کراچی سمیت سندھ ءچ تعلیمی ادارے ھک مہینے کیتے بند کرݨ دی تجویز

وزارت صحت سندھ دی طرفوں صوبائی حکومت توں کراچی سمیت سندھ ءچ تعلیمی ادارے مزید ھک مہینے تک بند کرݨ دی سفارش کیتی گئی ھِ ۔ صوبائی وزارت صحت تے سندھ حکمت دے درممیان منگل دے ݙینھ ھنگامی اجلاس تھیا ، اجلاس ءچ وزارت صحت دی طرفوں کراچی ءچ نویں کرونا وائرس دے کیس سامنڑیں آوݨ تے تشویش دا اظہار کیتا گئیا ۔ اجلاس ءچ وزارت صحت دے حکام دا آکھݨ اھ کہ سندھ حکومت کراچی سمیت صوبے بھر ءچ تعلیمی اداریاں کوں زمید ١ مہینے تک بند رکھݨ ، حکام دی طرفوں اے وی تجویز ݙیتی گئی ھِ کہ صوبائی حکومت شہر کراچی ءچ تھیوݨ والے پاکستان سپر لیگ (پی ایس ایل) دے میچاں کوں وی رکوائے ۔ ایہو جئی صورتحال ءع مجمعے دے ذریعے وائرس دی منتقلی تھئی ویندے ۔ حکام تجویز ݙیتی ھِ کہ وݙے اجتماعات تے پابندی لاتی ونجے ، کرونا دے مزید کیس سامنڑیں آ سکدے ھن ، صوبائی وزارت صحت دے حکام دی طرفوں ایئرپورٹ تے ہیلتھ ڈیکس بنڑاوݨ دی تجویز وی ݙیتی گئی ھِ تاکہ دیگر ملکاں توں آوݨ والے مسافراں توں متعلق معلومات کٹی کیتی ونج سکے۔ ݙوجہے پاسے وزیر صحت سندھ عذراپیچوھو دی طرفوں وزیر اعلی سندھ سید مراد علی شاہ نال فون تے رابطہ کر تے تازہ صورتحال تے تبادلہ خیال کیتا ھِ

LEAVE A REPLY

Please enter your comment!
Please enter your name here