بھارت، افغانستان کیتے جاسوسی کرݨ والا ایجنٹ طورخم توں گرفتار

وفاقی تحقیقاتی ادارے ایف آئی اے نے بھارت تے افغان ایجنٹ کوں گرفتار کر گھیدا ، ڈپٹی ڈائریکٹر ایف آئی اے عمران شاھد نے پشاور ءچ پریس کانفرنس کریندے ہووے آکھیا کہ ٢٢ اگست کوں طور خم بارڈر توں افغان ایجنٹ کوں گرفتار کیتا گئیا انہاں ڈسایا کہ افغان ایجنٹ دے کول افغان پاسپورٹ وی موجود ھا تے او ٥ واری بھارت وی ونج چکا ھِ ڈپٹی ڈائریکٹر ایف آئی اے نے ڈسایا کہ عمر داود نامی جاسوس افغانستان تے بھارتی ایجنسیاں کیتے کم کریندا ھا۔

عمران شاھد نے آکھیا کہ داود نامی افغان ایجنٹ کرک دا رھائشی ھِ تے ملزم دے کول پاکستان تے افغانستان ݙونہاں ملکاں دے پاسپورٹ موجود ھن انہاں آکھیا کہ افغان ایجنٹ نے پشتون لیبریشن آرمی دے ناں توں ھک گروپ تشکیل ݙیتا ھا تے پشتوناں کوں پاکستان دے سیکیورٹی اہلکاراں تے ملک دیخلاف بھڑکیندا پیا ھا، ڈپٹی ڈائریکٹر ایف آئی اے نے آکھیا کہ ملزم کوں افغانستان دی حمایت حاصل ھ تے اوتھاں ملازمت وی ݙیتی گئی ۔ عمران شاھد نے آکھیا کہ ملزم ٥ واری بھارت گئیا ایں دوران جاسوس نے بھارت دی جامعات ءچ لیکچر تے مختلف چینلاں کوں انٹرویو وی ݙیتے ۔ انہاں آکھیا کہ پولیس انسداد دہشت گردی دا محکمہ سی ٹی ڈی افغان ایجنٹ عمر داود دیخلاف مزید تحقیقات کریسی