جنگ مسلط کیتی گئی تاں خون دءِ آخری قطرے تک لڑسوں، فواد چوھدری
لاہور(سرائیکی نیوز) وفاقی وزیر برائے سائنس اینڈ ٹیکنالوجی فواد چوھدری دا بھارت کوں ݙو ٹک پیغام اگر اساݙی پاسے انگلی چیسو تاں ہتھ توڑ ݙیسوں، مکا ݙیکھیسو تاں جبڑا توڑ ݙیسو، پریس کانفرنس کریندے ہووے فواد چوھدری دا آکھݨ ھا کہ ݙو ایٹمی طاقتاں آکھیاں ءچ آکھیاں پا تے کھڑیاں ھن ، نتائج بھگتݨ کیتے اساں سبھ تیار ھیں ، باقی دنیا کوں وی تیار رھاونڑاں چاھیدا ھِ انہاں آکھیا کہ جنگ اختیار نی کیتی ویندی اگر مسلط کیتی گئی تاں لڑسوں تے آخیر تک گھن تے ویسوں ، انہاں آکھیا کہ بھارت امن چاھندا ھِ تاں امن کیتے گھڑے ھیں اگر جنگ چاھندا ھِ تاں جنگ کیتے کھڑے ہیں اساݙی فوج تیار ھِ تے بال بال تیار ھ، متحدہ عرب امارت دی طرفوں وزیر اعظم نریندر مودی کوں اعلی ترین سول اعزاز ݙیتے ونجن توں متعلق سوال تے وفاقی وزیر نے آکھیا کہ اگر کوئی مسلمان ملک کشمیر دا درد محسوس نی کر سکدا تاں کیا آکھا ونج سکدا ھِ فواد چوھدری نے مزید آکھا کہ ایہو جئی لیڈر شپ دا کیا فائدہ جواپنڑیں کشمیری مسلمان بھیراواں دے نال نی کھڑی ھوندی۔
