اسلام آباد(سرائیکی نیوز۔عطاء المومن) اسلام آباد ءچ پاکستان کلین گرین انڈیکس دی افتتاحی تقریب ءچ ٹیم بہاول پور عیشاء بخاری ایڈیشنل انفارمیشن سیکرٹری نے شرکت کیتی

انہاں دا آکھݨ ھا کہ آئی ایس بی پنجاب انصاف سپورٹ تے کلچر فیڈریشن نے بہاول پور ٹیم دے نال کنونشن سنٹر آئینی نوعیت دا ھک منفرد پروگرام ھِ جیندے نال وزیر اعظم عمران خان پاکستان کوں صاف تے ساوا ݙیکھݨ چاھندن، عیشاء بخاری دا آکھݨ ھا کہ ایں عظیم پروگرام ءچ اساں وزیر اعظم دے انل ھیسے تے ایندی تکمیل کیتے ہر ممکن اقدام کریندے رہاسوں۔

اسلام آباد ـ سانحہ ماڈل ٹاون دے متاثرین نے کیس دی جلد سماعت کیتے سپریم کورٹ ءچ درخواست دائر کر ݙیتی ۔ درخواست ءچ آکھا گئیا ھِ کہ لاہور ہائی کورٹ دے حکم دے بعد نویں جے آئی ٹی نے تحقیقات مکمل کر گھیدی ھِ درخواست گزاراں دے ٧٥ جبکہ ملزمان دی طرفوں ڈیݙھ سوگوھان دے بیانات وی قلمبند تھئی چکے ھن ، درخواست دے مطابق لاہور ھائی کورٹ دے عبوری حکم دے عبد جے آئی ٹی نےاچانک کم روک ݙیتا ھا ، جے آئی ٹی رپورٹ دے بغیر کیس دا فیصلہ کیتا گئیا تاں سانحہ دے متاثرین کوں ناقابل تلافی نقصان تھیسی، واضح رھاوے کہ ٢٠١٤ء ءچ ماڈل ٹاون لاہور ءچ ڈاکٹر طاہر القادری دے گھر تے منہاج القرآن دے دفاتر دے سامنڑین لگی رکاوٹاں کوں ہٹاوݨ کیتے پنجاب حکومت نے آپریشن شروع کیتا ھا جیئن تے پاکستان عوام تحریک دے کارکناں تے پنجاب پولیس ءچ جھڑپاں تھیاں جیندے ءچ عوامی تحریک دے ١٤ کارکنان جاں بحق تے متحدد زخمی تھئی گئے ۔

اسلام آباد ـ وفاقی وزیر فیصل واوݙا ڊا آکھݨ ھ کہ مریم نواز دا ناں ای سی ایل توں نا کڈھیسوں ، انہاں کوں ضمانت دے عبد ول جیل ونجنڑاں ہوسی۔ ٹی وی چینل دے مطابق فیصل واوݙا نے آکھیا کہ ن لیگ قوم کوں مزید دھوکہ نی ݙے سکدی، مریم نواز کوں ضمانت دے بعد ول جیل ونجنڑاں ہوسی انہاں آکھیا کہ مریم نواز باھر ونجݨ کیتے کوئی رستہ نی ڈسا سکدی، انہاں دا ناں ای سی ایل توں نا کڈھیسوں، فیصل واوݙا دا آکھݨ ھا کہ نواز شریف ھشاش بشاش بھج گئے ھن۔

اسلام آباد ـ جمعیت علمائے اسلام ف دا آکھݨ ھِ کہ حکومت دیخلاف جاری پلان بی ءچ مسلم لیگ ن تے پیپلز پارٹی انہاں دے نال کینی، جمعیت علمائے اسلام ف دے رہنما حافظ حمد اللہ دا آکھݨ ھا کہ احتجاج اساݙا جمہوری حق ھِ پلان بی قیادت دے آئندہ احکامات تک جاری رھاسی۔ نجی ٹی وی اے آر وائی نیوز نال گالھ مہاڑ کریندے ہووے حافظ حمد اللہ دا آکھݨ ھا کہ دھرنے دے خاتمے دے حوالے نال کہیں قسم دا کوئی معاھدہ نی تھئیا ۔ ھک سوال دے جواب ءچ انہاں آکھیا کہ چوھدری پرویز الہی معاھدے دا آکھیندے پئے ھن اے نی ڈسیندے پئے کہ کیندے نال تھئے تے کیا گالھ تھئی ھِ اگر معاھدہ یا مفاھمت تھئٰ ھِ تاں پرویز الہی خود ڈسا ݙیوون حافظ حمد اللہ دا آکھݨ ھا کہ ن لیگ تے پیپلز پارٹی پلان بی ءچ شامل کینی پلان بی دے بعد پلان سی زیادہ مشکل ہوسی انہاں اے وی آکھیا کہ مرکزی سڑکاں بند کرݨ تے اُتھاں دھرنا ݙیوݨ نال عام شہریاں کوں پریشانی نی تھیندی پئی یاد رھاوے کہ جمعیت علمائے اسلام دی طرفوں اسلام آباد ءچ ڈھا روز توں زائد تک دھرنا ݙیتا گئیا ھا ایں دوران جیتھاں حکومتی و اپوزیشن رہنماواں نے فضل الرحمن نال ملاقاتاں کیتیاں اوتھاں چوھدری برادران چوہدری سجاعت حسین تے پرویز الہی وی کافی متحرک نظر آئے ھن ، گزرن ݙینھ اپنڑیں ھک بیان ءچ پرویز الہی نے اشارہ ݙیتا ھا کہ حکومت تے فضل الرحمن ءچ کوئی مفاہمت ھِ

اسلام آباد(سرائیکی نیوز۔ آن لائن) وزیر اعظم عمران خان اج ھزارہ موٹروے فیز ٢ دا افتتاح کریسن ، وزیر اعظم دی طرفوں علاقے دی ترقی کیتے اہم اعلانات وی ممکن ھن، تفصیل دے مطابق وزیر اعظم اج ھزارہ موٹر وے ای ٣٥ حویلیاں شاہ مقصود انٹر چینج توں مانسہرہ تک ٦٢ کلو میٹر طویل موٹر وے دے ݙوجہے حصے دا افتتاح کریسن ، افتتاحی تقریب حویلیاں یونیورسٹی کیمپس ءچ تھیسی، ہزارہ موٹروے منصوبے دی افتتاحی تقریب ءچ گورنر خیبر پختونخواہ شاہ فرمان ، وفاقی وزراء، اراکین قومی و صوبائی اسمبلی شرکت کریسن۔

ھزارہ موٹروے منصوبہ حکومت دی طرفوں ھزارہ دی عوام کیتے ھک تحفہ ھِ ٣ حصیاں تے مشتمل ١٨٠ کلو میٹر ھزارہ موٹر وے دے ݙو حصے مکمل جبکہ تریجھے حصے کوں مارچ ٢٠٢٠ء تک مکل کیتا ویسی ، ٣٤ ارب روپے دی لاگت نال مانسہرہ تک تیار تھیوݨ والے ھزارہ موٹروے تے کل ٤٧ پل تے ٦ سرنگاں تعمیر کتیاں گئیاں ھن۔ ڈوجہے پاسے مسلم لیگ ن نے وزیر اعظم عمران خان دی آمد تے احتجاج دا اعلان کیتا ھِ موٹروے تے نواز شریف دے بینتر لا ݙیتے گئن لیگی رکن پنجاب اسمبلی نے دھمکی ݙیتی ھِ کہ وزیر اعظم دی آمد تے کالے جھنڈے گھن تے نکلسوں

اسلام آباد ۔ وزیر اعظم عمران خان دا آکھݨ ھِ کہ اپوزیشن دا رویہ غیر جمہوری تے ھٹ دھرمی تے مبنی ھِ عدالتی فیصلے دی روشنی ءچ آزادی مارچ کوں ڈی چچوک تک آوݨ دی اجازت نی ݙے سکدے ، تفصیل دے مطابق حکومت دی مذاکراتی کمیٹے تے اپوزیشن دی رہبر کمیٹی دے درمیان آزادی مارچ دے حوالے نال مزاکرات تھیندے پئے ھن ایں حوالے نال پرویز خٹک نے وزیر اعظم کوں اپویزشن نال مذاکرات دے معاملے توں آگاہ کیتا ، ذرائع دے مطابق وزیر اعظم نے آکھیا ھِ کہ پر امن احتجاج دے حق کوں تسلیم کریندے ھیں لیکن عدالتی فیصلیاں دی روشنی ءچ مارچ کوں ڈی چک تک آوݨ دی اجازت نی ݙے سکدے تے عدالتی فیصلیاں توں انحراف نی کر سکدے اساں اے گالھ مہاڑ دے ذریعے مسئلے کوں حل کرݨ دی کوشش کیتی ھِ لیکن اپوزیشن دا رویہ غیر جمہوری تے ھٹ دھرمی تے مبنی ھِ

