عراق ہر طرح دے داخلی یا بیرونی جارحیت دا جواب ݙیوݨ کیتے پوری طرح تیار ھِ ، عراقی وزیر اعظم

0
29

بغداد (سرائیکی نیوز۔ مانیٹرنگ ڈیسک) عراق دے وزیر اعظم عادل عبدالمہدی نے آکھئے کہ انہاں دا ملک ہر طرح دی جارحیت دا جواب ݙیوݨ کیتے تیار ھِ ارنا دی رپورٹ دے مطابق عراق دے وزیر اعظم عادل عبدالمہدی نے کابینہ دے اجلاس ءچ عوام سرکاری اداریاں تے سفارت خانیاں دے دفاع کیتے مسلح افواج مکمل آمادگی دی طرف اشارہ کریندے ہووے آکھیا کہ عراق ہر طرح دی داخلی یا بیرونی جارحیت دا جواب ݙیون کیتے پوری طرح تیار ھِ

عراقی وزیر اعظم نے کابینہ دے اجلاس ءچ عراق دی عوامی رضاکار فورس حشدالشعبی دے اݙیاں تے اسلحہ گودام دی حفاظت کیتے لازمی اقدامات انجام ݙیوݨ تے تاکید کیتی ، عراق دے مختلف علاقیاں ءچ حشد الشعبی دے مراکز تے ول ول دے حملیاں دے بعد عراق دے صدر تے وزیر اعظم تے پارلیمنٹ اسپیکر نے پیر دی رات حشد الشعبی دے کمانڈراں دے نال ھک مشترکہ اجلاس کیتا ھا۔

عراق دی عوامی رضاکار فورس حشد الشعبی نال وابستہ فوجی اڈیاں کوں حالیہ ھک مہینے دے دوران چار واری حملیاں دا نشانہ بنڑایا گئیا ھِ انہاں حملیاں دے بعد حشد الشعبی دے نائب سربراہ ابومہیدی المہندس نے ھک بیان ءچ آکھیا کہ حملیاں دے پچھوں امریکہ تے صیہونی حکومت دا ہتھ ھِ تے اگر ایں طرح دے حملے ول تھئے تاں انہاں دا بھر پور جواب ݙیتا ویسی۔

 

LEAVE A REPLY

Please enter your comment!
Please enter your name here