وفاقی کابینہ کل رات ١٢ وجے تحلہل تے وفاقی حکومت ختم تھئی ویسی
اسلام آباد(سرائیکی نیوز۔عمران عباس) وفاقی کابینہ کل رات ١٢ وجے تحلیل تھئی ویسی جیندے بعد ملک ءچ وفاقی حکومت ختم تھئی ویسی۔ پاکستان ءچ پہلی واری مسلسل ڈوجہی جمہوری حکومت آئینی مدت مکمل کریسی جیندے تحت جمعرات تے جمعے دی درمیان شب وزیر اعظم اپنڑیں عھدے توں سبکدوش تھیسن تے انہاں دی کابینہ تحلیل تھئی ویسی۔
ذرائع دے مطابق وزیر اعظم کل وفاقی کابینہ دا الوداعی اجلاس سڈوا تے ارکان نال اظہار تہنیت کریسن۔ وزیر اعظم کل اپنڑیں دفتر دے افسران تے عملے نال وی الوداعی ملاقاتاں کریسن جبکہ وزیر اعظم کوں چیف ایگزیکٹو آفس توں روانگی تے مسلح افواج دے دستے سلامی ڈیسن۔ ذرائع نے ڈسایا کہ وزیر اعظم چاہد خاقان عباسی وزیر اعظم ہاوس ءچ کینی ذاتی رہائش گاہ ءچ مقیم ھن۔ واضح رھاوے کہ ملک ءچ موجودہ حکومت دی مدت پوری تھیون دے بعد نگران وزیر اعظم دا انتخاب کر گھیدا گئیا ھِ جیندے کیتے سپریم کورٹ دے سابق چیف جسٹس جسٹس ریٹائرڈ ناصر المک کوں نامزد کیتا گئیا ھِ پنجاب ءچ نگران وزیر اعلی دے کیتے ناصر کھوسہ تے اتفاق کیتا گئیا ھِ جبکہ سندھ ، خیبر پختونخواہ تے بلوچستان ءچ اتفاق نی تھئی سکیا