اسلام آباد ۔ (سرائیکی نیوز) سابق وزیر اعظم دے خاندانی ذرائع دا آکھݨ ھِ کہ نواز شریف کہیں صورت ءچ باھرلے ملک علاج کیتے تیار کینی، او اپنڑاں علاج کراچی یا لاہور دے کہیں ہپستال توں کرواوݨ چاھندے ھن ، انہاں دا پتر حسین نواز لندن ءچ علاج کرواوݨ تے اصرار کریندا پیا ھِ روزنامہ جنگ ءچ صالح ظافر نے مزید لکھے کہ حسین نواز شریف کوں اپنڑے والد دی ضمانت دی خبر مدینہ منورہ ءچ وصول تھئی ، لندن ءچ شریف خاندان دے قریبی ذرائع دا آکھݨ ھِ کہ نواز شریف اپنڑیں قریبی رشتہ داراں تے واضح کر چکے ھن کہ او کہیں صورت وی ملک توں باھر نا ویسن بلکہ او اپنڑاں علاج کراچی یا لاہور دے کہیں ہسپتال ءچ کرویسن۔

اسلام آباد ۔ وزیر اعظم عمران خان نے وزراء دی طرفوں عدم تعاون دی شکایت تے وفاقی کابینہ ءچ ھک واری ول ردوبدل دا عندیہ ݙے ݙیتا ، تفصیل دے طمابق پاکستان تحریک انصاف پی ٹی آئی دی پارلیمانی پارٹی دے اجلاس دے دواران کجھ رہنماوواں نے بعض وزراء دی طرفوں عوام دے مسائل حل کرݨ ءچ عدم تعاون دی شکایت کیتی جیندے تے وزیر اعطم نے وفاقی کابینہ ءچ ردوبدل دا عندیہ ݙیتا ھِ پارلیمنٹ ھاوس ءچ وزیر اعظم تے وزیر خارجہ شاہ محمود قریشی دی مشترکہ سربراھی ءچ منعقد تھیوݨ والے اجلاس ءچ وزیر اعظم دے حالیہ دورہ امریکہ تے اقوام متحدہ دی جنرل اسمبلی ءچ خطاب تے وی تبادلہ خیال کیتا گئیا جیندے ءچ انہاں مقبوضہ کشمیر دے مسئلے کوں دنیا دے سامنڑیں بیان کیتا ھا ، وزیر خارجہ شاہ محمود قریشی نے اجلاس دے شرکاء کوں مسئلہ کشمیر تے اقوام متحدہ دی جنرل اسمبلی دے اجلاس ءچ پاکستان دے موقف توں متعلق بریفنگ ݙیتی جبکہ وزیر اعظم عمران خان نے ھک جائزہ پیش کیتا کہ اگر ایں مسئلے تے پاکستان تے بھارت دے دوران صورتحال مزید خراب تھئی تاں کیا تھئ سکدا ھِ مقامی چینل نال گالھ مہاڑ کریندے ہووئے پی ٹی آئی دے سینئر رہنما تے سابق وزیر خزانہ اسد عمر دا آکھݨ ھا کہ وزیر اعظم دا انہاں کوں کابینہ ءچ واپسی دا عندیہ ݙے ݙیتا ھِ اسد عمر نے مزید آکھیا کہ جئیں ویلے میں وزیر اعظم کوں آگاہ کیتا ھا کہ میڈے کول بہوں وقت ھِ لیکن کوئی کم نا ھن تاں انہاں آکھیا ھا کہ میکوں بہوں جلد نویں ذمہ داری ݙیتی ویسی ۔ انہاں آکھیا کہ اجلاس دے دوران وزیر اعظم دی طرفوں کابینہ ءچ کہیں خاص تبدیلی دا اعلان نی کیتا گئیا ۔ سابق وزیر خزانہ دا آکھݨ ھا کہ میڈیا ءچ کابینہ ءچ وڈے پیمانے تے ردوبدل توں متعلق رپورٹ کیتا ویندا پیا ھِ لیکن اجلاس ءش ایہو جئیا کوئی اعلان نی کیتا گئیا، ذرائع دا آکھݨ ھا کہ ھک رکن قومی اسمبلی نے شکایت کیتی ھائی کہ وزرا دا عوام دے مسائل توں متعلق انہاں دی شکایت نی سنڑی جیندے تے وزیر اعظم نے عدم اطمینان دا اظہار کیتا کہ تے آکھیا کہ جو لوگ کم نا کریسن انہاں کوں عہدے توں ہٹا ݙیتا ویسی۔ علاوہ ازیں اسد عمر نے وی تصدیق کیتی کہ پی ٹی ائی دے بعد رہنماواں نے کجھ وفاقی وزراء دی طرفوں عدم تعاون دی شکایت کیتی ھائی

اسلام آباد، وفاقی دارالحکموت دے ھر گھر تے صفائی ٹیکس لاوݨ دا اصولی فیصلہ کر گھیدا ھِ ، تفصیل دے مطابق حکومت دی طرفوں فیصلہ کیتا گئیا ھِ کہ وفاقی دارالحکومت اسلام آباد دے ھر گھر توں صفائی ٹیکس وصول کیتا ویسی ، حکومت نے میونسپل کارپوریشن کوں صفائی دے اخراجات خود برداشت کرݨ دی ھدایت کیتی ھِ ذرائع دے مطابق ایں حوالے نال میونسپل کارپوریشن دا اجلاس تھئیا جیندے ءچ میونسپل کارپوریشن تے تمام گھراں تے صفائی ٹیکس لاوݨ کیتے تجاویز منگ گھیدی، میونسپل کارپوریشن اجلاس ءش ذیلی کمیٹی وی تشکیل ݙیتی گئی ، کمیٹی ھک ہفتے ءچ سفارشات تیار کر تے رپورٹ پیش کریسی۔

اسلام آباد ۔ پاکستان پیپلزپارٹی دے چیئرمین بلاول بھٹو زرداری نے آکھیا ھِ کہ مقبوضہ کشمیر ءچ جاری بھارتی مظالم عالمی امن دے خواب کوں شرمندہ تعبیر تھیوݨ دے آگوں رکاوٹ ھن عالمی برادری ھن مسئلہ کشمیر کوں کنڈھ ݙیکھا تے کھڑا تھیوݨ دی متحمل نی تھئی سکدی ، عالمی برادری دنیا ءچ پائیدار امن دے خواب کوں حقیقت بنڑاوݨ دا آغاز کشمیر دے حل نال کریسی۔

بلاول زرداری نے امن دے عالمی ݙینھ دے حوالے نال اپنڑیں پیغام ءچ آکھیا ھِ کہ دنیا انسانی ذات کیتے قدرت دی جھولی ءچ ھِ اساں میدان جنگ و جدل بنڑاوݨ دے متحمل نی تھئی سکدے پاکستانی قوم دنیا ءچ امن و آشتی دی علمبردار ھِ ، کل آوݨ والی نسلاں کوں پائیدار امن ݙیوݨ دی خاطر اج اساں سکولاں ءچ زیادہ توں زیادہ سرمایہ لاونڑاں ہوسی، بلاول بھٹو زرداری آکھیا کہ دنیا کوں سب کیتے ھک جیاء مسکن بنڑاوݨ دی خاطر اساں ءچوں ہر ھک کوں اپنڑاں کردار نبھاونڑاں ہوسی، اساں اپنڑیں گھراں ءچ بالاں کوں صبر تے ڈوجہیاں کوں احترام سیکھاونڑاں ہوسی اپنڑیں محلے ، گلی محلیاں ءچ رواداری تے بین المذاھب و بین السانی ہم آھنگی کوں فروغ ݙیونڑاں ہوسی ، ملکی سطح تے جمہوریت کوں تقریت تے سیاسی استحکام کوں یقینی بنڑاونڑاں ہوسی انہاں آکھا کہ عالمی سطح تے تنازعات دے حل کیتے سفارتکاری تے گالھ مہاڑ تے انحصار کیتا ودھایا ویسی تے بقائے باہمی کوں فراغ ݙیونڑاں ہوسی۔

اسلام آباد ۔ نیگر ڈاکٹراں ایسوسی ایشن اسلام آباد دی ایگزیکٹیو کونسل نے تنخواہواں ءچ اضافہ دے حوالے نال سوموار دے ݙینھ نال بھر پور احتجاج دے فیصلے دی توثیق کر ݙیتی ھِ

ترجمان وائی ڈی اے دی طرفوں جاری بیان ءچ آکھا گئیا ھِ کہ نیگر ڈاکٹرز ایسوسی ایشن دی ایگزیکٹو کونسل دا اجلاس اج پمز اسپتال اسلام آباد ءچ منعقاد تھیا، اجلاس ءچ فیصلہ کیتا گئیا ھِ کہ پیر دے ݙینھ پمز ہسپتال ءچ ایمرجنسیز تے کریٹیکل ایریاز دے علاوہ تمام سروسز معطل رھاسن، ینگ ڈاکٹرز ایسوسی ایشن دی طرفوں اے فیصلہ وی کیتا گئیا ھِ کہ ڈاکٹرز بی ایچ یوز ءچ وی سروسز نا ڈیسوں، اجلاس ءچ ایں گالھ تے شدید تحفظات دا اظہار کیتا گئیا کہ نہ تاں حسب وعدہ حکومت نے ہاوس آفیسرز تے پوسٹ گریجویٹ ٹرینیز سمی تڈاکٹراں دی تنخواہواں ءچ اضافہ دا نوٹیفکیشن جاری کیتا تے نا ہی ریفارمرز دے ناں تے ایم ٹی آئی ایکٹ کوں سٹیک ہولڈراں دے کون آگاہ کیتا گئیا ایں موقع تے ڈاکٹراں دا آکھݨ ھا کہ حکومت دے وعدہ خلافیاں دیخلاف اساݙے کول بھر پور احتجاج دے علاوہ کوئی رستہ کینی اگر ھݨ وی حکومت تنخووہواں ءچ اضافے دا فائنل نوٹیفکیشن جاری نی کریندی تاں احتجاج کوں دیگر ہسپتالاں تک وی ودھایا ویسی۔

