اقوام متحدہ دے سیکرٹری جنرل انتونیو گوتریس دادورہ پاکستان عمران خان حکومت دی وڈی کامیابی اے،امریکی جریدہ

واشنگٹن (اے پی پی) معروف امریکی آن لائن جریدے ڈپلومیٹ اقوام متحدہ دے سیکرٹری جنرل انتونیو گوتریس دے دورہ پاکستان کوں وزیراعظم عمران خان دی حکومت دی اہم کامیابی قرارڈیندے آکھیے جو عمران خان ملک کوں اقتصادی و معاشی مسائل نال نمٹنڑ دے نال نال مسئلہ کشمیرتے اپنڑے بیانیے کوں تکڑے انداز اچ اگو تے ٹریندے پین،انتونیو گوتریس دے کامیاب دورے نال نہ صرف خان حکومت دی حوصلہ افزائی تھئی اے بھلا ٓپ عمران خان دی مقبولیت وی ودھی اے اتے عمران خان اپنڑی خارجہ پالیسی دے مرکزدے طور تے وادی اچ مسئلہ کشمیر اتے بھارت دے کریک ڈاون دے معاملے کوں مستقل جیندا رکھیا ہوئے۔ایں دورے نال عالمی امن اتے ماحولیاتی تبدیلیاں اچ پاکستان دے کرداربارے انہاں دے بیانات دی پورے جگ دے ذرائع ابلاغ کوریج کیتی اے۔ایویں ہی نتونیو گوتریس دے بعد ترک صدر رجب طیب اردوان وی اپنڑے دورے اچ مسلہ کشمیر نال اظہار یکجہتی کیتے اتے ایندے تے بھارت وی شدید رد عمل ڈکھائے۔رپورٹ موجب ماضی اچ بھارت اچ بھارتیہ جنتا پارٹی دی حکومت دی پالیسیاںدے خلاف سخت موقف نہ اختیار کرنڑ تے مسلم لیگ (ن)دی حکومت تنقید دا نشانہ رہی اے اے اتے اوں ویلھے دے وزیراعظم مسلہ کشمیر کوں جگ اچ اگونہا کرنڑ اچ کمزور ڈسین۔

Similar Posts

Leave a Reply

Your email address will not be published. Required fields are marked *