کراچی ءچ بارشاں، مختلف حادثات ءچ ١١ بندے جاں بحق
کراچی(سرائیکی نیوز) صوبہ سندھ دے دارالحکومت کراچی ءچ ہفتے دی رات توں شروع تھیوݨ والی موسلادھار بارشاں دے نتیجے ءچ شہار دے علاقے زیر آب آگئے تے نظام زندگی مفلوج تھئی گئیا جبکہ مختلف حادثات ءچ بال سمیت ١١ بندے جاں بحق تھئی گئےسرائیکی نیوز دے مچابق گزرن رات توں جاری بارشاں دی وجہہ نال شہر دے کافی علاقیاں ءچ پانڑیں گھراں ءچ وڑ گئیا تے نکاسی دا نظام وی متاثر تھئیا جبکہ شہریاں کوں مشکلات دا سامنڑاں کرنا پیا، ڈوجہے پاسے شہراں دی اہم سڑکاں تے بارش دا پانڑیں جمع ھوون دی وجہہ نال سڑکاں ندی نالیاں بݨ گئیا درجناں گڈیاں پانڑیں ءچ پھنس گئیاں جنہاں کوں کڈھݨ کیتے شہری اپنڑی مدد آپ دے تحت کوششاں کریندے نظر آئے۔ کراچی ءچ مسلسل بارشاں دی وجہہ توں شاہراہ فیصل ، ڈیفنس ، کلفٹن ، گلستان جوہر ، نیپا چورنگی ، ایئرپورٹ روڈ ، کورنگی ، نارتھ ناظم آباد، سرجانی ٹاون ، گلشن اقبال ، سہراب گوٹھ ، بہادرآباد ، اسٹیڈیم روڈ ، لیاقت آباد تے ایف سی ایریا ءچ مختلف مقامات تے کئیں فٹ تک پانڑی جمع تھئی گئیا ۔ ایندے علاوہ سندھ سیکریٹریٹ سندھ اسمبلی گورنر ھاوس دے نیڑے باغ جناح دے سامنڑیں ت دیگر مقامات تے کئی فٹ پانڑیں سڑکاں تے جمع تھئی گئیا ۔