اسلام آباد ۔ چین دی طرفوں کئی مہینیاں توں پاکستان کوں طیارہ بردار جنگہ بحری جہاد ی فروخت تے غور کیتا ویندا پئے ، جہاز ممکنہ طور تے ٢٠٢٠ تک پاکستان بحریہ دا حصہ بݨ سکدا ھِ پاکستان دے سبھ توں چنگے تے قریبی دوست ملک چین نے ھک واری ول اپنڑی دوستی دا بھر پور ازار کیتا ھِ چین جیتھاں سی پیک منصوبے دے ذریعے پاکستان کوں دنیا دی وݙی اقتصاری قوت بنڑݨ کیتے مدد کریندا پئے اوتھیں پاکستان کوں دنیا دی وݙی تے مضبوط ترین دفاعی قوت بنڑݨ کیتے مسلسل معاونت فراہم کریندا پیا ھِ ایں سلسلے ءچ ھݨ ھک زبردست فیصلہ گھیدا گعیا ھِ چین پاکستان دے نال اپنڑی تاریخ دا سب توں وݙا معاھدہ طے کرݨ ویندا پئیا ھِ چین تے پاکستان دی دفاعی قوت خاص تر بحری دفاعی امور ءچ اضافہ کیتے وݙا فیصلہ کیتا ھِ چین نے پاکستان کوں اپنڑاں پہلا طیارہ بردار جنگہ بحری جہاز فراہم کرݨ دا فیصلہ کیتا ھِ پاک بحریہ ھن تک طیارہ بردار جنگہ بحری جہاز توں محروم ھِ جبکہ بھارت دی بحریہ دے کول طیارہ بردار جنگہ بحری جہاز دی سہولت موجود ھِ

وزیر اعظم عمران خان نے گھوٹکی واقعے دا حوالہ ݙیندے ہووئے آکھیا کہ پاکستان ءچ ھندو برداری دیخلاف تھیوݨ والا تدد ملک دیخلاف سازشش ہوسی۔ طور خم سرحد تے نویں ٹرمینل دے افتتاح دے موقع تے صحافیاں دے سوالات دے جوابات ݙیندے ہووے وزیر اعظم عمران خان نے آکھیا گھوٹکی ءچ ھند برادری دی عبادت گاہ کوں نقصان پجھاوݨ تے مظاہریاں ءچ شدید الفاظ دی میں مزمت کرینداں، انہاں آکھیا کہ گھوٹکی ءچ پیس آوݨ والا واقعہ اقوام متحدہ ءچ جنرل اسمبلی اجلاس ءچ انہاں دی تقریر کوں ثبوتاژ کرݨ دی سازش ھِ وزیر اعظم دا آکھݨ ھا کہ بانی پاکستان قائد اعظم محمد علی جناح نے تمام اقلیتیاں کوں اے یقین دھانی کروائی ھائی کہ او ایں ملک دے برابر دے شہری ھن، انہاں مزید آکھیا کہ آئین پاکستان تے دین اسلام ءچ وی اقلیتیاں کوں برابر دے شہری حقوق ݙیتے گئے ھن خیال رھاوے کہ چند روز پہل گھوٹکی دے سندھ پبلک اسکول ءچ ھک طالب علم نے ھندو برادری نال تعلق رکھݨ والے اسکول پرنسپل تے مبینی طور تے توھین مذیب دا الزام لایا ھا جیندے بعد ایں طالب علم ددے والد عبدالعزیز راجپوت نے پرنسپل دے خلاف توہین مذہب دا مقدمہ درج کرا ݙیتا ھا ، مبینہ طور تے توہین مذہب دی اطلاع دے بعد پرنسپل دے خلاف مظاہرے شروع تھئے گئے جبکہ مظاہرین نے فوری طور تے پرنسپل ددی گرفتاری دا مطالبہ کیتا ھا ، بعد از مبینہ توہین مذھب دے الزام تے اقلیتی برادری دی عبادت گاھواں تے املاک کوں نقصان پھجاوݨ ہنگامہ آرائی کرݨ تے علاقے ءچ خوف و ھراس پھیلاوݨ دیخلاف تریھ مقدمات درج کر گھیدے ھن ، بھارت توں متعلق گالھ کریندے ہووے انہاں آکھیا کہ پڑوسی ملک تے انتہا پسنداں نے قبضہ کر گھیدا ھِ کیونکہ اے ایہو جئے ذھن دے لوگ ھی کہیں علاقے کوں اتنے ݙینھ تک بند کر سکدے ھن ۔ انہاں مزید آکھیا کہ مودی حکومت دی پالیسی آر ایس ایس دی پالیسی ھِ جو پاکستان تے مسلماناں دیخلاف نفرت انگیز ھِ جبکہ مسلماناں کوں ݙوجہے درجے دا شہری بنڑا ݙیتا گیا ھِ

ھک سوال دے جواب ءچ وزیر اعظم عمران خان نے آکھیا کہ پاکستان ءچ اگر کوئی سمجھدا ھِ کہ او کشمیر ءچ ونج تے جہار کریسی تاں او کشمیریاں نال ظلم کریسی ، اپنڑی گالھ جو جاری رکھیندے ہووے وزیر اعظم آکھیا کہ بھارت کوں ایں ویلے کشمیر ءچ بہانہ چاھیدے او نے اوتھاں ٩ لکھ فوج جمع کیتی ہوئی ھِ انہاں مزید آکھیا کہ ایں ویلے پوری کشمیری قوم بھارت دے خلاف ھِ تے جو جوان انہاں دے نال ھن ھن وی او بھارت دیخلاف تھئی گئن۔ وزیر اعظم آکھیا کہ مقبوضہ کشمیر ءچ بھارت بری طرح پھس چکے ، بین الاقوامی برادری ایندے خلاف بیانات ݙیندی پئی ھِ عالمہ فورم تے دھائیاں تے گالھ تھیندی پئی ھِ جیندی وجہہ توں انہاں تے دباو ودھدا ویندے تے رہی سہی کسر میں اقوام متحدہ ءچ پوری کر ݙیساں

صوبہ خیبرپختونخوا دے ضلع مہمند ءچ پاک ۔ افغان سرحد تے آئی ای ڈی (امپرووائڈ ایکسپلوزو ڈیوائس دے نتیجے ءچ تھیوݨ والے دھماکے نال پاک فوج دا میجر تے سپاہی شہید تھئی گئے ۔ پاک فوج دے شعبہ تعلقات عامہ آئی ایس پی آر دے ڈائریکٹر جنرل (ڈی جی ) میجر آصف غفور نے سماجی روابط دی ویب سائٹ ٹویٹر تے ھک پیغام ءچ ڈسایا کہ پاک فوج دے میجر عدیل شاھد تے سپاہی فراز حسین نے پاک افغان سرحد تے جام شہادت نوش پائی ۔

آئی ایس پی آر دے مطابق افسر دی نگرانی ءچ پاک فوج دا اسکواڈ این در اندازے والے علاقے ءچ باڑ لاوݨ دے کم دی نگرانی ءچ مصروف ھا کہ سرحد پار توں دھشت گرداں دی طرفوں نصب کیتی گئی بارودی سرنگ دا نشانہ بݨ گئے ۔ ترجمان پاک فوج نے ڈسایا کہ ایں دھماکے دے نتیجے ءچ میجر عدیل شاھد تے سپاہی فراز حسین شہید تھئی گئے آئی ایس پی آر دے مطابق شہید تھیوݨ والے میجر عدیل دا تعلق کراچی جبکہ فراز حسین دا تعلق کوٹلی نال ھا ، واضح رھاوے کہ سرحد تے باڑ لاوݨ دے دوران افغانستان ءچ موجود دہشت گرد وقفے وقفے نال کئی واری پاک فوج تے حملے کیتے ھن جیندے ءچ کئی جوان شہید وی تھئی چکے ھن اج دا واقعے انہاں ݙو واقعات دے ھک ہفتے توں وی گھٹ وقت ءچ تھئیا ھِ جیندے ءچ مغربی سرحد تے نیڑے فائرنگ نال پاک فوج دے چار جوان شہید تھئے ھن۔

آئی ایس پی آر نے ایں ویلے ڈسایا ہا کہ شمالی وزیرستان ءچ اسپن وام دے علاقے اباخیل ءچ گست تے مامور سیکیورٹی فورسز تے شدت پسنداں نے فائرنگ کر ݙیتی ھائی جیندے نتیجے ءچ بلتستان دے رہائشی ٢٣ سالہ سپاہی اختر حسین نے جام شہادت نوش کیتا جبکہ جواب کارروائی ءچ ݙو دہشت گرد مارے گئے ، ایں ݙینھ ءچ پاک افغان سرحد تے باڑ لاوݨ دے کم ءچ مصروف پاک فوج دے جواناں تے دہشت گرداں نے فائرنگ کیتی ھائی جیندے نتیجے ءچ گھٹ توں گھٹ ٣ اہلکار شہید تھئے ھن تے ھک شید زخمی تھئیا ھا ۔ واں سال جولائی ءچ شمالی وزیرستان ءچ پاک افغان سرحد تے اپنڑیں فرائض دی انجام دہی دے دوران سیکیورٹی اہلکاراں تے افغانستان دے سرحدی علاقے توں حملہ کیتا گئیا ھا ، جیندے نتیجے ءچ ٦ جوان شہید تھئ گئے ھن

