وفاقی وزیر دا احتسابی ادارے کوں لگام ݙیوݨ دا مطالبہ
اسلام آباد، ملک ءچ جیتھاں ھک پاسے فوجی آمر دی طرفں ٢ دھائیان قبل بنڑایا گئیا قومی احتساب آرڈی نینس ءچ ترمیم دا بل سینیٹ ءچ پیش کر ݙیتا گئیا اوتھیں وفاقی وزیر نے احتسابی ادارے کوں لگام ݙیوݨ دا مطالبہ کر ݙیتا۔ ڈان اخبار دے مطابق سابق صدر آصف علی زرداری کوں صحت دی سہولیات ݙیوݨ دی فراہمی توں انکار تے سینیٹ ءچ بحث دے دوران وفاقی وزیر پارلیمانی امور اعظم خان سواتی دا آکھݨ ھا کہ قومی احتساب ادارہ حکومت دے کنٹرول ءچ کینی تے پاکستان پیپلز پارٹی تے پاکستان مسلم لیگ ن کوں انہاں کیساں دا سامنڑاں ھِ جو انہاں ھک ݙوجہے دے خلاف بنڑائے ھن
انہاں دا آکھݨ ھا کہ نیب کوں لگام ݙیوݨ دی لوڑ ھِ تساں نیب نال کیا امید رکھیندے وے جیندء ءچ ٧٠ توں ٨٠ فیصد ملازمین سابق چیئرمین دے منتخب کردہ ھن پاکستان تحریک انصاف نے اے کیس نی بنڑائے تے حکومت نیب دے معاملات ءچ مداخلت نی کر سکدی ۔ انہاں آکھیا کہ پارلیمنٹ بالادست ھائی تے ایندے کول اے حق ھا کہ کہیں دے خلاف تحقیقات نا تھیسن ، آو اساں مل تے انہاں قیدیاں کوں رھا کر تے جیل خالی کروں یا ول امیراں تے غیرباں کیتے علیحدہ قانون بنڑاوں اے معاملہ ایوان بالا ءچ پی پی پی دی رہنما سینیٹر شیری رھمن نے چاتا انہاں آصف علی زرداری کوں فوری طور تے جیل توں ہسپتال منتقل کرݨ دا مطالبہ کیتا ھا۔ انہاں آکھیا کہ سابق صدر آصف علی زرداری کوں ڈاکٹراں دی تجویز دے باوجود جیل بھیج ݙیتا گئیا ھِ تے عدالتی احکامات دے باوجود انہاں دے اہل خانہ کوں وی انہاں نال ملݨ دی اجازت کینی ، سینیٹ ءچ اپوزیشن لیڈر راجہ ظفر الحق دا آکھݨ ھا کہ زیر حراست سیاست داناں دے نال جو کجھ وی تھیندا پیا ھِ او درد ناک ھِ انہاں دا علاج قانون دے مطابق تھیونڑاں چاھیدا ھِ
