امریکی دھمکی دا پاکستان دی طرفوں جواب
امریکی دھمکی دا پاکستان دی طرفوں جواب
اقوام متحدہ اچ پاکستان دی مستقل مندوب ملیہ لودھی دا آکھن ھا کہ پاکستان دا دہشت گردی دے خلاف جنگ ڈالر واسطے لڑن کینی بلکہ اصولاں دی بنیاد تے لڑی گئی
نیو یارک(سرائیکی نیوز ) پاکستان نے امریکی دھمکیاں تے بیانات دے جواب اچ خبردار کیتا ھِ کہ اگر امریکا نے اسلام آباد دی قربانیاں تسلیم نا کیتیاں تاں تعاون دی پالیسی تے نظر ثانی کیتی ویسی۔
امریکی صدر ٹرمپ دی دھمکی دے بعد اقوام متحدہ اچ پاکستان دی مستقل مندوب ملیہ لودھی دا آکھن ھا کہ پاکستان دا دہشت گردی دے خلاف جنگ ڈالر واسطے لڑن کینی بلکہ اصولاں دی بنیاد تے لڑی گئی ھِ
نیو یارک اچ صحافیاں نال گالھ مہاڑ کریندے ہووے پاکستان مندوب دا آکھن ھا کہ امریکا دہشت گردی دے خلاف جنگ اچ اکستان دی قربانیاں دا اعتراف کرے بصورت دیگر امریکا دے نال تعاون دی پالیسی تے غور کیتا ونج سکدا ھِ
قبل ازیں پاکستان دی قومی سلامتی کمیٹی نے منگل کوں اپنڑیں اجلاس اچ امریکی صدر ٹرمپ دے تازہ ترین ٹویٹ تے سخت مایوسی دا اظہار کریندے ہووے آکھیا ھا کہ پاکستان امریکی صدر دے الزامات دے باوجود جلد بازی اچ کوئی قدم نا چائیسی۔
اجلاس اچ آکھیا گئیا کہ پاکستان کوں افغانستان اچ امریکا دی ناکامی دا ذہ دار قرار نی ڈیتا ونج سکدا۔ امریکی صدر نے اپنڑیں حالیہ ٹویٹ اچ آکھیا کہ پاکستانی حکام گزشتہ پندرہ سالاں توں امریکا کوں بے وقوف بنڑیندے پئن تے او انہاں دہشت گرداں کوں اپنڑیں اتھا پناہ ڈیندے پئن جنہاں دا امریکا افغانستان تک پیچھا کریندا ھِ
ٹرمپ نے آکھیا کہ ایں عرصے اچ امریکا نے پاکستان کو تیتیں ارب ڈالر دی امداد ڈیتی ھِ لیکن ھن واشنگٹن اسلام آباد کوں اپنڑی امداد بند کر ڈیتی۔
مشاورت دے بعد ٹرمپ دے ٹویٹ دا جواب ڈیسوں، خواجہ آصف
وائٹ ہاوس دے ترجمان نے امریکا دی طرفوں پاکستان دے واسطے پنجھی کروڑ ڈالر توں زائد فوجہ امداد روکن دی تصدیق کریندے ہووے آکھے کہ پاکستان دے خلاف مزید اقدامات دا اعلان آئندہ چوی توں آٹھتلی گھنٹے اچ کیتا ویسی۔ ڈوجہے پاسے پاکستان پیپلز پارٹی نے امریکی صدر ٹرمپ دے پاکستان مخالف بیان کوں توہین آمیز قرار ڈیندے ہووے قومی اسمبلی اچ تحریک التوا جمع کروا ڈیتی ھِ