اسلام آباد(سرائیکی نیوز۔ آن لائن) چیئرمین پیپلزپارٹی بلاول بھٹو زرداری دی زیر صدارت اسلام آباد ءچ تھیوݨ والے کور کمیٹی اجلاس دی اندرونی کھانی سامنڑیں آ گئی بلاول بھٹو زرداری نے کور کمیٹی اجلاس دی صدارت کریندے ہووے آکھیا کہ کہیں مسلط کردہ قومی حکومت دا حصہ بنڑسوں نا حمایت کریسوں ، مراد علی شاہ جیل ءچ ہوون یا ریل ءچ او وزیر اعلی ھی رھاسن۔

مقامی ٹی وی دے طمابق بلاول بھٹو دا آکھݨ ھا کہ مہنگائی یا جمہوریت دی گالھ کیتی گئی تاں اپوزیشن دے نال کھڑے ہوسن ، عمران خان دی پھانسی یا مذھب تے سیاست دا ساتھ کینا ݙیسوں، اے تھیا تے پیپلزپارٹی عمران خان دے نال کھڑی ہوسی، پارٹی رہنماواں نے رائے ݙیندے ہووے آکھیا کہ فضل الرحمن دے نال دھرنے ءچ نی گئی تاں آکھا ویندا پئی کہ ڈیل کر گھیدی این تے بلاول بھٹو نے آکھیا کہ دھرنے ءچ ونجوں ھا تاں گرفتاریاں دی وجہہ توں اے کیتا پی پی اپنڑی سیاست کریسی ، بلاول بھٹو آکھیا کہ مریم نواز دی گرفتاری دے عبد مسلم لیگ ن نال موثر رابطہ نی رھیا ، اے این پی ، بی این پی تے دیگر جماعتاں دے نال رابطے کریسوں ، بلاول بھٹو آکھیا کہ کراچی ءچ آرٹیکل ١٤٩ نافذ کیتا گئیا تا بھر پور مزمت کیتی ویسی۔

وزیر اعظم عمران خان تے آرمی چیف جنرل قمر جاوید باجوہ نے لائن آف کنٹرل ایل او سی دا دورہ کیتا تے اوتھاں تعینات فوجی جواناں نال ملاقات کیتی ، پاک فوج دے شعبہ تعلقات عامہ آئی ایس پی آر توں جاری بیان دے مطابق وزیر اعظم عمران خان تے آرمی چیف جنرل قمر جاوید باجوہ اگلے مورچیاں تے تعینات فوجی جواناں تے شہدا دے اھل خانہ نال ملاقاتاں کتیاں، آئی ایس پی آر دے بیان دے مطابق وزیر اعظم دے نال وزیر دفاع پرویز خٹک، وزیر خارجہ شاہ محمود قریشی تے کشمیر کمیٹی دے چیئرمین سید فخر امام وی ھن، بیان ءچ آکھا گئیا کہ وزیر اعظم کوں ایں موقع تے ایل او سی دی موجودہ صورتحال نال آگاہ کیتا گئیا ، آئی ایس پی آر دا آکھݨ ھا کہ وزیر اعظم نے بھارت دی طرفوں جنگ بندی معاھدے دی خلاف ورزی دا موثر جواب ݙیوݨ دی بھر پور تیاریاں کوں قابل تحسن آکھا ، وزیر اعظم عمران خان نے آرمی چیف دے نال فوجیاں نال ملے تے شہیداں دے اہل خانہ نال وی ملاقاتاں کیتیاں

ڈی جی آئی ایس پی آر میجرجنرل آصف غفور نے ھک ٹویٹ ءچ آکھیا کہ وزیر اعظم دا آکھݨ ھا کہ بھارت دی طرفوں مقبوضہ کشمیر ءچ غیر مسلح شہریاں کوں جاݨ بُجھ تے نشانہ بنڑایا تے مقبوضہ جموں و کشمیر ءچ معصوم کشمریاں کوں بند رکھݨ انسانی حقوق دیخلاف ورزیاں دی بد ترین مثال ھن، ایں توں پہل آئی ایس پی آر دے بیان ءچ آکھا گئیا ھا کہ وزیر اعظم عمران خان متوقع طور تے مظفر آباد دا دورہ کریسن جیتھاں او شہریاں نال خطاب وی کریسن

اسلام آباد ۔ چین تے افغانستان دے وزراء اج پاکستان آسن، وزیر خارجہ شاہ محمود قریشی کی زیر صدارت مذاکرات دا تریجھا دور اج اسلام آباد ءچ تھیسی ، تفصیل دے مطابق پاکستان ھک واری ول سفارتی سرگرمیاں دا مرکز بݨ گئیا ایں سلسلے ءچ چین دے عزیر خارجہ وانگ ژی تے افغانستان دے وزیر خارجہ صلاح الدین ربانی سہ ملکی مذاکرات ءچ شرکت کیتے اج پاکستان آسن، ایں حوالے نال ترجمان دفتر خارجہ دا آکھݨ ھِ کہ پاک چین افغان سہ فریقی مذاکرات دا اج تریجھہ دور اج اسلام آباد ءچ تھیسی ، وزیر خارجہ شاہ محمود قریشی سہ فریقی مذاکرات دی سربراھی کریسن، تاہم وانگ ژی تے صلاح الدین ربانی اپنڑیں اپنڑیں وفود دی قیادت کریسن، مذاکرات دے ایجنڈے ءچ سیاسی تعلقات تے افغان امن عمل دے علاوہ سیکیورٹی تعاون ، انسداد دہشت گردی تے باہمی روابط دا فروغ شامل ھِ

اسلام آباد، لارج ٹیکس پیئرز یونٹ ایل ٹی ٹو ، کراچی نے اے آر وائے کمیونیکیشنز کوں میڈیا ھاوسز دی طرفوں ٢٠١٣ ءچ غلط معلومات فراہم کرݨ ، ھقائق لُکاوݨ تے استثنی دے غلط استعمال توں ٹیکس چوری کرݨ دی درخواست تے ٩٩ کروڑ ٢٠ لکھ روپے ادا کرݨ دا حکم ݙے ݙیتا۔

تفصیل دے مطابق ٢٠١٣ ءچ مبینہ ٹیکس چاری ایں وقت ءچ سامنڑیں آئی جئیں ویلے اے آر وائے نے پہل ہی ایل ٹی یو دے انکم ٹیکس ءچ انکشافات کوں چیلنج کر رکھا ھا ، ایل ٹی یو کراچی دے چیف کمنشنر نے ڈسایا کہ ٹیکس محخمے نے جئیں ٹیکس دھندہ دی طرفں جمع کرائے گئن دستاویزات تے بیانات ءچ ضابطگیاں ݙیٹھی ونجے تاں تمام قانونی چارہ جوئی مکمل کرݨ دا حکم گئیا انہاں دا آکھݨ ھا کہ او ٹیکس دھندگان دی تفصیل عوام ءچ عیاں نی کر سکدے انہا دا آکھݨ ھا کہ کیس اپیل دے مرحلے تے ھِ چونکہ ٹیکس دھندہ نے ایل ٹی یو انکشافات کوں چیلنج کر ݙیتا ھِ ایں واسطے میں ایں تے رائے نی ݙے سکدا، خیال رھاوے کہ رواں سال ٣٠ جون کوں ایل ٹی یو کراچی نے ٨٢ صفحات تے مشتمل احکامات جاری کیتے ھن جیندے ءچ اے آر وائی دی کل آمدن ٢ ارب ٨٠ کروڑ روپے ڈسائی گئی تے آکھا گئیا کہ ٹی وی نیٹ ورک کوں ٩٩ کروڑ ١٩ لکھ روپے ٹیکس ادا کرنا ہوسی ۔ اے آر وائی نے ٣٠ جولائی تک اے رقم ادا کرݨ دا حکم ݙیتا ھا تاہم ٹی وی نیٹ ورک نے انکم ٹیکس اپیل زون ١ کراچی ءچ ایندے خلاف اپیل دائر کر ݙیتی ھائی

اسلام آباد۔ اسلام آباد پولیس نے محرم الحرام دا سیکورٹی پلان جاری کر ݙیتا، آئی جی اسلام آباد نے دفعہ ١٤٤ تے سختی نال عملدرآمد تے مجالس ، جلوساں کوں فل پروف سیکورٹی فراہم کرݨ دی ھدایت کر ݙیتی، محرم الحرام کیتے ترتیب ݙیتے گئے سیکورٹی پلان دے مطابق ضلع بھر ءچ ݙو ربیع الاول تک مجموعی طور تے ٩٠٩ مجالس تے ١٧٧ جلوساں دی نگرانء ءچ ١٢ ھزار سیکورٹی اہلکار تعینات ہوسن، جلوساں تے مجالس دے آغاز توں پہل روٹس تے مقامات دی ہر صورت سکریننگ کیتی ویسی، پلان دے مطابق حساس مجلس تے جلوساں کوں فل پروف سیکورٹی فراہم کرݨ کیتے تمام دستیاب وسائل بروئے کار گھن ائے ویسن۔

