قومی اسمبلی نے زینب الرٹ بل ٢٠٢٠ء منظور کر گھیدا
قومی اسمبلی نے زینب الرٹ بل ٢٠٢٠ منظور کر گھیدا ھِ سینیٹ دی طرفوں بل پہلے ھی منظور کیتا گئیا ھا
زینب الرٹ بل قومی اسمبلی ءچ کثرت رائے نال منظور کر گھیدا گئیا ھِ بدھ کوں اسپیکر اسد قیصر دی زیر صدارت قومی اسمبلی دا اجلاس تھئیا جیندے ءچ وزیر انسانی حقوق شیرین مہر النساء مزاری نے بل پیش کیتا، متحدہ مجلس عمل دی طرفوں بل دی مخالفت کیتی گئی۔
مسلم لیگ رکن اسمبلی خواجہ آصف نے آکھیا کہ بل دا صرف اسلام آباد تک اطلاق نی ہونڑاں چاھیدا ، انہاں آکھیا کہ اساں کوں ہر سگنل تے ھک زینب نظر آندی ھِ بعض قانون سازیاں این جی اوز کیتے کیتیاں ویندیاں پیاں ھن ، قانون سازی ضرور کرن لیکن ایں تے عملدرآمدی وی تھیونڑی چاھیدی ھِ
شیریں مزاری نے آکھیا کہ بل دا اطلاق صرف اسلام آباد نی وپرے ملک تے ہوسی ، اسپیکر قومی اسمبلی اسد قیصر دا آکھݨ ھا کہ بل ءچ کوئی ٹائپنگ دی غلطی ہووے تاں درست کیتی ونج سکدی ھِ
بل ءچ ملزمان دی سزاواں دا تعین وی کیتا گئیا ھِ بل دے تحت پولیس اھلکار اطلاع تے فوری ایف ائی آر درج کرݨ دا پابند ہوسی ، متن ءچ اے وی درج ھِ کہ بالاں دیخلاف جرائم دی سزاواں ، سزائے موت توں گھن تے عمر قید یا ول زیادہ توں زیادہ ١٤ سال تے گھٹ توں گھٹ ست سال قید دی سزا رکھی گئی ھِ
بل دے تحت قومی کمیشن برائے حقوق بچگان دا ناں تبدیل کر تے زینب الرٹ ، ریسپانس اینڈ ریکوری ایجنسی رکھا گئیا ھِ بل دے مطابق کہیں وی بال دے اغواء یا ایندے نال جنسی زیادتی دے واقعے دا مقدمہ درج تھیوݨ دے ٣ مہینے دے اندر اندر این مقدمے دی سماعت مکمل کرنا ہوسی، پولیس کوں کہیں بال دی گمشدگی یا اغواء دے واقعے دی رپورٹ درج تھیوݨ دے ݙو گھنٹے دے اندر این تے کارروائی کرݨ دا پابند کیتا گئیا ھِ
