شہید کرنل مجیب الرحمان دء پتر نے کمانڈنگ آفیسر توں کیھڑی خواھش دا اظہار کر ݙیتا؟
اسلام آباد ۔ پاک فوج دے کرنل مجیب الرحمان پچھلے ݙینھ دہشت گرداں دیخلاف اپریشن ءچ شہید تھئی گئے ھن انہاں کوں جئیں ویلے دفناوݨ کیتے گھیدی ویندے ھن تاں انہاں دے ١٢ سالہ پتر نے کمانڈنگ آفیسر توں خواہش دا اظہار کر ݙیتا کہ انکل تساں میڈے چھوٹے بھیݨ بھیراواں کوں نا ݙسائے کہ بابا کوں کیا تھئے ۔
آئی ایس آئی سی ٹی سی ڈیرہ اسمعیل خان دے کمانڈنگ آفیسر کرنل مجیب الرحمان ٹانک دے نیڑے دہشت گرداں دیخلاف آپریشن ءچ شہید تھئے گئے ۔ پاک آرمی دے ایں بہادر افسر نے شہادت توں پہل ݙو انتہائی سفاک دہشت گرداں کوں واصل جہنم کر ݙیتا جو کہ ڈیرہ اسمعیل خان ءچ دہشت گردی دی ھک وݙی کاررائی کرݨ ویندے پئے ھن
استور دے نیڑے علاقے بنجی نال تعلق رکھݨ والے کرنل مجیب الرحمن نے پی ایم اے ٩١ لانگ کورس ءچ کمیشن حاصل کیتاھا۔ اطلاعات دے مطابق جئیں ویلے کرنل مجیب کوں زخمی حالت ءچ سی ایم ایچ پنڈی ءچ منتقل کیتا گئیا تاں انہاں دے بارہ سالہ پتر نے پیو نال لپٹ تے شکایت کیتی کہ اے چیٹنگ ھِ کیونکہ تساں آکھا ھا کہ اساں دشمناں نال مقابل کریسوں ایں منظر کوں ݙیکھ تے اتھا موجود لوگ رو پئے۔
بعد ءچ جئیں ویلے کرنل دے جسد خاکی کوں تدفین کیتے گھن تے ویندے پئے ھن تاں شہید کرنل دے بارہ سالہ پتر نے انتہائی معصومیت نال کمانڈنگ افیسر کوں درخواست کیتی کہ انکل میݙے ݙوجہے بھیݨ بھیراواݨ کوں نا ݙسائے کہ بابا کوں کیا تھئے ۔ شہید کرنل مجیب الرحمن دء تریھ پتر تے ھک دھیی ھِ سبھ توں وݙے پتر دی عمر بارہ سال دے نیڑے ھِ