مجالس جلوساں دے رستے ءچ آوݨ والی بلند چھتاں تے ماہر نشانہ باز تعینات کیتے ویسن سیکورٹی پلان دے مطابق محرم الحرام دے دوران وال چاکنگ تے لاوڈ سپیکر ایکٹ تے سختی نال عمل درآمد کروایا ویسی جبکہ گڈیاں دی پارکنگ مجالس تے جلوساں توں دور کروائی ویسی۔

اسلام آباد ۔ وفاقی وزیر داخلی بریگیڈیئر ریٹائرڈ اعجاز شاہ دا آکھݨ ھِ کہ آصف زرداری دا مقام جیل ھِ تے او اوتھیں ہی رھاسن، ݙو روز پہل زرداری کوں اڈیالہ جیل توں پمز ہسپتال منتقل کیتا گئیا ھا جیتھاں طبی معائنے دے بعد انہاں کوں دوبارہ اسپتال منتقل کر ݙیتا گئیا پیپلز پارٹی دی طرفوں سابق صدر آصف دی واپس جیل منتقلی تے حکومت کوں شدید تنقید دا نشانہ بنڑایا ھا ، سابق صدر آصف علی زرداری دی چھوٹی صاحبزادی آصفہ بھٹو زرداری دا آکھݨ ھا کہ میکوں ڈاکٹراں نے ڈسایا ھِ کہ اساں بہوں دباو ھِ ایں واسطے آصف زرداری کوں دوبارہ جیل بھجیندے پئے ھن، وزیر داخلہ اعجاز شاہ دا آکھݨ ھا کہ آصف زرداری دی اسپتال منتقلی دا فیصلہ میڈیکل بورڈ کریندے نا کہ حکوم ت، زرداری صاحب کوں میڈیکل بورڈ دی سفارش تے ھی جیل منتقل کیتا گئیا ھِ ، اعجاز شاہ نے اے وی آکھیا کہ تھئی نی سکدا کہ حکومت میڈیکل بورڈ دے برعکس فیصلہ کرے

اسلام آباد( سرائیکی نیوز) وزیر اعظم عمران خان نے مقبوضہ کشمیر دے معاملے تے دنیا کوں خبردار کریندے ہووے آکھیا کہ جنوبی ایشیاء ءچ ݙو ایٹمی ریاستاں آمنڑیں سامنریں ھن ، وزیر اعظم دا ھیوسٹن ءچ اسلامک سوسائٹی آف نارتھ امریکا (اسنا) کنویشن نال ویڈیو لنک دے ذریعے براہ راست خطاب، انہاں آکھیا کہ اسلام امن دا مذہب ھِ امن نال رھاوݨ دا درس ݙیندے مسلمان نا صرف اپنڑیں نبی ﷺنال محبت کریندن بلکہ پہل آئے تمام انبیاء کرام دا احترام وی کریندن تے انہاں تے ایمان رکھیندن، وزیر اعظم عمران خان دا آکھݨ ھا کہ دہشت گردی دا اسلام نال کوئی تعلق کینی لیکن نائن الیون دے بعد ہر واقعے کوں اسلام نال جوڑا گئیا ، آزادی اظہار دا اے مطلب کینی کہ کہیں دے مذہبی جذبات کوں مجروح کیتا ونجے لیکن یوریپ ءچ مسلماناں دی مساجد تے وی حملے تھئے انہاں آکھیا کہ کیوں ہر مسلمان کوں شک دی نگاہ نال ڈیٹھا ویندے کہیں ھک بندے دے عمل کوں پوری کمیونٹی نال نی جوڑا ونج سکدا ، نائن الیون توں پہل توں تامل ٹائیگرز دہشت گرد حملے کریندے ھن انہاں دا آکھݨ ھا کہ دہشت گردی دا کہیں مذھب نال کوئی تعلق نی ہوندا کہیں ھک شخص دے عمل کوں مزیب نال نی جوڑا ونج سکدا۔

اسلام آباد(سرائیکی نیوز) پاک فوج دے سپہ سالار جنرل قمر جاوید باجوہ نے آکھیا ھِ کہ انسداد دہشت گردی آپریشنز نے پاک فوج کوں جنگ کیتے سخت جان بنڑاں ݙیتا ھِ پاک فوج دے شعبہ تعلقات عامہ (آئی ایس پی آر ) دے ڈائریکٹر جنرل (ڈی جی ) میجر جنرل آصف غفور دی طرفوں سماجی رابطیاں دی ویب سائٹ ٹیویٹر تے کیتے گئے ٹویٹ دے مطابق چیف آف آرمی اسٹاف جنرل قمر جاوید باجوہ نے لاہور کور تے پاک رینجرز پنجاب دے ھیڈ کوارٹر دا دورہ کیتا، آئی ایس پی آر دے طمابق پاک فوج دے سربراہ نے آکھیا کہ انسداد دہشت گردی آپریسنز نے پاک فوج کوں جنگ کیتے سخت جان بنڑاں ݙیتا ھِ تے اساں ثابت قدم ہیں جنرل قمر جاوید باجوہ نے آکھیا کہ میکوں اپنڑیں افسراں تے جواناں تے فخر ھِ جو قوم دی توقعات تے پورے آسن، خیال رھاوے کہ گزرن ݙینھ آرمی چیف نے گوجرانوالی کور ھیڈ کوارٹرز دا دورہ کیتا ھا جیتھاں انہاں کوں آپریشنل تیاریاں توں متعلق بریفنگ ݙیتی گئی ھائی ۔ ایں حوالے نال آئی ایس پی آر نے ڈسایا ھا کہ اپنڑے دورے دے موقع تے آرمی چیف نے آکھیا کہ قوم دی طرفوں کشمیر آور تے کشمیری بھیراواں دے نال یکجہتی دا اظہار دنیا کیتے ھک سخت پیغام ھا ، نال ھی جنرل قمر جاوید باجوہ نے آکھیا ھا کہ مقبوضہ جموں و کشمیر ءچ ویگڑدی صورتحال اعلاقائیا من کیتے خطرہ ھِ ایں توں پہل ٢٤ اگست کوں گلگت ءچ فارمیشن ھیڈ کوارٹر دے دورے دے موقع تے پاک فوج دے سپہ سالار نے آکھیا ھا کہ اساں مشرقی سرحد تے خطرے توں آگاہ ھین تے کہیں وی مس ایڈونچر یا جارحیت کوں ناکام بنڑاوݨ کیتے مکمل طور تے تیار ہیں ۔

اسلام آباد(سرائیکی نیوز) امیر جمعیت علماء اسلام مولانا فضل الرحمن نے ملک بھر دے کارکناں کوں اسلام آباد آوݨ دی کال ݙے ݙیتی، اکتوبر ءچ کارکنان پر امن طور تے اسلام آباد دا رخ کریسن، عوام باھر نکل تے ایں سلیکٹڈ حکومت کوں شیشہ ݙیکھسی، سبھ ایں حکومت توں تنگ ھن غریب عام دا جیوݨ محال کر ݙیتا گئے تاجر ، وکلا، مزدور سمیت کوئی وی بندہ ایں نا اھل حکومت نال خوش کینی۔ایں خیالات دا اظہار انہاں اسلام آبادءچ اپنڑی صدارت ءچ تھیوݨ والے جے یو آئی پنجاب دی عاملہ دا اہم اجلاس ءچ کیتا ، اجلاس ءچ مسئلہ کشمیر تے اسلام آباد لاک ڈاون دی تیاری تے مشاورت کیتی گئی اجلاس ءچ جے یو آئی پنجاب دی عاملہ دے اراکین نے شرکت کیتی ، مسئلہ کشمیر دے بعد خطے ءچ پیدا تھیوݨ والی صورتحال تے تبادلہ خیال کیتا گئیا ، اسلام آباد لاک ڈاون تے پنجاب جماعت دی تیاریاں دا جائزہ گھیدا گئیا، مولانا فضل الرحمن نے صوبائی عاملہ دے اراکین کوں پنجاب دے تمام اضلاع دے دورے کرݨ دی ھدایت کر ݙیتی گئی ، بیان دے مولانا فض الرحمن نے عاملہ اراکین کوں ھدایت کیتی ھِ کہ سلیکٹڈ حکومت دیخلاف اکتوبر ءچ تھیوݨ والے دھرنے ءچ کارکنان کوں تیارے دے نال آوݨ دا آکا، انہان آکھیا کہ اکتوبر ءچ کارکنان پر امن طور تے اسلام آباد دا رخ کرم مولانا فضل الرحم نے آکھا کہ موجودہ حکومت نے غریب عوام دا جیوݨ محال کر ݙیتیا ھِ تاجر ، وکلا ، مزدور سمیت کوئی وی بندہ ایں نااھل حکومت نال خوش کینی ، اکتوبر دے مہینے ءچ باہر نکل تے عوام ایں سلیکٹڈ حکومت کوں شیشہ ݙیکھیسی

