٩٨٣ ءچ شائع تھیوݨ والی کتاب ءچ وی وبا توں متعلقل پیش گوئی کوں پڑھا ونج سکدا ھِ مذکورہ کتاب ءچ اے وی پیش گوئی کیتی گئی ھائی کہ وبا چین دے شہر ووھان توں پھیلسی ، تاہم مذکورہ کتاب دی پیش گوئی دے حوالے نال کوئی تصدیق نی تھئی سکی۔ فیک چیک کرݨ والی ویب سائٹ اسنوپس نے امریکی خاتون لکھاری سیلویا براونی دی کتاب ءچ کیتی ونجݨ والی پیش گوئی کوں درست قرار ݙیتا تے ڈسایا کہ لکھاری نے اپنڑیں کتاب اینڈ آف ڈیز ءچ دنیا ءچ ٢٠٢٠ ء آوݨ والی وبا دا آکر کتا ھا ، خاتون لکھاری سیلویا دی مذکورہ کتاب اینڈ آف ڈیز دنیا دے آخری ایام توں متعلق پیش گوئیاں تے مشتمل ھائی تے مذکوری لکھاری خود کوں نفسیاتی ماہر منیندی ھائی انہاں تقریبان ٤٠ کتاباں لکھیاں ھن