لاہورـبھارتی ہائی کمشنر اجے بساریہ دی ذال بھارتی چترویدی اسلام آباد توں اپنڑاں ضروری سامان سمیٹ تے واپس بھارت چلی گئی ھن ، پاکستان دی طرفوں بھارتی ھائی کمشنر اجے بساریہ کوں پاکستان بدر کیتے ونجن دے بعد انہاں دی ذال ٢١ اگست کوں پاکستان آئی ھائی ، بھارتی چترویدی نے ھک ہفتہ اسلام آباد ءچ گزارا، مقامی ٹی وی چینل دے مطابق بھارتی ھائی کمیشن ءچ اپنڑیں رھائش گاہ توں ضروری سامان پیک کرا تے واپس بھیج ݙیتا تے اج او خود وی واپس چلی گئی ھِ بھارتی چترویدی نے واپسی توں پہل اسلام آباد ءچ سفارتی عملے دے خاندان نال وی ملاقات کیتی جبکہ اپنڑی پاکستانی دوستاں کوں وی الوداع آکھیا، بھارتی سفارت خانے دی گڈی انہاں کوں واھگہ بارڈر چھوڑ آئی ، بھارتی سفارتی ذرائع دا آکھݨ ھِ کہ اجے بساریہ کوں شاید ھن واپس پاکستان ان بھیجا ونجے تے انہاں کوں جلد ھی کہیں ݙوجہے ملک ءچ ھائی کمشنر تعینات کیتا ونج سکدا ھِ علاوہ ازیں واہگہ بارڈر دے راستے افغان انڈیا تجارت جاری ھِ ، پاکستان نال روزانہ ݙو تریھ ٹرک خشک میوہ جات گھن تے بھارت ویندے ھن
بھارتی ھائی کمشنر اجے بساریہ دی ذال بھارتی جترویدی دی چند ݙینھ پہل پاکستان آمد اُو ھݨ کیتھاں ھن پتہ چل گئیا