اسلام آباد ـ عالمی بینک نے اپنڑیں جاری پروگرام دءِ تحت رواں مالی سال مختلف منصوباں کیتے پاکستان کوں ٥۔١ بلین ڈالر دی رقم ڈیسی ، تفصیل دے مطابق وزیر برائے منصوبہ بندی خسرو بختیار نال کنٹری ڈائریکٹر ورلڈ بینک پاچاموتھو نے ملاقات کیتی جیندء ءچ خسروبختیار نے ڈسایا کہ غیر ملکی مالی مدد نال جاری منصوبیاں تے عملدرآمد ءچ تیزی گھن آوݨ کیتے اقدامات کیتے ویندے پئے ھن ، فیصلہ کیتا گئیا ھِ کہ غیر ملکی مالی امداد نال جاری منصوبیاں دا ھن ہر ماہ تمام اسٹیک ہولڈرز دی مشاورت نال جائزہ گھیدا ویسی ، کنٹری ڈائریکٹر ورلڈ بینک دا آکھݨ ھا کہ عالمی بینک اپنڑیں جاری پروگرام دے تحت رواں مالی سال مختلف منصوبیاں کیتے پاکستان کوں ٥۔١ بلین (ڈیڈھ ارب) ڈالر دی رقم ݙیسی تے عالمی بینک پاکستان دی ترقی ءچ اپنڑاں کردار ادا کریندا رھاسی، ایں توں پہل وفاقی وزیر منصوبہ بندی نے ایشیائی ترقیاتی بینک دے نائب صدر شکسن چن نال وی ملاقات کیتی ، ایں موقع تے خسرو بختیار نے بریفنگ ݙیندے ہووے آکھیا کہ ایشیائی ترقیاتی بینک دی طرفوں فنڈ کیتے ونجن والے منصوبیاں تے عملدرآمد تیز کرݨ کیتے اقدامات کیتے ویندے پئے ھن جیندے نال ملک دے ترقیاتی ت ےسماجی و معاشی اھداف حاسل کرݨ ءچ مدد ملسی۔

اسلام آبادـ ۔ وزیر اعظم عمران خان دی اپیل تے اج تمام شعبیاں توں تعلق رکھݨ والےپاکستانی کشمیریاں نال اظہار یکجہتی تے مقبوضہ کشمیر دے لوگاں کوں واضح پیغام بھجواوݨ کیتے اج گھراں توں نکلسن ، ڈوپہاراں ١٢ وجے توں ساڈھے ١٢ وجے تک ٹریفک کوں وی روک ݙیتا ویسی ۔ وزیر اعظم عمران خان سیکریٹریٹ دے سامنڑیں اجتماع دی قیات کریسن جبکہ ملک بھر دے تمام اضلاع ءچ بھارتی ظلم دیخلاف احتجاج کیتا ویسی ۔ مظلوم کشمیری عوام نال اظہار یکجہتی کشمیر آور کیتے انتظامات کوں حتمی شکل ڈے ڈیتی گئی ھِ ملک ءچ ٹریناں وی روک ݙیتیاں ویسن جبکہ پارلیمنٹ دا مشترکہ اجلاس وی موخر کر ݙیتا گئیا ھِ حکومت نے فیصلہ کیتا کہ کشمیر آور کیتے وفاقی دارالحکموت کیتے تمام ٹریفک سگنل ڈینھ دے ١٢ وجے توں ساڈھے ١٢ وجے تک سرخ رھاسن، کشمیر آور دی مرکزی تقریب شاہراہ دستور تے تھیسی جیتھاں وزیر اعظم ارکان پارلیمنٹ دے نال پھجسن ، وزیر اعظم پارلیمنٹ ہاوس دے لان ءچ طلبہ تے نوجواناں نال خطاب کریسن، ملک بھر ءچ جمعہ دے ݙینھ تمام سڑکاں تے ٹریفک سگنل لال تھئی ویسن تے قومی ترانے دے نال کشمیر دا ترانہ وی پڑھا ویسی ملک بھر دے تمام اضلاع ءچ احتجاج کیتا ویسی ۔ احتجاج کیتے جگہ دے تعین کیتے ڈپٹی کمشنرز کوں ٹاسک سونپ ݙیتا گئیا ، وزیر اعظم دی ھدایت تے عوامی نمائندے اپنڑیں اپنرین حلقیاں ءچ احتجاج دی قیادت کریسن جبکہ احتجاج کیتے سول سوسائٹی تے طلباء کوں وی دعوت ݙیتی گئی ھِ

اسلام آباد ـ اقتصادی رابطہ کمیٹی دا بلین ٹری سونامے تے ترقیاتی منصوبیاں کیتے ٥٧٩ ارب روپے دی منظوری دا اعلان کر ݙیتا، تفصیل دے مطابق مشیر خزانہ عبدالحفیظ شیخ دی زیر صدارت کابینہ دی اقتصادی رابطہ کمیٹی دا اجلاس تھیا جیندے ءچ اعلی حکام نے شرکت کیتی، اجلاس دے دوران ترقیاتی منصوبیاں کیتے مجموعی طور تے ٥٧٩ ارب روپے دی منظوری ݙیتی گئی ، اجلاس ءچ بلین ٹری سونامی منصوبے کیتے ١٢٥ اعشاریہ ١٨٤ ارب روپے دی منظوری ݙیتی گئی ، مذکورہ منصوبے دے تحت ملک بھر ءچ ٣ ارب درخت لائے ویسن جیندءِ ءچ ١٠ فیصد پھلدار درخت ہوسن۔ اقتصادی کمیٹی نے کراچی کیتے ٩٥ ارب روپے دی لاگت نال بی آر ٹی پراجیکٹ تے پانڑیں دے منصوبے دی منظوری ݙیتی ۔ سندھ دے سیکنڈری سکولاں دی بہتری کیتے ١٣ ارب روپے دی منظوری ݙے ݙیتی، گوادر کوں نیشنل گرڈ توں منسلک کرݨ تے ١٧ ھزار پانڑی دے ٹینک بنڑاوݨ دے منصوبے دی منظوری ڈے ݙیتی

اسلام آباد(سرائیکی نیوز) یوم یکجہتی کشمیر تے کل ملک بھر ءچ ݙینھ ١٢ وجے توں ساڑھے ١٢ بجے تک تمام انسان تے گڈیاں رک ویسن، وزیر اعظم عمران خان ارکان اسمبلی دے ہمراہ پارلیمنٹ ہاوس دے سامنڑیں آسن، وزیر اعظم پارلیمنٹ دے باہر نوجوان تے طلباء نال خطاب کریسن، نجی ٹی وی دے مطابق حکومت پاکستان دی اپیل تے کل ملک بھر ءچ یوم یکجہتی کشمیر مانایا ویسی ، کل ملک بھر ءچ ݙینھ ١٢ بجے توں ساڑے ١٢ بجے تک تمام انسان تے گڈیاں رک ویسن کل ١٢ بجے توں ١٢ بجے تک ٣ منٹ تک قومی ترانہ وجایا ویسی جبکہ ١٢ بوج تے ٣ منٹ تے ١٢ وج تے ٥ منٹ تک کشمیر دا ترانہ وجایا ویسی ، وزیر اعظم عمران خان ممبران دے نال پارلیمنٹ ہاوس دے سامنڑیں آسن، وزیر اعظم پارلیمنٹ دے باہر نوجواناں تے طلباء نال خطاب کریسن جبکہ ملک بھر ءچ عام گھراں دفاتر توں باھر نکل تے روڈ تے جمع تھیسن، نماز جمعہ دے اجتماعات ءچ کشمیر دی آزادی کیتے خصوصی دعاوواں منگیاں ویسن

دفتر خارجہ دے ترجمان ڈاکٹر محمد فیصل نے آکھیا ھِ کہ پاکستان دے فضائی حدود دی بندش دا آپشن موجود ھِ جو زیر غور ھِ تے وقت آوݨ تے ایندا فیصلہ کریسوں، ہفتہ وار پریس کانفرنس نال گالھ مہاڑ کریندے ہووئے انہاں ھک سوال دے جواب ءچ آکھیا کہ فضائی حدود دی بندش تے اعلی حکام دے نال گالھ مہاڑ تھئی چکی ھِ

انہاں آکھیا کہ حالیہ صورتحال کوں ݙیکھدے ہووئے پاکستان دے کول اے آپشن موجود ھِ کہ فضائی حدود دی بندش کیتی ونجے انہاں واضح کیتا کہ پاکستان نے ھن تک ایں ضمن ءچ کوئی فیصلہ نی کیتا لیکن اے فیصلہ پاکستان اپنڑیں وقت تے کریسی۔ خیال رھاوے کہ وزیر خارجہ شاہ محمود قریشی نے فضائی حدود دی بندش توں متعلق فیصلے دی افواھواں کوں رد کریندے ہووئے آکھیا ھا کہ بھار کیتے ایں پیش رفت توں متعلق فیصلہ وزیر اعظم عمران خان کریسن۔

