نویں گھراں دی تعمیر کیتے ٢ درخت لاوݨ لازمی قرار، لاہور ھائی کورٹ دا فیصلہ
لاہور (سرائیکی نیوز) ھائی کورٹ نے ساوا پاکستان دے حوالے نال وݙا فیصلہ کیتا ھِ جسٹس جواد حسن نے ٧٨ صفحات تے مشتمل تحریری فیصلہ جاری کر ݙیتا گئیا ، نویں گھر دی تعمیر کیتے ٢ درخت لاوݨ لازمی ہوسی ، تفصیل دے مطابق لاہور ھائی کورٹ نے تفصیلی فیصلہ جاری کریندے ہووے نویں گھری دی تعمیر کیتے ٢ درخت لاوݨ لازمی قرار ݙے ݙیتا ، عدالت نے حکم ݙیتا کہ درخت نا لاوݨ والی ھاوسنگ سوسائٹیاں دے نقشے منظور نا کیتے ویسن عدالت نے درخت کٹݨ والیاں کوں بھاری جرمانے کرݨ دا وی حکم جاری کر ݙیتا، اپنڑیں تفصیلی حکم نامے ءچ عدالت نے آکھیا کہ درخت نا لاوݨ والی فیکٹریاں دے این او سی منسوخ کیتے ونجن، تمام محکماں دے افسران درخت لاوݨ توں متعلق سالانہ رپورٹ جاری کرن، فیصلے ءچ آکھا گئیا کہ تعلیمی اداریاں ، ہسپتالاں ، پارک سمیت عوامی مقامات تے درخت لائے ونجن ، درخت لاوݨ تے کٹݨ توں متعلق اتھارٹی نال رجوع لازمی ہوسی ، پنجاب حکومت زیادہ توں زیادہ درخت لاوݨ دے حوالے نال آگاہی مہم چلاوے۔
