پاکستان تے سری لنکا دے میچ کین شہر ءچ تھیسن تے ٹکٹاں کݙھݨ ملسن ، خوشخبری آ گئی

لاہور ۔ پاکستان تے سری لنکا دے درمیان تھیوݨ والی سیریز دیاں ٹکٹاں دی فروخت ستمبر دے ݙوجہے ہفتے شروع تھئی ویسی ۔ تفصیل دے مطابق پی سی بی کوآرڈینیشن کمیٹی اجلاس ءچ مختلف تجاویز تے تبادلہ خیال کیتا گئیا ، سیریز دی تیاریاں تے چیف ایگزیکٹیو پی سی بی وسیم خان دی زیر سربراہی ءچ پہلی میٹنگ ءچ تمام شعبیاں دے ذمہ داراں نے شرکت کیتی جنہاں کوں فل پروف بنڑاوݨ دی ھدایت کر ݙیتی ، سیکورٹی تے لاجسٹک دے حوالے نال متعلقہ محکمیاں نال رابطیاں ءچ تیزی گھن آوݨ تے لوگو دی مارکیٹنگ دے حوالے نال وی مشاورت تھئی ، ہر ہفتے ایں حوالے نال اجلاس منعقد کرݨ دی وی ھدایت ݙیتی گئی تمام شعبیاں دے اپنڑے متعلق حکومتی محکمیاں دے اداریاں نال باقاعدگی نال رابطے رکھݨ تے وی اتفاق کیتا گئیا ، سری لنکن ٹیم ٢٥ ستمبر کوں کراچی پھجسی ، ون ڈے سیریز دے تریھے میچ شہر قائد ءچ منعقد تھیسن ایندے بعد مہمان سائیڈ ٹونٹی ، ٹونٹی سیریز کیتے لاہور دا سفر کریسی۔