کشمیری کل جمعے کوں کالا ݙینھ منیسن
سرینگر۔26اکتوبر (اے پی پی) کنٹرول لائن دے ݙوہیں پاسوں اتے پوری دنیا اچ رہݨ آلے کشمیری کل جمعے کوں کالا ݙینھ منیسن جئیں دا مقصد پوری دنیا کوں اے سنیھا ݙیوݨ اے جو بھارت کشمیریاں دی سرزمین تے انہاں دی مرضی دے خلاف اتے غیر قانونی قبضہ کیتا ہوئے۔ کشمیر میڈیا سروس موجب اے 27 اکتوبر 1947 دا ݙینھ ہئی جݙاں بھارت برصغیر دی ونڈ دے فارمولے دی کھلی خلاف ورزی کریندیں ہوئیں اتے کشمیریاں دی مرضی توں ہٹ تے سری نگر دے ہوائی اݙے تے فوج لہا تے جموں تے کشمیر تے غیر قانونی قبضہ کیتا ہئی۔ اے ݙینھ مناوݨ دی کال کل جماعتی حریت کانفرنس ݙتی اے۔ حریت کانفرنس بھارت دے غیر قانونی قبضہ جموں تے کشمیر اچ کل 27 اکتوبر کوں ہڑتال دی وی اپیل کیتی اے۔