بھارت اڈے اُڈے بھجدا ودے

ترجمان دفتر خارجہ دا آکھݨ ھا کہ مسئلہ آزاد جموں و کشمیر یا گلگت بلتستان دا کینی بلکہ مسئلہ ریاست کشمیر دا ھِ اپنڑی گالھ کوں جاری رکھیندے ہوون انہاں آکھیا کہ جو اقدام بغیر سوچے سمجھے کیتے ویندے ھن ایندے نتائج ایہو جئے ھی آندے ھن تے ایندے بعد ایہو جی صورتحال ھی پیدا تھیندی ھِ ایں واسطے بھارت ایں ویلے دنیا ءچ اِݙے اُݙے بھجدا ودے ، ھک سوال دے انہاں آکھیا کہ پاکستان کوں سلامتی کونسل توں جواب ملے یا نی لا ایں تے میں ایہو آکھیساں کہ ایں تے گالھ مہاڑ تھیونڑی ھِ پاکستان کیتے جواب ھا۔

گزرن ݙینھوار وفاقی وزیر برائے سائنس و ٹیکنالوجی فواد چوھدری نے ھک ٹوئیٹ ءچ ڈسایا کہ وزیراعظم بھارت کیتے فضائی حدود مکمل بند کرݨ تے غور کریندا پئے

انہاں دا آکھݨ ھا کہ فضائی حدود بند کرݨ تے بھارت دی افغانستان نال تجارت کیتے پاکستان دی سر زمین استمعال کرݨ تے مکمل عائد پابندی کرݨ دی تجاویز کابینہ اجلاس ءچ زیر غور آئی ھِ خیال رھاوے کہ پاکستان نے رواں سال ٢٦ فروری کوں بھارت دی طرفوں فضائی حدود دی خلاف ورزی دے بعد بھارت کیتے فضائی حدود کوں بند کر ݙیتا ھا تے ایکوں ١٦ جولائی کوں کھولا گئیا ھا ، ھن ڈیڈھ ماہ بعد پاکستان ھک واری ول فضائی حدود بند کرݨ تے غور کریندا پیا ھِ بھارت تے ایندے کیا اثرات مرتب تھیسن ایندا اندازی فروری توں جولائی تک رھاوݨ والی پابندی دے اعدادو شمار نال لایا ونج سکدے جو بھارتی میڈیا نے خود مختلف رپورٹ ءچ ڈسائے ھن۔

طویل پروازاں، بھارت توں جو ہوائی طیارے پاکستانی حدود توں لنگھدن انہاں تے پابندی دے نتیجے ءچ فلائٹ دا دورانیہ گھٹ توں گھٹ ٧٠ توں ٨٠ منٹ تک اضافہ تھئی ویسی۔ پاکستانی حدود ءچ ١١ فضائی روٹس ھن جو فروری ءچ پاکستان نے مکمل فضائی حدود بھارت کیتے بند کر ݙیتی ھائی جبکہ مارچ دے بعد ایکوں جزوی طور تے کھولا گئیا ، ھن پاکستان ایویں کریندے تاں شمالی بھارت دہلی لکھنو جے پور چندی گڑھ تے امرتسر توں پرواز کرݨ والے طیارے زیادہ متاظر تھیسن کیونکہ انہاں کوں جنوب ءچ گجرات یا مہاراشتر ونج تے بحیرہ عرب توں لنگھ تے یورپ شمالی امریکا یا مغربی ایشیاء دا رخ کرنا ہوسی۔

اسلام آباد، وزیر اعظم عمران خان نے وفاقی تے ݙو صوبیاں ، پنجاب تے خیبرپختونخواہ دے متعلقہ حکام کوں ھدایت کیتی کہ او عوام کوں ریلیف فراہم کرݨ کیتے منصوبہ تشکیل ڈیون تے بنیادی ضروریات دی چیزاں دیاں قیمتاں کوں نا ودھاون، اخبار دی رپورٹ دے مطابق وزیر اعظم دے دفتر ءچ تھیوݨ والے ھک اجلاس دے دوران وزیر اعظم عمران خان نے آکھیا کہ عام آدمی کوں اضافی بوجھ توں بچاوں کیتے نظام بنڑاونڑاں چاھیدا ھِ ایندے نال وزیر اعظم نے جدید ٹیکنالوجی دا استعمال کریندے ہووئے ذخیرہ اندوزاں تے منافع خوراں دے خلاف کریک ڈاون کرݨ دی وی ھدایت ڈیتی

انہاں دا آکھݨ ھا کہ ہول سیل مارکیٹاں ءچ قیمت دا جائزہ گھنݨ کیتے اچانک معائنہ کیتا ونجے تے عوام کوں قیمتاں توں آگاہ رکھا ونجے، ایندے نال ھی انہاں ہول سیل مارکیٹ ءچ سبزیاں پھلاں دی نیلامی ءچ شفافیت دی لوڑ تے زور ݙیتا تاکہ کوئی وی کساناں کوں انہاں دے محنت دے صلے تے آمدنی توں محروم نہ رکھ سکے۔

ایں موقع تے وزیر اعظم دا آکھݨ ھا کہ عوام کوں روٹی فراہم کرݨ ریاست دی ذمہ داری ھِ تے ایں سلسلے ءچ ہر ممکن کوشش کیتی ونجنڑی چاھیدی ھِ انہاں ڈسایا کہ حکومت احساس پروگرام دے تحت ضرورت مند خانداناں کوں بنیادی اشیاءے ضروریات فراہم کرݨ دی تجویز تے غور کریندی پئے ھِ کاروبار آسان بنڑاوݨ دے حوالے نال ھک علیحدہ اجلاس ءچ وزیر اعظم نے بورڈ آف انویسنمنٹ کوں کاروباری قوانین کوں آسان بنڑاوݨ کیتے اسٹیک ہولڈرز نال مشاورت کرݨ دی ھدایت کیتی ۔

پاکستان ڊا بیلسٹک میزائل ڊا کامیاب تجربہ، کتنے کلو میٹر تک وار ھیڈ گھن ونجݨ دی صلاحیت رکھیندے

تفصیل دے مطابق ڈی جی آئی ایس پی آر نے ٹویٹر تے پیغام جاری کریندے ہووئے آکھیا ھِ کہ پاکستان نے گزرن رات زمین توں زمین تے مار کرݨ والے بیلسٹک میزائل غزنوی دا کامیاب تجربہ کر گھیدا ھِ کہ جو ٢٩٠ کلو میٹر تک مختلف اقسام دے روایتی تے غیر روایتی وار ھیڈ گھن تے ونجݨ دی صلاحیت رکھیندا ھِ جوائنٹ چیفس آف سٹاف دی طرفوں تجربہ کرݨ والی ٹیم کوں مبارکباد پیش کیتی گئی ھِ جبکہ صدر مملکت عارف علوی تے وزیر اعظم عمران خان نے قوم تے سائنسداناں کوں ایں کامایب تجربے تے مبارکباد پیش کیتی ھِ

اسلام آباد(سرائیکی نیوز ) سول ایوی ایشن اتھارٹی نے انٹرنیشنل پروازاں کیتے کراچی دءِ تریھ روٹس کوں بند کر ݙیتا ، نجی نیوز چینل دے مطابق سول ایویشن اتھارٹی نے وٹس دی تبدیلی توں متعلق باقاعدہ ناٹم جاری کر ݙیتا ھِ اے پابندیاں اکتری اگست تک جاری رھاسن جبکہ انہاں تریھ روٹس دے متبادل روٹ وی ݙے ݙیتے گئے ھن ۔ تریھ روٹس بند کرݨ دا فیصلہ وفاقی کابینی دی تجویز دے بعد کیتا گئیا ایں حوالے نال وفاقی وزیر ہوا بازی غلام سرور خان اج ڈھائی وجے پریس کانفرنس وی کریسن۔

اسلام آباد ۔ کابینہ کمیٹی برائے پاک چین اقتصادی راھداری ( سی پیک) نے تریھ اراکین دی مخالفتت دے باوجود ٨۔٢ ارب ڈالر دے مین ریلوے لائن ایم ایل ١ منصوبے تے چین نال گالھ مہاڑ دا فیصلہ تے سی پیک اتھارٹی بل دے ڈرافٹ کوں کابینہ توں منظوری کیتے بھیجوا ݙیتا۔

مقامی اخبار دی ھک رپورٹ دے مطابق مولوموت رکھݨ والے ذرائے نے سرائیکی نیوز کون ڈسایا کہ وزیر ریلوے شیخ رشید نے ایم ایل ون منصوبہ بندی دے حوالے نال اداریاں دی کارکردگی تے برہمی دا اظہار کیتا جبکہ وزیر اعظم دے مشیر برائے ادارہ جاتی اصلاحات تے سادگی ڈاکٹر عشرت حسین نے مالی تنگیاں دے باوجود ھک بئے ادارے دے قیام دی مخالفت کیتی ، وفاقی وزیر برائے منصوبہ بندی تے ترقی مخدم خسرو بختیار نے اجلاس دی صدارت کیتی جیندے ءچ شیخ رشید وزیر بحری امور علی زیدی ، ڈاکٹر عشرت حسین ،وزیر اعظم دے مشیر عبدالرزاق داود ، پلاننگ کمیشن دے ڈپٹی چیئرمین ڈاکٹر جہانزیب خان تے وفاقی سیکریٹریز نے شرکت کیتی۔

حکومت پنجاب دا صوبے ءچ چینی دی قیمت ٧٦ روپے فی کلو گرام تے ١٠ روپے فی روٹی تک پھجاوݨ دا نوٹس گھیندے ہووے تمام ڈیوزنل کمشنر کوں مارکیٹ ءچ انہاں چیزاں دی قیمتاں گھٹ کرݨ دی ھدایت کر ݙیتی

