پاکستان توں کݙھے گئے بھارتی سفیرنے کہیں ݙوجہے ملک ءچ تعیناتی دی درخواست کر ݙیتی

0
18

نئی دہلی ( سرائیکی نیوز ۔ ویب ڈیسک) پاکستان توں کݙھے گئے بھارتی سفیرنے کہیں ݙوجہے ملک ءچ تعیناتی دی درخواست کر ݙیتی ،بھارتی دفتر خارجہ دے ذرائع دے مطابق بھارتی حکومت نے پاکستان توں واپس بھیجے گئے ھائی کمشنر اجے بساریہ کوں کہیں ݙوجہے ملک ءچ سفیر لاوݨ تے غور شروع کر ݙیتا، اخباری ذرائع دے مطابق اجے بساریہ نے بھرتی دفتر خارجہ توں درخواست کیتی کہ انہاں کوں کہیں ݙوجہے ملک ءچ تعینات کر ݙیتا ونجے کیونکہ پاکستان دی حکومت نے انہاں کوں نکل ونجݨ دا حکم ݙیتا ھا جیندے بعد انہاں دی خواھش ھِ کہ انہاں کوں پاکستان ءچ دوبارہ نا بھیجا ونجے ، حکومت پاکستان نے اجے بساریہ کوں ٧ اگست کوں پاکستان چلے ونجݨ دا حکم ݙیتا ھا بعد ءچ انہاں کوشش کیتی ھائی کہ ڈونہاں ملکاں دے درمیان سفارتی تعلقات ءچ کمی نا کیتی ونجے لیکن پاکستان نے واضح طور تے ݙسا ݙیتا ھا کہ او پاکستان توں چلے ونجن، جیندے بعد او ١٠ اگست کوں ابوظہبی دے رستے بھارت چلے گئے ھن ، اجے بساریہ کوں یکم نومبر ٢٠١٧ کوں ݙو سال کیتے پاکستان ءچ بھارتی ھائی کمشنر مقرر کیتا گئیا ھا جبکہ انہاں ١٢ دسمبر کوں اسلام آباد ءچ طارج سنبھالا ھا ، ١٥ فروری ٢٠١٩ کوں ایکوں بھارت نے واپس سڈھ گھیدا ھا تاہم ٩ مارچ کوں واپس اسلام آباد آ گئے ھن

LEAVE A REPLY

Please enter your comment!
Please enter your name here