مقبوضہ کشمیر ءچ ٨١ ویں ݙینھ وی کرفیو برقرار
سری نگر (سرائیکی نیوز) بھارتی ظلم و بربریت دا سلسلہ نہ رُک سکا ٨١ ویں ݙینھ وی مقبوضہ کشمیر ءچ کرفیو لگیا ہویا ھِ کشمیر روز مرہ دی چیزاں خریداݨ توں وی قاصر ھن ، کھیر بالاں دی خوراک ادویات سبھ مُک گئن، تفصیل دے مطابق آرٹیکل ٣٧٠ دی منسوخی دے عبد مقبوضہ کشمیر ءچ کرفیو دا ٨١ واں روز ھِ وادی ءچ سکول کالجز تے تجارتی مراکز بند ھن مقبوضہ وادی ءچ نظام زندگی پوری طرح مفلوج تھئی چکیا ھِ مقبوضہ کشمیر ءچ پبلک ٹرانسپورٹ بند تے مواصلاتی رابطے نا ہووݨ دی وجہہ نال کشمیری عوام تے ڈاکٹراں کوں ہسپتال ونجݨ ءچ مشکلات دا سامنڑاں ھِ طلبہ اسکولاں ، کالجاں تے یونیورسٹیاں نی پھج سکدے۔ مواصلاتی نظام دی بندش نال کشمیر ششدید ذھنی اذیت دا شکار تھئی چکے ھن گھراں ءچ دوایاں کینی کھاوݨ دا سامان مکݨ دی وجہہ نال موت کشمیریاں دی طرف ودھدی پئی ھِ مقبوضہ کشمیر وادی ءچ لاک ڈاوں دے باعث کشمیریاں کوں شید مشکلات دا سامنڑاں ھِ کرفیو تے پابندیاں دی وجہہ نال ھن تک مقامی معیشت کوں ھک ارب ڈالر نقصان تھئی چکیا ھِ جبکہ ھزاراں لوگ بے روزگار تھئی چکے ھن یاد رھاوے کہ گزرن ݙینھ بھارت دے مختلف تعلیمی اداریاں دے طلباء ١٣٢ تے اساتذہ نے مودی سرکار کوں مقبوضہ وادی توں لاک ڈاون ختم کرݨ کیتے خط لکھ ݙیتا ھا ، مودی سرکاری کوں لکھئے گئے خط ءچ آکھا گئیا ھا کہ مقبوضہ کشمیر ءچ بھارتی تشدد کوں بند تے سیاسی قیادت کوں رھیا کیتا ونجے تے اے غیر انسانی کرفیو کوں فوری طور تے ختم کیتا ونجے