اخباری رپورٹ دے مطابق چیف سیکریٹری پنجاب یوسف نسیم کھوکھر نے راوالپنڈی دے کمشنر ثاقب ظفر تے ڈپٹی کمشنر علی رندھاوا کوں ھدایت جاری کر ݙیتی مذکورہ ھدایات ملݨ دے بعد ضلعی انتظامیہ نے ہول سیل مارکیٹ ءچ چینی دی قیمت ٧٤ روپے فی کلو گرام مقرر کر ݙیتی ۔ علاوہ ازیں ضلعی انتظامیہ دا آھݨ ھا کہ او حکومت دی طرفں مقررہ قیمتاں دے اطلاق کیتے چھاپے وی ماریسن۔

ایں توں پہل ریٹیلرز کوں فی کلو چینی تے ٣ روپے منافع حاصل کرݨ دی اجازت ھائی لیکن ھݨ ضلعی انتظامیہ دا ایں منافع کوں ٢ روپے فی کلو تک محدود کرݨ دا حکم ڈیتا گئے ، تاہم ریٹیلرز نے ایں فیصلے کوں مسترد کریندے ہووے موقع اپنڑائے کہ ہولل سیل مارکیٹ ءچ چینی ٧٥ روپے فی کلو ویکدی پئی ھِ جبکہ ریٹیلرز ٧٨ توں ٨٠ روپے فی کلو گرام چینی فروخت کریندے پئے ھن ۔ راوالپنڈی مرچنت ایسوسی ایشن دے صدر سلیم پرویز دا آکھݨ ھا کہ اے کیویں ممکن تھئی سکدے کہ ریٹیلرز ہول سیلرز توں زیادہ نرخ ءچ چینی خرید تے گھٹ قیمتاں دے ویچن۔ انہاں مزید آکھیا کہ ٧٥ روپے فی کلو چینی ملدی پئی ھِ اساں ایکوں ٧٨ روپے فی کلو فروخت کریندے پئے ھیں لیکن چینی دی فروخت ءچ صرف ٣ روپے فی کلو منافع تھیندا پیا ھِ جبکہ ایندء ءچ چینی گھن آوݨ دے سفری اخراجات تے پیکنگ دے اخراجات وی شامل ھن

وزیر اعظم عمران خان دءِ معاون خصوصہ برائے اطلاعات فردوس عاشق اعوان ڊا آکھݨ ھا کہ وزیر اعظم عمران خان مقبوضہ کشمیر دی صورتحال تے اج قوم نال خطاب کریسن۔

سماجی رابطے دی ویب سائٹ ٹوئٹر تے ٹوئٹ کریندے ہووے فردوس عاشق اعوان نے آکھیا کہ وزیر اعظم عمران خان آج قوم نال خطاب کریسن تے مقبوضہ کشمیر دی صورتحال تے قوم کوں آگاہ کریسن ، بعد ازاں ھک بئے ٹوئٹ ءچ انہاں دا آکھݨ ھا کہ وزیر اعظم شام ساڑھے پنجھ وجے قوم نال خطاب کریسن ، یاد رھاوے کہ ݙو ݙینھ پہل گورنر پنجاب چوھدری محمد سرور دے نال گورنر ھاوس لاہور ءچ پریس کانفرنس کریندے ہووے انہاں ڈسایا کہ آئندہ ہفتے وزیر اعظم قوم نال خطاب کریسن۔ انہاں دا آکھݨ ھِ کہ اے ویلے مقبوضہ کشمیر ءچ بھارت دی ریاست دہشت گردی جاری ھِ بھارت وادی ءچ ظلم و ستم دی انتہا کر ݙیتی ھِ انہاں آکھیا کہ مقبوضہ کشمیر ءچ بھارتی اقدامات عالمی قوانین دیخلاف ھن جبکہ بھارت کشمیریاں دی نسل کشی کریندا پیاء ھِ

اسلام آباد(سرائیکی نیوز) پاکستان نے بھارت دی طرفوں مقبوضہ کشمیر دی خصوصی حیثیت کوں منسوخ کرݨ دے اقدامات دے بعد قومی سلامتی کمیٹی (این ایس سی ) دے اہم اجلاس ءچ بھارت توں ݙو طرفہ تجارت کوں معطل کرݨ تے سفارتی تعلقات کوں محدود کرݨ دا فیصلہ کر گھیدا

اسلام آباد ءچ وزیر اعظم ہاوس ءچ وزیر اعظم عمران خان دی زیر صدارت قومی اسلامتی کمیٹی دا اجلاس تھیا جیتھاں وزیر خارجہ شاہ محمود قریشی، وزیر دفاع پرویز خٹک ، وزیر داخلہ اعجاز شاہ ، وزیر تعلیم شفقت محمود، وزیر انسانی حقوق شیریں مزاریں ، وزیر امور کشمیر و گلگت بلستستان ، وزیر قانون، مشیر خزانہ ، چیف آف آرمی اسٹاف جنرل قمر جاوید باجوہ ، ڈائریکٹر جنرل (ڈی جی) انٹرسروسز انٹیلی جنس (آئی ایس آئی ) لیفٹیننگ جنرل فیض حمید سمہت دیگر اعلی سول و عسکری حکام نے شرکت کیتی۔ اجلاس دے بعد جاری اعلامیے دے مطابق بھارتی حکومت دی طرفوں کیتے گئے غیر قانونہ اقدامات دے بعد ویگڑی صورتحال تے مقبوضہ جموں و کشمیر دی اندرونی تے لائن آف کنٹرل (ایل او سی ) تے صورتحال دا جائزہ گیدا گئیا ، قومی سلامتی کونسل دے اجلاس ءچ بھارت نال تعلقات تے نطر ثانی تے تجارت معطل کرݨ سمیت اہم فیصلے کیتے گئے ۔

• اجلاس ءچ فیصلہ کیتا گئیا کہ بھارت دے نال ݙو طرفہ تجارت کوں معطل کر ݙیتا ونجے
• قومی سلامتی کونسل نے فیصلہ کیتا کہ بھارت دے نال سفارتی تعلقات کوں محدود کر ݙیتا ویسی ۔
• اجلاس دے بعد جاری اعلامیے دے مطابق فیصلہ کیتا گئیا کہ پاک ، بھارت تعلقات تے نظر ثانی کیتی ویسی۔
• فیصلہ کیتا گئیا کہ مقبوضہ جموں تے کشمیر دی خصوصہ حیثیت دے منسوخ کرݨ دے بھارت دے غیر قانونی اقدامات کوں سلامتی کونسل سمیت اقوام متحدہ سے سامنڑیں چایا ویسی۔
• قومی سیاسی تے عسکری قیادت نے فیصلہ کیتا ھِ کہ یوم آزادی کوں کشمیری عوام دے نال یوم یکجہتی دے طور تے منایا ویسی تے مسئلہ کشمیر کوں بھر پور انداز ءچ اجاگر کریندے ہووے بھارت دے یوم آزادی ١٥ اگست کوں ویم سیاہ منایا ویسی۔

قومی سلامتی دے اجلاس ءچ فیصلہ کیتا گئیا کہ ݙو طرفہ تعلقات دے حوالے نال انتظامات دا جائزہ گھیدا ویسی، وزیر اعظم عمران خان نے تمام سفارتی چینلز کوں فعال کرݨ تے پاک فوج کون تیار رھاوݨ دی ھدایت وی کر ݙیتی۔ یاد رھاوے کہ بھارتی جنتا پارٹی (بی جے پی) دی بھارتی حکومت نے مقبوضہ جموں تے کشمیر کون ارٹیکل ٣٧٠ دے تحت حاصل خصوصی حیچیت کوں منسوخ کرݨ دا اعلان کریندے ہووئے آکھیا ھا کہ صدر رام ناتھ کووند نے منسوخٰ دے بل تے دستخط کر ݙیتے ھن ، بھارت دی حکومت دا کشمیر ءچ کرفیو نافذ کر ݙیتا ھا تے کشمیری قیادت کوں نظر بند کر ݙیتا ھا، واضح رھاوے کہ مقبوضہ کشمیر دی صورتحال تے اسپیکر اسد قیصر دی زیر صدارت پارلیمنٹ دے مشترکہ اجلاس ءچ اظہار خیال کریندے ہووے وفاقی وزیر سائنس اینڈ ٹیکنالوجی فواھد چوھدری نے آکھیا ھا کہ جئیں ویلے بھارت پاکستان نال مزاکرات نی کرݨ چاھندن ایندے نزدیک اساݙی کوئی حیثیت کینی تاں ول انہاں دے سفیر پاکستان ءچ کیا کریندے پئن ھن اساں کوں بھارت نال سفارتی تعلقات منقطع کر ݙیونڑیں چاھیدے ھن، فواد چوھدری دا آکھݨ ھا کہ اگر اساں تے جنگ مسلط کیتی گئی تاں پاکستان دا ہر بال اپنڑی جان ہتھیلی تے رکھ تے ایندا مطالبہ کریسی۔ انہاں دا آکھݨ ھا کہ جئیں ویلے ھندوستان نال گالھ ھی نی تھئی سکدی تاں ول ھک ڈوجہے دے سفیراں کوں رکھ تے اخراجات کیوں کیتے ویندے ھن؟