میچ ݙیکھݨ او بندے نا ونجن جنہاں کوں بخار یا نزلہ ھِ ، وزیر اعلی سندھ
کراچی ۔ وزیر اعلی سندھ مراد علی شاہ دا آکھݨ ھا کہ او بندے اسٹیڈیم میچ ݙیکھݨ نا ونجن جنہاں کوں بخار یا نزلہ ھِ تفصیل دے مطابق وزیر اعلی سندھ دی زیر صدارت کرونا وائرس تے اجلاس تھئیا جیندے ءچ بریفنگ دے دوران ݙسایا گئیا کہ سندھ ءچ کرونا وائرس دے ١٣ مریض زیر علاج ھن اجلاس ءچ ڈسایا گئیا کہ کرونان دے ٨ مریض شام ، ٣ ایران تے ٣ دبی توں آئے ھن ، ١٧ نمونے تیسٹ کیتے گئے سبھ منفی آئے ھن ، ٥ نویں نمونے وی ٹیسٹ کیتے بھیجے گئے ھن جنہاں دا نتیجہ کل آ ویسی، وزیر اعلی سندھ کوں بریفنگ ݙیتی گئی کہ سندھ ءچ کل ١٨٧ ٹیسٹ کیتے گئے ھن ١٧٣ منفی ھن تے ١٤ مثبت ھن ، ایئر پورٹ تے ٥٠ ورکراں تریھ شفٹان ءچ کم کریندے پئے ھن اجلاس ءچ ݙسایا گئیا کہ کراچی ایئر پورٹ تے ٢٥ کیبوکلز قرنطینہ کیتے بنڑائے گئے ھن سندھ ءچ کل ١٤٢ لوگ گھراں ءچ انسولیشن ءچ ھن ، سندھ ءچ ٣٤ مریض کل آئسولیشن توں ݙسچارج تھئی ویسن ۔ ایں موقعے تے وزیر اعلی سندھ مراد علی شاہ دا آکھݨ ھا کہ او بندے میچ ݙیکھݨ نا ونجن جنہاں کوں بخار نزلہ یا کھنگ ھِ تاکہ ݙوجہے لوگاں کوں موذی مرض توں محفوظ رکھا ونج سکے۔
